بۇگىن پرەزيدەنت قاسىم-جومارت توقايەۆ اقوردادا توتەنشە جاعدايلار ءمينيسترى شىڭعىس ءارىنوۆتى قابىلدادى، دەپ حابارلايدى Ulys.
«قاسىم-جومارت توقايەۆ شىڭعىس ءارىنوۆتىڭ ەسەبىن تىڭداپ، ۆەدومستۆونىڭ اتقارعان جۇمىسى مەن جۇرگىزىلگەن رەفورمالارى تۋرالى اقپارات الدى»، - دەپ جازادى اقوردا.
ءارىنوۆتىڭ ايتۋىنشا، 2024 جىلى ەل اۋماعىندا 14 جاڭا ءورت ءسوندىرۋ دەپوسى اشىلعان. قۇتقارۋشىلاردىڭ جاڭا ارنايى كيىم ۇلگىسى بەكىتىلگەن، اۋە كەمەلەرى ساتىپ الىنعان جانە ەلدى مەكەندەردەگى قاۋىپسىزدىكتى كۇشەيتۋ ماقساتىندا «اۋىل قۇتقارۋشىلارى» باعدارلاماسىنىڭ ىسكە قوسىلعان.
«پرەزيدەنتكە سۋ تاسقىنى قاۋپىنە قاتىستى احۋال جونىندە دە مالىمەت بەرىلدى. ءمينيستردىڭ ايتۋىنشا، جاعداي تۇراقتى، سەگىز وڭىردەگى جاعداي باقىلاۋدا. مەملەكەت باسشىسى سۋ تاسقىنىنا قارسى شارالارعا باسا نازار اۋدارۋ، الدىن الا ەسكەرتۋ جۇيەسىن جاڭعىرتۋ جانە توتەنشە جاعدايدىڭ سالدارىن جويۋ بويىنشا بۇعان دەيىن بەرىلگەن تاپسىرمالاردىڭ ورىندالۋىن جالعاستىرۋ جونىندە مىندەت جۇكتەدى»، - دەپ حابارلايدى اقوردا.