ۆاليۋتا باعامى
  • USD -

    454.5
  • EUR -

    487.5
  • RUB -

    5.03
قازاقستان-وزبەكستان اراسىنداعى ساۋدا كولەمى 4،1 ملرد دوللارعا جەتتى
25 اقپان 2020
قازاقستان-وزبەكستان اراسىنداعى ساۋدا كولەمى 4،1 ملرد دوللارعا جەتتى

بۇگىن تاشكەنت قالاسىندا ق ر پرەمەر-مينيسترى اسقار مامين وزبەكستان پرەزيدەنتى شاۆكات ميرزيەيەۆپەن كەزدەستى. بۇل تۋرالى ق ر ۇكىمەتىنىڭ باسپا ءسوز قىزمەتى حابارلايدى.

«ق ر تۇڭعىش پرەزيدەنتى – ەلباسى نۇرسۇلتان نازاربايەۆ سىزبەن بىرگە قازاقستان مەن وزبەكستان اراسىنداعى ەكىجاقتى قارىم-قاتىناستى ستراتەگيالىق ىنتىماقتاستىقتىڭ جاڭا دەڭگەيىنە شىعارۋدىڭ نەگىزىن قالادى. مەملەكەت باسشىسى قاسىم-جومارت توقايەۆ ساباقتاستىقتى سىرتقى ساياساتتىڭ نەگىزگى قاعيداتى رەتىندە قۇپتاي وتىرىپ، وزبەكستان رەسپۋبليكاسىمەن ءوزارا ءتيىمدى ءارى ۇزاق مەرزىمدى ىنتىماقتاستىقتى دامىتۋعا ەرەكشە كوڭىل بولەدى»، — دەدى ا. مامين.

ق ر پرەمەر-مينيسترى ەكىجاقتى ىنتىماقتاستىقتىڭ جوعارى قارقىنىن اتاپ ءوتتى.

وزبەكستان — قازاقستاننىڭ ايماقتاعى اسا ماڭىزدى ساۋدا سەرىكتەسى. 2019 جىلدىڭ قورىتىندىسى بويىنشا ەكىجاقتى ساۋدا كولەمى $4،1 ملرد جەتتى. 2020 جىلدىڭ سوڭىنا دەيىن تاۋار اينالىمىن $5 ملرد دەيىن جەتكىزۋ جوسپارلانىپ وتىر. بۇگىنگى تاڭدا قازاقستان مەن وزبەكستاندا 3 مىڭنان استام بىرلەسكەن كاسىپورىن جۇمىس ىستەيدى. 

كەلىسسوز بارىسىندا ساۋدا-ەكونوميكالىق، ينۆەستيسيالىق، سۋ-ەنەرگەتيكالىق، ترانزيتتىك-كولىكتىك، قۇرىلىس، اۋىل شارۋاشىلىعى، توقىما، اۆتوموبيل جاساۋ، مادەني-گۋمانيتارلىق، تۋريستىك، ەكولوگيالىق جانە باسقا دا سالالارداعى ىنتىماقتاستىقتى ودان ءارى دامىتۋدىڭ اۋقىمدى ماسەلەلەرى تالقىلاندى.

تاراپتار قازاقستان مەن وزبەكستاننىڭ ستراتەگيالىق سەرىكتەستىكتى كەڭەيتۋگە جانە نىعايتۋعا دەگەن ۇزدىكسىز ۇمتىلىسى ەكى ەلدىڭ ايماقارالىق ىنتىماقتاستىق فورۋمىن وتكىزۋ تاجىريبەسىنەن كورىنىس بەرگەنىن اتاپ ءوتتى.

ق ر مەن ءور ايماقارالىق ىنتىماقتاستىعىنىڭ I فورۋمى 2018 جىلعى 16 قاراشادا شىمكەنت قالاسىندا ءوتتى.

بيىلعى 26 اقپاندا قازاقستان رەسپۋبليكاسى مەن وزبەكستان رەسپۋبليكاسىنىڭ ايماقارالىق ىنتىماقتاستىعىنىڭ II فورۋمى حورەزم وبلىسىنىڭ ۇرگەنىش قالاسىندا «اگروونەركاسىپتىك كووپەراسيا، ونەركاسىپ جانە تۋريزم سالاسىنداعى ايماقتىق بيزنەستىڭ ىنتىماقتاستىعى» تاقىرىبىندا وتەدى.

ءىس-شاراعا 300-دەن استام ادام — ق ر پرەمەر-مينيسترى ا. مامين مەن ءور پرەمەر-مينيسترى ا. اريپوۆ، مەملەكەتتىك ورگانداردىڭ، وڭىرلەردىڭ باسشىلارى، سونداي-اق ەكى ەلدىڭ ىسكەرلىك ورتالارىنىڭ وكىلدەرى قاتىسادى. فورۋم قورىتىندىسى بويىنشا ايماقارالىق جانە كوممەرسيالىق سيپاتتاعى 40-تان استام كەلىسىمگە قول قويۋ جوسپارلانۋدا.

 

RELATED NEWS
وزبەكستان پرەزيدەنتىنىڭ ورتالىق ازيا بويىنشا ارنايى وكىلى بولادى
09 قاڭتار 2019
وزبەكستان پرەزيدەنتىنىڭ ورتالىق ازيا بويىنشا ارنايى وكىلى بولادى

مۇنداي ماسەلە وزبەكستاننىڭ «بەلسەندى ينۆەستيسيا جانە الەۋمەتتىك دامۋ جىلى» مەمەلەكەتتىك باعدارلاماسىندا كورىنىس تاپقان.

kun.kz سايتىنىڭ مالىمەتىنشە، بۇنىڭ سىرتىندا باعدارلاماعا سايكەس، 20-شىلدەگە دەيىن ورتالىق ازيا ەلدەرىمەن بايلانىستى كۇشەيتەتىن قۇقىقتىق-نورماتيۆتىك قۇجات ازىرلەنبەك. سونىمەن قاتار، وزبەك ەلى بيىل العاش رەت اۋعانستان بويىنشا ەكونوميكالىق ىنتىماقتاستىق (RECCA، Regional Economic Cooperation Conference on Afghanistan) بويىنشا وڭىرلىك كونفەرەنسي وتكىزەدى. اتالعان جيىن (RECCA VII) سوڭعى رەت 2017 جىلدىڭ قاراشا ايىندا تۇرىكمەنستاننىڭ استاناسى اشعابادتا وتكەن بولاتىن.

 

سۋرەت: akorda.kz سايتىنان الىندى.

ورتالىق ازيا ەلدەرىنىڭ پرەزيدەنتتەرى وزبەكستاندا باس قوسادى
19 قاراشا 2019
ورتالىق ازيا ەلدەرىنىڭ پرەزيدەنتتەرى وزبەكستاندا باس قوسادى

ورتالىق ازيا مەملەكەتتەرى باسشىلارىنىڭ ەكىنشى كونسۋلتاتيۆتىك كەزدەسۋى 29-قاراشا كۇنى تاشكەنتتە وتەدى. بۇل تۋرالى وزبەكستاننىڭ سىرتقى ىستەر ءمينيسترى ابدۋلازيز كاميلوۆ ايتتى. 

ەلىمىزدىڭ سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، تاشكەنتتە ورتالىق ازيا ەلدەرىنىڭ سىرتقى ىستەر مينيسترلەرىنىڭ كەزدەسۋى ءوتتى. وعان قازاقستان، قىرعىزستان، تاجىكستان، تۇرىكمەنستان جانە وزبەكستان سىرتقى ىستەر مينيسترلەرى قاتىسقان. ولار تاشكەنتتە وتەتىن ورتالىق ازيا مەملەكەتتەرى باسشىلارىنىڭ ەكىنشى كونسۋلتاتيۆتىك كەزدەسۋىنە دايىندىق بارىسىن تالقىلادى. مينيسترلەر ورتالىق ازيا مەملەكەتتەرىنىڭ باسشىلارى كونسۋلتاتيۆتىك كەزدەسۋىنىڭ كۇن ءتارتىبىن، بىرلەسكەن مالىمدەمەسى مەن رەگلامەنتىنىڭ جوبالارىن ناقتى قارادى. سونداي-اق وڭىرلىك ءوزارا ءىس-قيمىلدى ودان ءارى نىعايتۋدىڭ جاي-كۇيى مەن پەرسپەكتيۆالارى تالقىلاندى.

ورتالىق ازيا باعىتىنداعى ماڭىزدى ورتاق جەتىستىگى رەتىندە قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ باستاماسىمەن 2018 جىلعى 15 ناۋرىزدا نۇر-سۇلتان قالاسىندا وتكەن وا مەملەكەتتەرى باسشىلارىنىڭ جۇمىس (كونسۋلتاتيۆتىك) كەزدەسۋى بولدى. بۇل – كوپ جىلدار ىشىندەگى مۇنداي فورماتتاعى العاشقى كەزدەسۋ بولىپ، ونىڭ بارىسىندا ءوڭىر ەلدەرىنىڭ كوشباسشىلارى بەسجاقتى ىنتىماقتاستىقتىڭ نەگىزگى باسىمدىقتارىن انىقتاپ، بولاشاققا جوسپارلار بەلگىلەدى.

ق ر سىرتقى ىستەر ءمينيسترى مۇحتار تىلەۋبەردى ءوز سوزىندە ورتالىق ازيا ەلدەرىمەن جان-جاقتى كووپەراسيالىق بايلانىستاردى دامىتۋ جانە ءوڭىردىڭ ماڭىزدىلىعىن نىعايتۋ قازاقستاننىڭ سىرتقى ساياساتىنىڭ نەگىزگى باسىمدىقتارىنىڭ ءبىرى بولىپ تابىلاتىنىن اتاپ ءوتتى. 

كەزدەسۋ قاتىسۋشىلارى وزبەك تاراپىنا ءىس-شارانى ساپالى ۇيىمداستىرعانى جانە وزبەكستاننىڭ ايماقتىق ينتەگراسيانى ودان ءارى دامىتۋعا باعىتتالعان كۇش-جىگەرى ءۇشىن العىس ءبىلدىردى.

 

 

سۋرەتتەر mfa.gov.kz سايتىنان الىندى. 

 

باۋىرلاس ەلدەر بايلانىسى ارتادى
15 ءساۋىر 2019
باۋىرلاس ەلدەر بايلانىسى ارتادى

قازاقستان پرەزيدەنتى قاسىم-جومارت توقايەۆ باۋىرلاس ەلدىڭ باسشىسى شاۆكات ميرزيويەۆتىڭ شاقىرۋىمەن وزبەكستان رەسپۋبليكاسىنا مەملەكەتتىك ساپارمەن باردى. بۇگىن تاشكەنتتە وزبەكستان پرەزيدەنتى شاۆكات ميرزيويەۆپەن شاعىن قۇرامدا كەزدەسۋلەر وتكىزدى. سوسىن تاراپتار ءبىرقاتار ەىكجاقتا قۇجاتتارعا قول قويىپ، بىرلەسكەن مالىمدەمە جاسادى. Akorda.kz سايتىندا جاريالانعان قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ جانە وزبەكستان رەسپۋبليكاسىنىڭ پرەزيدەنتى شاۆكات ميرزيويەۆتىڭ بىرلەسكەن مالىمدەمەسىن تولىق ۇسىنامىز.

   

 

2019 جىلعى 14-15 ساۋىردە وزبەكستان رەسپۋبليكاسىنىڭ پرەزيدەنتى شاۆكات ميرزيويەۆتىڭ شاقىرۋىمەن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ وزبەكستانعا مەملەكەتتىك ساپارى ءوتتى.

وزبەكستان رەسپۋبليكاسىنىڭ پرەزيدەنتى شاۆكات ميرزيويەۆ قاسىم-جومارت توقايەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن جىلى جانە شىن كوڭىلمەن قۇتتىقتاپ،  قازاقستاننىڭ قازىرگى زامانعى دامۋىنا جانە شەت مەملەكەتتەرمەن كوپجاقتى بايلانىستارىنا لايىقتى ۇلەس قوسقان حالىقارالىق اۋقىمداعى ساياساتكەر جانە مەملەكەتتىك قايراتكەر رەتىندەگى مول تاجىريبەسىن اتاپ ءوتتى.

مەملەكەت باسشىلارى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆتىڭ ەكى ەل اراسىنداعى باۋىرلاستىق بايلانىستار مەن ستراتەگيالىق سەرىكتەستىكتى، ونىڭ ىشىندە ورتالىق ازياداعى بەيبىتشىلىكتى، تۇراقتىلىق پەن قاۋىپسىزدىكتى قامتاماسىز ەتۋدەگى ىنتىماقتاستىقتى دامىتۋعا قوسقان كورنەكتى ءرولىن ايرىقشا اتاپ كورسەتتى. 

وسى تۇرعىدا، پرەزيدەنت ق.توقايەۆ پرەزيدەنت ش.ميرزيويەۆتى قازاقستان-وزبەكستان قاتىناستارى مەن وڭىرلىك ىقپالداستىقتى كەڭەيتۋگە جانە نىعايتۋعا باعىتتالعان قازاقستاننىڭ قازىرگى سىرتقى ساياسي باعىتىنىڭ ساقتالاتىنىنا سەندىردى.

كەلىسسوزدەر بارىسىندا پرەزيدەنتتەر ءداستۇرلى دوستىق، ءوزارا سىيلاستىق، سەنىم مەن اشىق رۋحتا ەكى جاقتى قاتىناستاردىڭ نەگىزگى ماسەلەلەرىن، ءوزارا مۇددەلىلىك تانىتىلعان وزەكتى وڭىرلىك جانە حالىقارالىق پروبلەمالاردى تالقىلاپ، ەكى ەل اراسىنداعى كەڭفورماتتى ىنتىماقتاستىقتى ودان ءارى تەرەڭدەتۋ مەن كەڭەيتۋدىڭ پەرسپەكتيۆالارىن قاراستىردى.

مەملەكەت باسشىلارى تەرەڭ تاريحي جانە رۋحاني بايلانىستارعا، تاتۋ كورشىلىك پەن ءوزارا قولداۋعا نەگىزدەلگەن قازاقستان رەسپۋبليكاسى مەن وزبەكستان رەسپۋبليكاسى اراسىنداعى جاقىن ءارى مىعىم دوستىق قاتىناستاردىڭ وسپەلى سيپاتىن ريزاشىلىقپەن اتاپ ءوتىپ، ەكىجاقتى قاتىناستاردى جاڭا ساپالىق دەڭگەيگە كوتەرۋ ەكى باۋىرلاس ەلدىڭ مۇددەلەرىنە جاۋاپ بەرەتىنىنە سەنىم ءبىلدىردى.

پرەزيدەنتتەر، قازاقستان رەسپۋبليكاسى مەن وزبەكستان رەسپۋبليكاسى اراسىنداعى 1998 جىلعى 31 قازانداعى ماڭگىلىك دوستىق تۋرالى شارت پەن 2013 جىلعى 14 ماۋسىمداعى قازاقستان رەسپۋبليكاسى مەن وزبەكستان رەسپۋبليكاسى اراسىنداعى ستراتەگيالىق سەرىكتەستىك تۋرالى شارتتا بەكىتىلگەن پرينسيپتەر مەن مىندەتتەمەلەرگە بۇلجىماس بەرىكتىگىن راستاي وتىرىپ، تومەندەگىلەر تۋرالى مالىمدەيدى: 

قازاقستان رەسپۋبليكاسىنىڭ ۇكىمەتى جانە وزبەكستان رەسپۋبليكاسىنىڭ ۇكىمەتى اراسىنداعى 2017-2019 جىلدارعا ارنالعان ەكونوميكالىق ىنتىماقتاستىقتىڭ ستراتەگياسىن جۇيەلى ورىنداۋ ەكى ەلدىڭ ستراتەگيالىق مۇددەلەرىنىڭ بىرلىگىنە نەگىزدەلگەن، ەكونوميكا سالاسىنداعى ءوزارا ءتيىمدى جانە جەمىستى ىقپالداستىقتى ۇلعايتۋعا قىزمەت ەتەدى. 

ەكىجاقتى ساۋدانىڭ وڭ قارقىنىن ريزاشىلىقپەن اتاپ وتە وتىرىپ، مەملەكەت باسشىلارى ەكىجاقتى ساۋدا كولەمىن 2020 جىلدىڭ سوڭىنا 5 ملرد.دوللارعا دەيىن ءوسىرۋدى، ونىڭ قۇرىلىمىن ءارتاتاپتاندىرۋدى، سونداي-اق ءوڭىرارالىق ىقپالداستىقتى قوسا العاندا، ەكونوميكالىق كووپەراسيا مەن ينۆەستيسيالىق ىنتىماقتاستىقتىڭ ۇزاق مەرزىمدى جاڭا نىساندارىن دامىتۋدى قامتاماسىز ەتۋگە ءوز ۇمتىلىستارى بويىنشا ورتاق پىكىردە.

تاراپتار قازاقستان مەن وزبەكستان اراسىنداعى 2018 جىلعى 16 قاراشادا شىمكەنت قالاسىندا وتكەن العاشقى ءوڭىرارالىق ىنتىماقتاستىق فورۋمىنىڭ جانە 2019 جىلعى 15 ناۋرىزدا تاشكەنت قالاسىندا وتكەن ورتالىق ازيا ەلدەرىنىڭ ءبىرىنشى وڭىرلىك ەكونوميكالىق فورۋمىنىڭ قورىتىندىلارىن وڭ باعالادى.

مۇنداي فورماتتار ەكىجاقتى جانە وڭىرلىك دەڭگەيلەردە ءوزارا ءتيىمدى ەكونوميكالىق ىنتىماقتاستىقتى نىعايتۋ مەن ۇلعايتۋعا، ساۋدا، ينۆەستيسيالار، لوگيستيكا سالالارىنداعى جاڭا پەرسپەكتيۆتى جوبالاردى ىسكە اسىرۋعا، ينتەگراسيالانعان ونەركاسىپتىك تەحنوپاركتەر، عىلىمي-يننوۆاسيالىق كلاستەرلەر مەن ەركىن ەكونوميكالىق ايماقتاردى قۇرۋعا سەپتىگىن تيگىزەدى.

پرەزيدەنتتەر ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ قىزمەتىن جانداندىرۋ مەن جەتىلدىرۋدىڭ، سونداي-اق ەكى ەلدىڭ ۇكىمەت باسشىلارىن تەڭ ءتوراعالار ەتىپ تاعايىنداۋ جولىمەن ونىڭ ستاتۋسىن كوتەرۋدىڭ ماڭىزدىلىعىن اتاپ ءوتتى.

مەملەكەت باسشىلارى حالىقارالىق ساياساتتىڭ ءوزارا مۇددەلى، ماڭىزدى ماسەلەلەرى بويىنشا تاراپتار ۇستانىمدارىنىڭ ۇقساستىعىن راستادى جانە ورتالىق ازيانىڭ گۇلدەنۋى مەن حالىقتارىنىڭ يگىلىگى ءۇشىن تۇراقتىلىق پەن قاۋىپسىزدىك اتموسفەراسىن نىعايتۋعا قولعابىس ەتۋگە ەكى جاقتىڭ دا ۇمتىلىسىن اتاپ كورسەتتى. تاراپتار شىۇ، تمد، اوسشك مەن باسقا دا حالىقارالىق جانە وڭىرلىك ۇيىمدار شەڭبەرىندە ءوزارا ءتيىمدى ىنتىماقتاستىقتى جالعاستىرۋعا ۋاعدالاستى.

وزبەكستان ليدەرى قازاقستان رەسپۋبليكاسىنىڭ 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە ورتالىق ازيا مەملەكەتتەرىنىڭ ورتاق مۇددەلەرىن حالىقارالىق ارەنادا ىلگەرىلەتۋ ماسەلەلەرىندەگى قىزمەتىنە جوعارى باعا بەردى.

ەلدەردىڭ باسشىلارى بۇۇ جانە باسقا حالىقارالىق ۇيىمدار شەڭبەرىندە ەكى تاراپتىڭ حالىقارالىق باستامالارىن ءوزارا قولداۋ بويىنشا ەكى ەل ۇستانىمدارىنىڭ مىزعىماستىعىن راستادى.

تاراپتار وڭىردە جانە جالپى الەمدە قالىپتاسىپ وتىرعان احۋالدى باعالاۋداعى ورتاق ۇستانىمداردى اتاپ كورسەتىپ، وڭىردەگى قازىرگى زامانعى سىن-تەگەۋرىندەر مەن قاتەرلەرگە قارسى تۇرۋ مەن ولاردىڭ الدىن الۋعا باعىتتالعان، ەڭ الدىمەن ەكىجاقتى فورماتتا جانە كوپجاقتى قۇرىلىمدار شەڭبەرىندە حالىقارالىق تەرروريزمگە، ءدىني ەكسترەميزمگە، ەسىرتكى ترافيگىنە، ترانسۇلتتىق ۇيىمداسقان قىلمىسقا، زاڭسىز كوشى-قونعا جانە باسقا دا پروبلەمالارعا قارسى كۇرەستە  بىرلەسكەن شارالار قابىلداۋدى جاقتاپ سويلەدى.

مەملەكەت باسشىلارى اۋعانستان يسلام رەسپۋبليكاسىن (اير) قالپىنا كەلتىرۋ ۇدەرىسىندەگى كۇش-جىگەرلەردى بىرىكتىرۋگە ماڭىز بەرەدى. قازاقستان مەن وزبەكستاننىڭ پرەزيدەنتتەرى اير ەكونوميكاسىن جاڭارتۋعا بەيىلدىلىكتەرىن راستادى جانە اۋعانستانمەن ۇزاق مەرزىمدى تاتۋ كورشىلىك ىنتىماقتاستىقتى ورىستەتۋ، سونىڭ ىشىندە كولىك كوممۋنيكاسيالارى، ءبىلىم بەرۋ مەن دەنساۋلىق ساقتاۋ سالالارىنداعى ءىرى جوبالاردى ىسكە اسىرۋ جولىمەن دامىتۋ قاجەتتىگىن جاقتايدى.

اۋعان باسشىلىعى جۇزەگە اسىرىپ جاتقان بەيبىتشىلىك پەن تاتۋلاسۋعا قاراي قادامداردى قولداۋ ءۇشىن «بەيبىت ۇدەرىس، قاۋىپسىزدىك سالاسىنداعى ىنتىماقتاستىق جانە وڭىرلىك ءوزارا ىقپالداستىق» اتتى اۋعانستان جونىندەگى تاشكەنت كونفەرەنسياسىن قوسا العاندا، وڭىرلىك جانە حالىقارالىق فورۋمداردىڭ ماڭىزدىلىعىن اتاپ كورسەتە وتىرىپ، ەكى ەل باسشىلارى اۋعانستانداعى بەيبىت ۇدەرىسكە مۇددەلى حالىقارالىق قوعامداستىق پەن كورشى مەملەكەتتەردىڭ كۇش-جىگەرلەرىنە جاردەمدەسۋدى جاقتادى.

قازاقستان پرەزيدەنتى 2020 جىلى تاشكەنتتە يسلام ىنتىماقتاستىق ۇيىمىنىڭ (يىۇ) عىلىم جانە تەحنولوگيالار بويىنشا ەكىنشى ءسامميتىن وتكىزۋگە قولداۋ ءبىلدىردى. تاراپتار 2017 جىلعى قىركۇيەكتە استانادا وتكەن يىۇ عىلىم جانە تەحنولوگيالار بويىنشا ءبىرىنشى ءسامميتىنىڭ جۇمىسىن جوعارى باعالاپ، ونىڭ قورىتىندىلارى مەن شەشىمدەرىن جۇزەگە اسىرۋدى يىۇ ەكىنشى ءسامميتى شەڭبەرىندە جالعاستىرۋعا ۋاعدالاستى.

مەملەكەت باسشىلارى قورعانىس جانە اسكەري-تەحنيكالىق سالاداعى، سونداي-اق عارىشتىق زەرتتەۋلەر مەن ازىرلەنىمدەر سالاسىنداعى ىنتىماقتاستىقتى ودان ءارى دامىتۋعا جاردەمدەسۋ نيەتتەرى تۋرالى مالىمدەدى.

ەكى مەملەكەتتىڭ باسشىلارى ارال تەڭىزى باسسەينىندەگى ناقتى باعدارلامالار مەن جوبالاردى ىسكە اسىرۋ بويىنشا ءوڭىر ەلدەرىنىڭ حالىقارالىق ۇيىمدار، قارجىلىق جانە ەكولوگيالىق ينستيتۋتتارمەن ىقپالداستىعىن كەڭەيتۋ ارقىلى ارالدى قۇتقارۋدىڭ حالىقارالىق قورى شەڭبەرىندەگى ىنتىماقتاستىقتى جانداندىرۋعا ءوزارا مۇددەلىلىكتى راستادى.

قازاقستان مەن وزبەكستان حالىقتارىنىڭ مادەني، تاريحي جانە رۋحاني بىرلىگىن اتاپ وتە وتىرىپ، ق.توقايەۆ پەن ش.ميرزيويەۆ عىلىم، ءبىلىم بەرۋ، مادەنيەت، ونەر، تۋريزم، سپورت جانە باسقا دا سالالارداعى ىنتىماقتاستىقتى ودان ءارى قارقىندى دامىتۋعا بەيىلدىلىكتەرىن راستادى.

تاراپتار 2018 جىلى قازاقستانداعى وزبەكستان جىلىنىڭ ءساتتى وتكىزىلۋىن جانە 2019 جىلعى 15 ساۋىردەگى وزبەكستانداعى قازاقستان جىلىنىڭ سالتاناتتى اشىلۋىنا ريزاشىلىقتارىن ءبىلدىردى. مۇنداي ءىس-شارالار قازاق جانە وزبەك حالىقتارىنىڭ باۋىرلاستىعى مەن رۋحاني تۋىستىعىنىڭ، ەكى ەلدىڭ شىنايى دوستىعى مەن تاعدىرلارىنىڭ اجىراماس جاقىندىعىنىڭ نىشانى بولىپ تابىلاتىنىن، سونداي-اق حالىقتار اراسىنداعى تاتۋ كورشىلىك قاتىناستارىن نىعايتۋعا، ءوزارا تۇسىنىستىك پەن سەنىمدى، كورشىلىك قولداۋدى تەرەڭدەتۋگە جاردەمدەسەدى دەپ اتاپ ءوتتى.

مەملەكەت باسشىلارى قازاقستان مەن وزبەكستان اراسىنداعى مەملەكەتتىك شەكارانى دەماركاسيالاۋ ۇدەرىسىنىڭ ءساتتى ءجۇرىپ جاتقانىن، سونداي-اق ەكى ەلدىڭ شەكارا ماڭىنداعى تۇرعىندارىنىڭ تۇرمىس-تىرشىلىگىن جاقسارتۋدى، ترانسشەكارالىق ەكونوميكالىق بايلانىستار مەن گۋمانيتارلىق الماسۋلاردى جانداندىرۋدى، ازاماتتاردىڭ ءوزارا ساپارلارىن ارتتىرۋعا سەپتىگىن تيگىزەتىن وتكىزۋ بەكەتتەرى قىزمەتىنىڭ تيىمدىلىگىن قامتاماسىز ەتۋدى قۇپتادى.

ەكى ەلدىڭ پرەزيدەنتتەرى ءوز اۋماعىندا تۇراتىن ەكىنشى تاراپ وكىلدەرىنىڭ ەتنيكالىق، تىلدىك جانە ۇلتتىق مادەنيەتتەرىن ساقتاۋ مەن دامىتۋ ءۇشىن ىنتىماقتاستىقتى نىعايتۋعا، تاراپتاردىڭ زاڭنامالارىنا سايكەس ولاردىڭ وكىلدەرىنىڭ قوعامدىق-ساياسي، مادەني جانە الەۋمەتتىك-ەكونوميكالىق ومىرىنە بەلسەندى قاتىسۋىنا جاعداي جاساۋعا نيەتتەرىن راستادى.

قازاقستان رەسپۋبليكاسى مەن وزبەكستان رەسپۋبليكاسى ەكىجاقتى جانە كوپجاقتى قول قويىلعان شارتتاردى ۋاقىتىلى جانە ساپالى جۇزەگە اسىرۋدىڭ، سونداي-اق ەكى مەملەكەت اراسىنداعى شارتتىق-قۇقىقتىق بازانى ودان ءارى كەڭەيتۋدىڭ ماڭىزدىلىعىن اتاپ كورسەتتى.

قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيويەۆكە، بۇكىل وزبەك حالقىنا جىلى قابىلداۋ مەن قوناقجايلىق ءۇشىن العىسىن ءبىلدىردى جانە وزبەكستان باسشىسىن وعان ىڭعايلى ۋاقىتتا قازاقستانعا ساپارمەن كەلۋگە شاقىردى. ساپاردىڭ مەرزىمدەرى ديپلوماتيالىق ارنالار ارقىلى كەلىسىلەدى.

 سۋرەتتەر akorda.kz جانە presizdent.uz سايتتارىنان الىندى.

تاشكەنت، 2019 جىلعى 15 ءساۋىر

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.