قازاقستان پرەزيدەنتى قاسىم-جومارت توقايەۆ سوورونباي جەەنبەكوۆتى قىرعىز رەسپۋبليكاسىنىڭ تاۋەلسىزدىگى كۇنىمەن قۇتتىقتادى. بۇل تۋرالى اقوردا سايتى اقپارات تاراتتى.
بەرىلگەن مالىمەتتەرگە قاراعاندا، مەملەكەت باسشىسى قۇتتىقتاۋ جەدەلحاتىندا قىرعىزستاننىڭ ءوز ەگەمەندىگى جىلدارىندا اۋقىمدى جاڭعىرۋ جولىنان ءوتىپ، مەملەكەت قۇرۋ ىسىندە زور جەتىستىكتەرگە جەتكەنىن اتاپ ءوتتى.
قاسىم-جومارت توقايەۆ نۇر-سۇلتان مەن بىشكەك اراسىندا قالىپتاسقان كوپعاسىرلىق دوستىق، كورشىلەستىك جانە ءوزارا سەنىم سيپاتىنداعى ءىس-قيمىلداردى قازاقستان تاراپى جوعارى باعالايتىنىنا ەرەكشە ءمان بەردى.
– ءبىزدىڭ ەلدەرىمىزدىڭ اراسىندا ورناعان اشىق جانە تۇراقتى ساياسي ديالوگ الداعى ۋاقىتتا دا قازاق-قىرعىز قاتىناستارىنىڭ ستراتەگيالىق سەرىكتەستىك جانە ءوزارا قولداۋ رۋحىندا جان-جاقتى نىعايا بەرۋىنە ىقپال ەتەدى دەپ سەنەمىن، - دەلىنگەن جەدەلحاتتا.
