مەملەكەت باسشىسى «كورسەتىلەتىن قىزمەتتەردىڭ ەركىن ساۋداسى، ينۆەستيسيالاردىڭ قۇرىلۋى، قىزمەتى جانە جۇزەگە اسىرىلۋى تۋرالى كەلىسىمدى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى. بۇل تۋرالى اقوردا ءمالىم ەتتى.
بۇعان دەيىن سەنات «كورسەتىلەتىن قىزمەتتەردىڭ ەركىن ساۋداسى، ينۆەستيسيالاردىڭ قۇرىلۋى، قىزمەتى جانە جۇزەگە اسىرىلۋى تۋرالى كەلىسىمدى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىن ماقۇلداعان بولاتىن.
زاڭ جوباسى تۋرالى بايانداما جاساعان ساۋدا جانە ينتەگراسيا ءمينيسترى ارمان شاققالييەۆ كەلىسىمنىڭ نەگىزگى ماقساتى – تاۋەلسىز مەملەكەتتەر دوستاستىعىنا مۇشە ەلدەردىڭ كورسەتىلەتىن قىزمەتتەرىنىڭ ەركىن ساۋدا ايماعىن قالىپتاستىرۋ ەكەنىن ايتقان ەدى.
ونىڭ ايتۋىنشا، كەلىسىم تمد-عا مۇشە مەملەكەتتەردىڭ قىزمەت بەرۋشىلەرى ءۇشىن سەرىكتەستەر نارىعىندا نەعۇرلىم ءتيىمدى شارتتار ۇسىنۋ تۋرالى مىندەتتەمەلەردى بەكىتۋگە مۇمكىندىك بەرەدى.
