ىشكى ىستەر مينيسترلىگى «Qarmet» زاۋىتىنان (بۇرىنعى ارسەلورميتتال) ۇرلىق جاسادى دەگەن كۇدىكتى ميراس احمەتجانوۆ پەن اندرەي چيجيەۆسكيي ەسىمدى ازاماتتارعا ىزدەۋ جاريالادى، دەپ حابارلايدى Ulys.
دەرەككوزگە سۇيەنسەك، ولار قىلمىستىق توپپەن بىرگە اسا ءىرى مولشەردە الاياقتىق جاسادى دەگەن كۇدىككە ىلىنگەن.
ميراس احمەتجانوۆ 02.04.1987 جىلى تۋعان، اباي وبلىسىنىڭ تۋماسى، بۇرىن ۇرلىق جاساعانى ءۇشىن سوتتالعان. اندرەي چيجيەۆسكيي 29.11.1987 جىلى تۋعان، قوستاناي وبلىسىنىڭ تۋماسى.
«ىزدەۋدە جۇرگەن ادامداردىڭ ورنالاسقان جەرى تۋرالى اقپارات بولسا، ءىىم ۇيىمداسقان قىلمىسقا قارسى كۇرەس دەپارتامەنتىنە، ياعني، استانا قالاسى، تاۋەلسىزدىك داڭعىلى 1 مەكەنجايى بويىنشا نەمەسە 8-705-177-14-19، 8-702-975-62-48، 8-775-299-79-97، 8-7172-72-20-99 تەلەفوندارى ارقىلى حابارلاۋدى سۇرايمىز»، - دەپ جازعان مينيسترلىك ءوز حابارلاماسىندا.