ۆاليۋتا باعامى
  • USD -

    454.5
  • EUR -

    487.5
  • RUB -

    5.03
قايرات ساتىبالدىمەن بايلانىستى تۇلعالاردان 732 ملرد تەڭگەدە مەملەكەتكە قايتارىلدى
11 ءساۋىر 2024
قايرات ساتىبالدىمەن بايلانىستى تۇلعالاردان 732 ملرد تەڭگەدە مەملەكەتكە قايتارىلدى

سىبايلاس جەمقورلىققا قارسى كۇرەس اگەنتتىگى تۇڭعىش پرەزيدەنت نۇرسۇلتان نازاربايەۆتىڭ ءىنىسى قايرات ساتىبالدى مەملەكەتكە تاعى 50 ملرد تەڭگە قايتاراتىنىن مالىمدەدى، دەپ حابارلادى Ulys

انتيكور حابارلاعانداي، سوتتالۋشىنىڭ جالپى سوماسى 50 ملرد تەڭگەدەن اساتىن قوسىمشا مۇلىكتىك اكتيۆتەرىن مەملەكەت پايداسىنا قايتارۋ تۋرالى ماسەلە قارالىپ جاتىر.

بۇعان دەيىن حابارلانعانداي، تەرگەۋ بارىسىندا قايرات ساتىبالدى ۇلى ءوز كىناسىن تولىق مويىنداپ، قىلمىستىق جولمەن الىنعان مۇلىكتى اشۋعا ىقپال ەتكەن.

«سوتقا دەيىنگى تەرگەپ-تەكسەرۋ كەزەڭىندە سىبايلاس جەمقورلىققا قارسى قىزمەت سوتتالۋشىنىڭ جانە ونىمەن بايلانىستى تۇلعالاردىڭ جالپى سوماسى 732 ملرد تەڭگەدەن استام مۇلىكتىك اكتيۆتەرى مەن اقشالاي قاراجاتىن مەملەكەت پايداسىنا قايتارۋدى قامتاماسىز ەتتى»، - دەپ حابارلادى انتيكور.

RELATED NEWS
«كاليان، اراق جانە اقشا…». تانىمال بوكسشى وتاندىق سپورتتاعى جەمقورلىق تۋرالى
04 مامىر 2024
«كاليان، اراق جانە اقشا…». تانىمال بوكسشى وتاندىق سپورتتاعى جەمقورلىق تۋرالى

قازاقستاندا كەيىنگى جىلدارى سپورتتىڭ جاي-كۇيى ءجيى تالقىلاناتىن تاقىرىپتار قاتارىندا. بۇعان ۇلتتىق وليمپيادا كوميتەتىن ءبىراز جىل ەكس-پرەزيدەنت نازاربايەۆتىڭ كۇيەۋ بالاسى تيمۋر قۇلىبايەۆتىڭ باسقارۋى دا سەبەپ بولسا كەرەك. ءماجىلىس دەپۋتاتى ەرمۇرات باپي قۇلىبايەۆتى «ويى — مۇناي ساتىپ، قالتاسىن تولتىرۋ، سپورتتى ءقايتسىن؟!» دەپ اشىق سىناپ تاستادى. كەيىن كوميتەتتە ۇلكەن ءاۋىس-تۇيىس بولدى، دەسەك تە قۇرامدا ەسكى قازاقستاننىڭ وكىلدەرى قىلاڭ بەرىپ قالدى. وعان قوسا كەيىنگى كەزدە جالپى سپورت سالاسىنداعى سىبايلاس جەمقورلىققا قاتىستى بىرنەشە داۋلى وقيعا بولدى. بۇل تۋرالى dalainside سايتى حابارلادى.

سىبايلاس جەمقورلىققا قارسى قىزمەت بىرنەشە ايدان بەرى سپورت سالاسىنداعى شەنەۋنىكتەر مەن ولار باسقاراتىن قۇرىلىمداردىڭ قىزمەتىنە تەكسەرىس جۇرگىزىپ كەلەدى. dw.com وسى تاقىرىپتا زەرتتەۋ جۇرگىزىپ كورگەن. دەرەكتەرگە سۇيەنسەك، 2024 جىلدىڭ باسىنان باستاپ ەلدە بيۋدجەت قاراجاتىن ۇرلادى دەگەن كۇدىكپەن بەس ادام ۇستالعان. ونىڭ ىشىندە كەيبىر شەنەۋنىكتەر ۇزاق مەرزىمگە سوتتالىپ كەتكەن.

«مەملەكەتتەن سۋبسيديا الاتىن كەيبىر سپورت مەكتەپتەرى مەن كلۋبتارىندا وسىعان بايلانىستى شۇعىل جينالىستار وتكىزىلگەن. ال مەكەمە باسشىلارى ءوز قاراماعىنداعىلاردان سىبايلاس جەمقورلىققا قارسى قىزمەتكەرلەرمەن سويلەسۋ بارىسىندا ولارعا قارسى كۋالىك بەرمەۋىن سۇرايدى»، — دەپ جازىلعان دەرەكتە.

ەڭ داۋلى وقيعالاردىڭ ىشىندە 117 مىڭ ەۋروعا جۋىق ۇرلادى دەگەن كۇدىككە ىلىنگەن سپورتتى دامىتۋ ديرەكسياسىنىڭ باسشىسى ورالباي جاقسىمبەتوۆ، 102 مىڭ ەۋرودان اسا قارجى جىمقىرعانى ءۇشىن 7 جىلعا باس بوستاندىعىنان ايىرىلعان استانانىڭ وليمپيادالىق سپورت تۇرلەرىن دامىتۋ ديرەكسياسىنىڭ بۇرىنعى باسشىسى باعدات دانياروۆ تا بار.

سونىمەن قاتار، ءقازىر ءۇرىمشى قالاسىنداعى (قحر) بازارلاردان قازاقستان قۇراماسىنىڭ 2023 جىلعى ازيا ويىندارىندا ونەر كورسەتۋى ءۇشىن ساپاسىز كيىم ساتىپ الۋ ىسىنە قاتىستى تەرگەۋ ءجۇرىپ جاتىر.

«قارجى مونيتورينگى اگەنتتىگىنىڭ اقپاراتى بويىنشا سپورتشىلارعا ارنالعان جابدىقتى ساتىپ الۋ كەزىندە «ويلاستىرىلعان سحەمانى» پايدالانۋ ناتيجەسىندە تۋريزم جانە سپورت مينيسترلىگى جانىنداعى سپورتتى دامىتۋ ديرەكسياسىنىڭ شەنەۋنىكتەرى مەملەكەتكە 778 مىڭ ەۋرودان اسا شىعىن كەلتىردى»، — دەپ كەلتىرىلگەن دەرەكتە.

وتكەن ايدا مادەنيەت جانە سپورت ءمينيسترىنىڭ ورىنباسارى، پرەمەر-مينيستردىڭ كەڭەسشىسى لاۋازىمدارىن اتقارعان، ونىڭ ۇستىنە ەلدىڭ ەڭ اتاقتى فۋتبول كلۋبتارىنىڭ ءبىرى «استانا» ديرەكتورلار كەڭەسىنىڭ ءتوراعاسى بولعان ەرلان قوجاعاپانوۆ ۇستالدى. ونىڭ ناقتى نە ءۇشىن ايىپتالعانى ءالى بەلگىسىز، ءىس قۇپيا سانالادى. سىبايلاس جەمقورلىققا قارسى ءىس-قيمىل اگەنتتىگى مالىمەتىنشە، قوجاعاپاروۆ «اۋىر سىبايلاس جەمقورلىق جاسادى» دەگەن كۇدىكپەن ۇستالدى.

سىبايلاس جەمقورلىق قىلمىستارى بويىنشا سوت پروسەستەرى تەك جوعارى دەڭگەيدەگى شەنەۋنىكتەردى قامتىعان جوق: 12 ناۋرىزدا شىمكەنتتە 12 مىڭ ەۋرو سوماسىنا ءىسساپار قۇجاتتارىنا قاتىستى الاياقتىق جاسادى دەپ ايىپتالعان جەرگىلىكتى سپورت مەكتەپتەرىنىڭ جاتتىقتىرۋشىلارىنا ۇكىم شىقتى. پروسەستىڭ قاتىسۋشىلارى ءبىر جىلدان ەكى جىلعا دەيىن باس بوستاندىعىنان ايىرىلدى.

باسىلىم مالىمەتىنشە، مۇنداي پروسەستەر جاقىن ارادا كوپ بولۋى دا مۇمكىن، ويتكەنى شەنەۋنىكتەردىڭ ايلا-امالدارى تۋرالى تانىمال سپورتشىلار دا اشىق ايتا باستاعان.

سولاردىڭ ءبىرى UBO World Champion جانە WBC International بويىنشا ايەلدەر بوكسىندا جەڭىل سالماقتاعى بەلبەۋدىڭ يەگەرى انگەلينا لۋكاس بولدى. 17 ناۋرىزدا تەلەجۇرگىزۋشى دينارا ساتجاننىڭ سۇحباتىندا ول قازاقستان قۇراماسىنداعى كەيبىر جايتتار تۋرالى ايتتى.

«نەلىكتەن ازيا ويىندارىنىڭ الدىندا، الەم چەمپيوناتتارىنىڭ الدىندا بارلىعى جينالىپ، كاليان اكەلىپ، ءىشىپ، شەگەدى؟ ءبىراق بۇل تۋرالى ەشقاشان ايتقان ەمەسپىن»، — دەدى ول.

سونىمەن قاتار، انگەلينا لۋكاس «ەتيكالىق سەبەپتەر بويىنشا» قازاقستان قۇراماسىنان شىعارىلعاننان كەيىن كاسىبي بوكسقا اۋىسقان بولاتىن. ول قازاقستاندىق سپورتشىلاردىڭ تابىسى از ەكەنىن دە ايتتى، سونىڭ سالدارىنان ولاردى باسقا ەلدەردىڭ وكىلدەرى ساتىپ الۋعا تىرىسىپ جاتىر.

انگەلينا لۋكاستىڭ سوزدەرىن اقش-تا تۇراتىن تاعى ءبىر سپورتشى ايدا ساتىبالدينوۆا راستادى. ال جاۋاپتىلار لۋكاستىڭ سىنىنا ەشقانداي رەاكسيا جاساعان جوق.

سپورت كوممەنتاتورى الەكساندر لياحوۆ تەننيس تۋرنيرلەرىن، حوككەي جانە فۋتبول ماچتەرىن ۇنەمى جاريالاپ وتىرادى، ول مۇنداي جايتتار ءبىرىنشى رەت ەمەس ەكەنىن ايتتى.

ونىڭ سوزىنشە، سپورت سالاسىنداعى شەنەۋنىكتەر ءتىپتى توقايەۆتىڭ قولداۋىمەن بالالارعا تەگىن شىعارماشىلىق ۇيىرمەلەر مەن سپورت سەكسيالارىن اشۋعا باعىتتالعان «ArtSport» باعدارلاماسىنا دا قول سالعان.

«جاعدايدى تەك جوعارىدان باستاپ وزگەرتۋگە بولادى. كاسىبي سپورتتى بيۋدجەتتەن قارجىلاندىرۋدى توقتاتۋ كەرەك. ءبىراق مەن ءتىپتى مۇنى فۋتبولدا دا كورمەيمىن»، — دەدى ول.

تانىمال سپورت ءجۋرناليسى لەونيد يۋريەۆ تە وسىعان ۇقساس پىكىردە.

«قازاقستانداعى سپورت — جىلدار بويى ۇلكەن قارجىنى ەش باقىلاۋسىز سورىپ كەلە جاتقان قارا تەسىك. ەگەر مەملەكەتتىڭ سپورتتى دامىتۋعا جۇمسايتىن جالپى شىعىنىن الساق، ولار دەنساۋلىق ساقتاۋ مەن ءبىلىم بەرۋ شىعىندارىنان ءسال عانا از»، — دەيدى ول.

ونىڭ ايتۋىنشا، سىبايلاس جەمقورلىققا قارسى قىزمەت بىلتىر جەلتوقساندا سپورتتاعى سىبايلاس جەمقورلىق مامىلەلەرى تۋرالى اقپارات جيناۋ باستالعانىن جاريالاپ، سپورتشىلاردى وسى پروسەسكە بەلسەندى قاتىسۋعا شاقىردى.

«مەنىڭ ويىمشا، بۇل تولىق ويلاستىرىلماعان. قازاقستاندا سپورت بۇرىنعىداي ءارى قارجىلىق جاعىنان اشىق ەمەس ەمەس كۇيدە قالا بەرەدى. سپورت فەدەراسيالارى ەسەپ بەرمەيدى. ولار قوعامدىق ۇيىمدار سانالاتىندىقتان، ولاردىڭ قىزمەتىن مەملەكەتكە تەكسەرۋ قيىنعا سوعادى»، — دەدى يۋريەۆ.

ءماجىلىس دەپۋتاتى ەكس-اكىم دانيال احمەتوۆتىڭ كۇدىكتى جۇمىسىن جاريا ەتتى
07 ماۋسىم 2024
ءماجىلىس دەپۋتاتى ەكس-اكىم دانيال احمەتوۆتىڭ كۇدىكتى جۇمىسىن جاريا ەتتى

ءماجىلىس دەپۋتاتى، زاڭگەر ابزال قۇسپان الەۋمەتتىك جەلىدەگى جەكە پاراقشاسىندا وقىرماندارىنان كەلگەن حاتتاردى جاريالاپ جاتىر، دەپ حابارلايدى Ulys.

ابزال قۇسپان ەل ازاماتتارىنان زاڭ بۇزۋ فاكتىلەرى تۋرالى، اسىرەسە، بۇرىنعى شەنەۋنىكتەرگە قاتىستى كوپ ءارىز-وتىنىش تۇسەتىنىن ايتتى. زاڭگەر ەكس-اكىم دانيال احمەتوۆكە قاتىستى تۇسكەن اقپاراتتى جاريالادى.

«دەپۋتات رەتىندە باتىس قازاقستان وبلىسىنان سايلانسامدا، زاڭناما جانە سوت-قۇقىقتىق رەفورماسى كوميتەتىنىڭ مۇشەسى رەتىندە ماعان رەسپۋبليكانىڭ بارلىق وڭىرىنەن دەرلىك زاڭ، ءتارتىپ ساقتالۋى ماسەلەسىندە ارىز-شاعىمدار ءجيى تۇسەدى. سولاردى تەكسەرۋ ناتيجەسىندە، قۇقىق قورعاۋ ورگاندارى ارقىلى ءبىر ەمەس، بىرنەشە قىلمىستىق ءىستى تىركەتۋگە (قوزعاتۋعا) مۇرىندىق بولدىم.  سونىڭ ىشىندە دانيال احمەتوۆكە قاتىستى ارىزدار لەگى توقتار ەمەس»، - دەپ جازدى دەپۋتات.

ءدال وسى احمەتوۆكە قاتىستى كەلەتىن ارىزداردىڭ ىشىنەن ابزال قۇسپان ءبىر مىسالدى جاريا ەتىپ، كۇدىكتى جايتتاردىڭ باسىن اشتى.

«دانيال احمەتوۆ اكىم بوپ تۇرعان كەزدە وسكەمەن جانە سەمەي قالاسى كوشەلەرىن جارىقتاندىرۋ ءۇشىن ەبرر (ەۆروپا قايتا قۇرۋ جانە دامۋ بانكى) ارقىلى 3، 6 ملرد، وعان قوسىمشا بيۋدجەت تاراپىنان 1، 2 ملرد، بارلىعى 4، 8 ملرد بولىنگەن ەكەن. شاعىم يەلەرى بۇل جوباعا دانيال احمەتوۆ تاراپىنان جەكە لوببي جاسالعانىنا دالەل رەتىندە ونىڭ اكىم بوپ تۇرعاندا بانكتىڭ لوندونداعى وفيسىنە كەلىسسوز جۇرگىزۋگە ءوزى بارعانىن ايتادى»، - دەپ جازعان دەپۋتات ماسەلە ءتىپتى لوببيدە ەمەس، اقشانىڭ جەلگە ۇشقانىندا دەيدى.

«ماسەلە سول ميللياردتاعان قاراجاتقا قويدىرعان شامداردىڭ باسىم بولىگىنىڭ جانىپ كەتكەندىگىندە جانە كەپىل ۋاقىتى ىشىندە اۋىستىرىلماعانىندا. سونىڭ سالدارىنان، وسكەمەن مەن سەمەيدە كوشە جارىعى جوق، الايدا، ول جاعداي ەكى وبلىستىڭ بيۋدجەتىن ەبرر الدىنداعى قارىز مىندەتتەمەلەرىنەن بوساتپايدى»، - دەيدى ول.

بۇل رەتتە ابزال قۇسپان قولىنداعى قۇجاتتارعا قاراپ، «وسى كۇماندى كەلىسىمگە قاتىسقان ەكى كومپانيانى – شقو اكىمدىگى اشقان «رەگيونالنىي سەنتر گچپ ۆكو» اق مەن تايۆاندا تىركەلگەن «Everlight Electronics Co. LTD» كومپانيا اتاپ وتكەن.

«ياعني، ءجىپتى شەتىنەن تارقاتاتىنى سياقتى، تەكسەرۋدى اكىمدىك جانىنان قۇرىلعان مەكەمەدەن باستاسا ءبىراز دۇنيەنىڭ باسى اشىلارى انىق. وسىعان بايلانىستى، شىعىستاعى اعايىنداردان تۇسكەن ارىز بەن ءوز تاراپىمنان قوسىمشا سۇراتقان قۇجاتتاردى ءتيىستى قۇقىق قورعاۋ ورگاندارىنا ءوز تالداۋىممەن قوسا جولدايمىن»، - دەپ جازدى ابزال قۇسپان.

دانيال احمەتوۆ 2014 جىلدان باستاپ 2023 جىلعا دەيىن شىعىس قازاقستان وبلىسىنىڭ اكىمى بولعان.

اقتاۋ قالالىق سوتىنىڭ ءتوراعاسى پارامەن ۇستالدى
10 ماۋسىم 2024
اقتاۋ قالالىق سوتىنىڭ ءتوراعاسى پارامەن ۇستالدى

سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسىنىڭ قىلمىستىق ىستەر جونىندەگى اقتاۋ قالالىق سوتى ءتوراعاسىنىڭ ۇستالعانىن راستادى، دەپ حابارلايدى Ulys

«قىلمىستىق-پروسەستىك كودەكستىڭ 550- بابىنا سايكەس، باس پروكۋرورمەن كەلىسىلگەن سوتقا دەيىنگى تەرگەۋ اياسىندا ماڭعىستاۋ وبلىسىنىڭ قىلمىستىق ىستەر جونىندەگى اقتاۋ قالالىق سوتىنىڭ ءتوراعاسى ۇستالدى. ول سەنىمدى ادامى – اقتاۋ قالاسىنىڭ تۇرعىنى ارقىلى سوتتالۋشىدان وعان قاتىستى باس بوستاندىعىنان ايىرۋدان باسقا جازاعا ۇكىم شىعارۋ سىلتاۋىمەن 18 ملن تەڭگە كولەمىندە اقشالاي قاراجات العان»، - دەپ حابارلايدى انتيكور.

دەرەككوزگە سۇيەنسەك، ول اقتاۋ قالاسىنىڭ تەرگەۋ يزولياتورىنا قامالدى.

«كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەپ ەسكەرتەدى انتيكور.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.