پرەزيدەنت مەملەكەتتىك ناگرادالار، جوعارى اسكەري جانە ارناۋلى اتاقتار، سىنىپتىق شەندەر تاپسىرۋ راسىمىنە قاتىستى، دەپ حابارلايدى اقوردا.
مەملەكەت باسشىسى – قازاقستان قارۋلى كۇشتەرىنىڭ جوعارعى باس قولباسشىسى قاسىم-جومارت توقايەۆ جيىنعا قاتىسۋشىلاردى وتان قورعاۋشى كۇنىمەن جانە الدا كەلە جاتقان جەڭىس كۇنى مەرەكەسىمەن قۇتتىقتاپ، وسى ەكى مەيرام جاۋىنگەرلىك ءداستۇردىڭ ساباقتاستىعىن پاش ەتەتىنىن، باتىر بابالارىمىزدىڭ داڭقتى جولىن ءقازىر وسكەلەڭ ۇرپاق جالعاستىرىپ كەلە جاتقانىن اتاپ ءوتتى.
– بۇگىندە ايبىندى ارميامىز – ەلدەگى تۇتاستىق پەن تىنىشتىقتىڭ مىقتى قالقانى. قۋاتتى اسكەرىمىز بەيبىتشىلىك پەن بەرەكەلى ءومىردى قاس قاقپاي كۇزەتىپ تۇر. ولار قاي كەزدە دە قاستەرلى وتانىمىزدى قورعاۋعا دايىن. ەرلىك مايداندا عانا جاسالمايدى. ەرلىككە بەيبىت زاماندا دا ورىن بار. بيىل ءبىز سوڭعى 80 جىلداعى ەڭ جويقىن تاسقىنعا تاپ بولدىق. ەلگە قاتەر تونگەن ساتتە ساربازدارىمىز الدىڭعى شەپتەن تابىلدى. ۇلتتىق ۇلان، ىشكى ىستەر مينيسترلىگى، ۇلتتىق قاۋىپسىزدىك كوميتەتى، توتەنشە جاعدايلار مينيسترلىگى جانە مەملەكەتتىك كۇزەت قىزمەتىنىڭ جەكە قۇرامى انتقا ادال بولۋدىڭ ۇلگىسىن كورسەتتى. الاپات تاسقىنعا توتەپ بەرۋ ءۇشىن 9 مىڭنان استام اسكەري قىزمەتشى جۇمىلا ەڭبەك ەتتى. مىڭنان استام تەحنيكا جەتكىزىلدى. سىن ساعاتتا حالقىمىزدىڭ اسىل قۇندىلىقتارى انىق بايقالادى. وسى ورايدا سولتۇستىك قازاقستان وبلىسىندا اپاتقا قارسى كۇرەسكەن 300 ساربازدىڭ ەڭبەگىن ەرەكشە اتاپ وتكىم كەلەدى. ولار كۇنى-تۇنى بوگەن سالىپ، قالانى قارعىن سۋدان قۇتقارۋعا اتسالىستى. جەرگىلىكتى تۇرعىندار بۇل ساربازدارعا ايرىقشا ريزا بولدى، ولاردى زور قۇرمەتپەن شىعارىپ سالدى. مىنە، حالىق پەن ارميانىڭ مىزعىماس تۇتاستىعى دەگەنىمىز – وسى. مۇنداي مىسالدار از ەمەس، – دەدى پرەزيدەنت.
قاسىم-جومارت توقايەۆ جەڭىس كۇنىن جاقىنداتۋعا اتسالىسقان مايدانگەرلەر مەن تىل ەڭبەككەرلەرىنە ءارقاشان قۇرمەت كورسەتىلەتىنىن ايتتى. وسى رەتتە ارداگەرلەرگە مەرەكەگە وراي جىل سايىن قوسىمشا تولەماقى بەرىلەتىنىن، ال بيىل ونىڭ كولەمى ءۇش ميلليون تەڭگەگە دەيىن وسكەنىن جەتكىزدى. سونىمەن قاتار ءوزىنىڭ باستاماسىمەن بيىلدان باستاپ «ايبىن» وردەنىنىڭ ءۇش دارەجەسى داڭقتى باتىرلارىمىز – ساعادات نۇرماعامبەتوۆتىڭ، باۋىرجان مومىش ۇلىنىڭ جانە راقىمجان قوشقاربايەۆتىڭ اتىمەن اتالاتىنىن ەسكە سالىپ، ۇلت پەرزەنتتەرىنىڭ باتىلدىعى مەن باتىرلىعى بۇگىنگى جانە بولاشاق ۇرپاق ءۇشىن ۇلگى-ونەگە بولاتىنىنا نازار اۋداردى.
مەملەكەت باسشىسىنىڭ ايتۋىنشا، گەووساياسي تۇراقسىزدىق بەلەڭ العان قازىرگى جاعدايدا مىقتى ءارى دايىندىعى ساقاداي ساي اسكەردىڭ ماڭىزى ايتارلىقتاي ارتا ءتۇستى.
– ءبىزدىڭ اسكەري قىزمەتشىلەرىمىز بۇۇ اياسىنداعى ءتۇرلى بىتىمگەرلىك وپەراسيالارعا قاتىسىپ، وزدەرىنىڭ كاسىبيلىگى مەن جوعارى دەڭگەيدەگى جاۋىنگەرلىك ماشىعىن كورسەتىپ كەلەدى. جۋىردا قازاقستان گولان جوتالارىنداعى ميسسياسىن دەربەس ورىنداۋ جونىندەگى بىرىككەن ۇلتتار ۇيىمىنىڭ مانداتىنا العاش رەت يە بولدى. سوڭعى جىلدارى الەم ەلدەرىنىڭ اسكەري قۋاتى تۋرالى رەيتينگتەگى ورنىمىز ەداۋىر جاقساردى. بۇل اسكەرىمىزدىڭ دايىندىعى جوعارى ەكەنىن ءارى ۇيلەسىمدى ارەكەت ەتەتىنىن بىلدىرەدى. قازاقستان جەر-جاھانعا ءوزىن بەيبىت ەل رەتىندە تانىتتى. ءبىز بارلىق مەملەكەتپەن دوستىق قاتىناس ورناتتىق. كەز كەلگەن شيەلەنىستى سىندارلى ديالوگ ارقىلى شەشۋ كەرەك دەپ ەسەپتەيمىز. ءبىراق ارقانى كەڭگە سالىپ، قامسىز وتىرۋعا بولمايدى. قۋاتتى اسكەرىمىز ءتۇرلى قاتەرگە ساقاداي ساي تۇرۋعا ءتيىس. مىقتى اسكەر – ەلدىكتىڭ تىرەگى، – دەدى پرەزيدەنت.
قاسىم-جومارت توقايەۆ قازاقستاننىڭ ايبىندى ارمياسى كاسىبي تۇرعىدان بىلىكتى ءارى زامانعا ساي وزىق بولۋى ءۇشىن قارۋلى كۇشتەرىمىزدى ودان ءارى نىعايتۋ جۇمىستارى جالعاساتىنىن جەتكىزدى.
– كۇنى كەشە عانا ەلىمىزدە جاڭا اۆياسيا بازاسى اشىلدى. بۇل – ۇلتتىق قورعانىس جۇيەسىنىڭ الەۋەتى ارتا ءتۇستى دەگەن ءسوز. ءبىز ارميانىڭ بەدەلىن كوتەرۋگە ايرىقشا ءمان بەرەمىز. وتان قورعاۋ – بارشامىزعا ورتاق پارىز. مۇنى، اسىرەسە، وسكەلەڭ ۇرپاق تەرەڭ تۇسىنگەنى ابزال. مەملەكەت جاس ساربازدارعا جان-جاقتى قولداۋ كورسەتىپ جاتىر. ولارعا ارنايى ءبىلىم گرانتتارى بولىنە باستادى. نەسيەنى وتەۋ مەرزىمى كەيىنگە شەگەرىلدى. ەندى ارميادا ءجۇرىپ، ناقتى ماماندىق الۋعا بولادى. «ەر جىگىتكە جاراسار، قولىنداعى نايزاسى» دەپ ايگىلى بۇقار جىراۋ باتىرلىق پەن ەرلىكتى ەرەكشە دارىپتەگەن. شىن مانىندە، اسكەر – مەملەكەتتىڭ اسا ماڭىزدى سيمۆولى. مەن ساربازدارىمىزدىڭ جاۋىنگەرلىك رۋحى جوعارى بولعانىن ماقتان ەتەمىن، – دەدى مەملەكەت باسشىسى.
سالتاناتتى جيىندا قاسىم-جومارت توقايەۆ وتان قورعاۋشىلاردىڭ ەلىمىزدەگى ىنتىماق پەن تىنىشتىقتى ساقتاۋعا زور ۇلەس قوسىپ كەلە جاتقانىن اتاپ ءوتىپ، وفيسەرلەرگە اسكەري جانە ارناۋلى اتاقتار، سىنىپتىق شەندەر تاپسىردى.
مەملەكەت باسشىسىنىڭ جارلىعىمەن اسكەري جانە ارناۋلى اتاق، سىنىپتىق شەن العان وفيسەرلەردىڭ ءتىزىمىن مىنا سىلتەمە ارقىلى كورۋگە بولادى.
بۇدان بولەك، پرەزيدەنت اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى، ەلدىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋگە، زاڭدىلىق پەن قۇقىقتىق ءتارتىپتى نىعايتۋعا قوسقان ۇلەسى ءۇشىن ءبىر توپ ازاماتتى مەملەكەتتىك ناگرادالارمەن ماراپاتتادى.
وتان قورعاۋشى كۇنىنە وراي پرەزيدەنتتىڭ قولىنان مەملەكەتتىك ناگرادالار العان ازاماتتار ءتىزىمى:
ءى دارەجەلى «داڭق» وردەنىمەن
قامالەتدينوۆ سۇلتان بۇركىتباي ۇلى – قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى؛
داۋەشوۆ حاليدۋللا زينوللا ۇلى – اقتوبە وبلىسىنىڭ پروكۋرورى.
ءىى دارەجەلى «داڭق» وردەنىمەن
رايسوۆ ۇلان ەرمۇحان ۇلى – قارجىلىق مونيتورينگ اگەنتتىگى ءتوراعاسىنىڭ ءبىرىنشى ورىنباسارى؛
دالماتوۆ قاناتاي جورابەك ۇلى – قورعانىس مينيسترلىگى اسكەري ءبولىمىنىڭ كومانديرى؛
ءابدىروۆ نۇرعالىم ءماجيت ۇلى – جامبىل وبلىسىنىڭ پروكۋرورى.
باۋىرجان مومىش ۇلى اتىنداعى ءىى دارەجەلى «ايبىن» وردەنىمەن
گولوۆين ولەگ پاۆلوۆيچ – پەتروپاۆل قالاسىنىڭ پوليسيا باسقارماسىنىڭ ينسپەكتورى؛
تاڭاتاروۆ باۋىرجان ومار ۇلى – مەملەكەتتىك كۇزەت قىزمەتىنىڭ ايرىقشا ماقساتتاعى كۇشتەرى شتاب باستىعىنىڭ ورىنباسارى؛
دوسكەنوۆ امانگەلدى سەرىك ۇلى – اقمولا وبلىسىنىڭ ەرەيمەنتاۋ اۋدانى توتەنشە جاعدايلار ءبولىمىنىڭ باستىعى؛
ساق ۇلىقبەك مۇرات ۇلى – قورعانىس مينيسترلىگىنىڭ اسكەري ءبولىمى كومانديرىنىڭ ءبىرىنشى ورىنباسارى؛
عالىموۆ جاندوس جانات ۇلى – ۇلتتىق قاۋىپسىزدىك كوميتەتىنىڭ اعا جەدەل ۋاكىلى؛
ناسيحان رومان سەرىك ۇلى – اتىراۋ وبلىسىنىڭ قۇرمانعازى اۋدانى پوليسيا ءبولىمىنىڭ ينسپەكتورى؛
ورازوۆ دىنمۇحامەد عابيت ۇلى – ۇلتتىق قاۋىپسىزدىك كوميتەتى تۇركىستان وبلىسى بويىنشا دەپارتامەنتىنىڭ اعا جەدەل ۋاكىلى؛
وماروۆ دياس كاكىم ۇلى – جەتىسۋ وبلىسىنىڭ تالدىقورعان قالاسى پوليسيا باسقارماسىنىڭ ينسپەكتورى.
راقىمجان قوشقاربايەۆ اتىنداعى ءىىى دارەجەلى «ايبىن» وردەنىمەن
ءتاجىعۇلوۆ نۇربولات تاستەمىر ۇلى – اقتوبە وبلىسىنىڭ توتەنشە جاعدايلار دەپارتامەنتى ءورت ءسوندىرۋ ءبولىمىنىڭ بولىمشە كومانديرى.
«قۇرمەت» وردەنىمەن
كۋبەكوۆا اينا جادىرا قىزى – سىبايلاس جەمقورلىققا قارسى قىزمەتىنىڭ دەپارتامەنت باسشىسى.
«ەرلىگى ءۇشىن» مەدالىمەن
توپالوۆ ءامىرجان مەرەكە ۇلى – قوستاناي وبلىسىنىڭ قارابالىق اۋدانى پوليسيا ءبولىمىنىڭ جەدەل ۋاكىلى؛
قۇسمان ءادىل دۋمان ۇلى – اباي وبلىسىنىڭ پوليسيا دەپارتامەنتى جىلدام قيمىلدايتىن ارنايى جاساعىنىڭ ينسپەكتورى.
«جاۋىنگەرلىك ەرلىگى ءۇشىن» مەدالىمەن
وتەۋوۆ ەرلان وتەۋ ۇلى – باس پروكۋراتۋرا قىزمەت باستىعىنىڭ ورىنباسارى؛
سترەلكوۆ فەدور نيكولايەۆيچ – اۋە قورعانىسى كۇشتەرىنىڭ اسكەري ينستيتۋتى باستىعىنىڭ ورىنباسارى؛
ءىلياس سەرىك امانكەلدى ۇلى – مەملەكەتتىك كۇزەت قىزمەتىنىڭ باسقارما باستىعىنىڭ ورىنباسارى؛
اقاربەكوۆ مەيىرحان ساپارحان ۇلى – قورعانىس مينيسترلىگى اسكەري ءبولىمىنىڭ روتا كومانديرى؛
وتەنوۆ ساكەن سەكسەمباي ۇلى – ۇلتتىق قاۋىپسىزدىك كوميتەتى اقتوبە وبلىسى بويىنشا دەپارتامەنتىنىڭ اعا جەدەل ۋاكىلى؛
يرۋبايەۆ رەنات مارات ۇلى – مەملەكەتتىك كۇزەت قىزمەتىنىڭ اعا وفيسەرى؛
مۇراتبەكوۆ دۋلات تىلەمىس ۇلى – قارجىلىق مونيتورينگ اگەنتتىگى قوستاناي وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ جەدەل ۋاكىلى؛
سەرىكوۆ ادىلەت الماسبەك ۇلى – ۇلتتىق قاۋىپسىزدىك كوميتەتى شەكارا قىزمەتىنىڭ ماڭعىستاۋ وبلىسى بويىنشا دەپارتامەنتىنىڭ اعا جەدەل ۋاكىلى؛
ابدىكارىموۆ تىلەك دۋمان ۇلى – سىبايلاس جەمقورلىققا قارسى قىزمەتتىڭ اسا ماڭىزدى ىستەر جونىندەگى تەرگەۋشىسى.
