قازىبەك بي اۋداندىق سوتى بۇرىن قاراعاندىنى باسقارعان مارقۇم شايمەردەن ورازالينوۆتىڭ ۇلى ءابىل ورازالينوۆقا قاتىستى ۇكىم شىعاردى. ول 78 جاستاعى تۋعان شەشەسىن ۇرىپ-سوققان، دەپ حابارلايدى Ulys.
سوتقا دەيىنگى تەرگەپ-تەكسەرۋ ورگاندارى ۋ-دى 1946 جىلى تۋعان اناسى ك-نىڭ دەنەسىن ادەيى جاراقاتتاپ، دەنساۋلىعىنا ورتاشا اۋىرلىقتاعى زيان كەلتىرگەنى ءۇشىن جانە دارمەنسىز كۇيدە قالدىرعانى ءۇشىن قك 107-بابى 2-بولىگى 3-تارماعى بويىنشا ايىپ تاقتى.
سوت حابارلاماسىندا كورسەتىلگەندەي، سوتتالۋشى ۋ اناسىمەن جالجالداسىپ، ونىڭ باسىنان، دەنەسىنەن ۇرىپ، تەپكەن. سالدارىنان كەيۋانانىڭ ميى شايقالعان، بەتى جاراقاتتانعان، قابىرعالارى مەن ومىرتقاسى سىنعان.
ءابىل ورازالينوۆ ىستەگەن ءىسى ءۇشىن وكىنبەگەن.
سوت ونى 3 جىلعا سوتتاپ، جازاسىن قاۋىپسىزدىگى ورتاشا مەكەمەدە وتەۋگە ۇكىم شىعاردى.
سونىمەن قاتار، سوتتالۋشىدان 1 ملن تەڭگە كولەمىندە مورالدىق زيان سوماسى، سونداي-اق ادۆوكاتتارعا تولەنگەن شىعىندار ءوندىرىلدى.
سوت ۇكىمى زاڭدى كۇشىنە ەنگەن جوق.
