ورتالىق ازيا ەلدەرى مەن اقش ءسىم باسشىلارىنىڭ «س5+1» فورماتىنداعى كەزدەسۋى اياسىندا ەلوردادا قازاقستان رەسپۋبليكاسى سىرتقى ساياسي ۆەدومستۆوسىنىڭ باسشىسى بەيبىت اتامقۇلوۆ قىرعىز رەسپۋبليكاسىنىڭ سىرتقى ىستەر ءمينيسترى چينگيز ايداربەكوۆپەن كەزدەسۋ وتكىزدى.
سىرتقى ىستەر مينيسترلىگىنىڭ رەسمي سايتىندا جاريالانعان ماتەريالدارعا قاراعاندا، كەلىسسوزدەر بارىسىندا تاراپتار ەكىجاقتى جانە كوپجاقتى كۇن تارتىبىندەگى وزەكتى ماسەلەلەر بويىنشا جان-جاقتى پىكىر الماستى. اتاپ ايتقاندا، ساۋدا-ەكونوميكالىق، شەكارا ماڭى جانە سۋ-ەنەرگەتيكا سالالارىنداعى ىنتىماقتاستىق ماسەلەلەرى تالقىلاندى.
ق ر سىرتقى ىستەر ءمينيسترىنىڭ 20 مامىردا قىرعىز رەسپۋبليكاسىنا جانە قازاقستان پرەمەر-مينيسترىنىڭ 2019 جىلعى 12 شىلدەدە بىشكەككە جاساعان رەسمي ساپارلارى جانە ونىڭ شەڭبەرىندە وتكەن قازاقستان-قىرعىز ۇكىمەتارالىق كەڭەسى 8ء-شى وتىرىسىنىڭ قورىتىندىسى بويىنشا قول جەتكىزىلگەن ۋاعدالاستىقتاردى جۇزەگە اسىرۋدىڭ وڭ سەرپىنى قاناعاتتانارلىقپەن اتاپ ءوتىلدى.
الداعى جوعارى دەڭگەيدەگى حالىقارالىق ءىس-شارالاردىڭ كەستەسى مەن ولارعا دايىندىق بارىسى مۇقيات قارالدى. ءتيىستى جوسپاردى پىسىقتاۋ ارقىلى پارلامەنتارالىق ءوزارا ءىس-قيمىلدى كۇشەيتۋ ۇسىنىلدى. قىرعىز تاراپى ەلشىلىكتىڭ جاڭا عيماراتىن سالۋ ءۇشىن بولىنەتىن جەر ۋچاسكەسىن انىقتاۋدى سۇرادى.
تاراپتار ەكىجاقتى كۇن تارتىبىندەگى وزەكتى ماسەلەلەردى جەدەل ىلگەرىلەتۋ ءۇشىن ءسىم باسشىلارى دەڭگەيىندە سىندارلى ديالوگتى جالعاستىرۋعا دايىن ەكەندىكتەرىن ءبىلدىردى.
سۋرەتتەر http://mfa.gov.kz سايتىنان الىندى.
