پرەمەر-مينيستر ولجاس بەكتەنوۆ تۇرعىن ءۇي قۇرىلىسىن ودان ءارى دامىتۋ جانە باسپانا قولجەتىمدىلىگىن ارتتىرۋ ماسەلەلەرى بويىنشا كەڭەس وتكىزدى. بۇل تۋرالى ۇكىمەتتىڭ باسپا ءسوز قىزمەتى حابارلادى.

مەملەكەت باسشىسىنىڭ Ana tili گازەتىنە بەرگەن سۇحباتىندا ايتقان تاپسىرمالارىن ورىنداۋ بويىنشا جۇمىس بارىسى قارالدى. كەڭەسكە ونەركاسىپ جانە قۇرىلىس، ۇلتتىق ەكونوميكا، قارجى مينيسترلىكتەرىنىڭ، «وتباسى بانك» اق، «سامۇرىق-قازىنا» ءۇاق» اق، «بايتەرەك» ۇبح» اق باسشىلىعى قاتىستى.

«وتباسى بانكىن» دامۋ ينستيتۋتىنا اينالدىرۋ جانە سالانى ودان ءارى دامىتۋ ءۇشىن جەكە قاراجاتتى تارتۋ جونىندەگى جۇمىستى جانداندىرۋ تاسىلدەرى، سونداي-اق جەڭىلدىكتى باعدارلامالاردى قارجىلاندىرۋ، ونىڭ ىشىندە ونەركاسىپ كاسىپورىندارى قىزمەتكەرلەرىن قولداۋ جانە جاڭا ونىمدەردى شىعارۋ بويىنشا ۇسىنىستار تالقىلاندى. بۇگىندە «قاراجانباسمۇناي»، «شۇباركول كومىر»، «ەۋروازياتتىق ەنەرگەتيكالىق كورپوراسيا»، «سسكوب»، «قازحروم» تۇك»، «قازاقستان ءاليۋمينيى»، «قازاقستان ەلەكتروليز زاۋىتى» سياقتى ءىرى كاسىپورىندار جانە باسقا دا ۇيىمدارمەن جۇمىسشى كاسىپ ماماندارى وتباسىلارىنىڭ تۇرمىسىن جاقسارتۋ جۇمىستارى باستالدى.

پرەمەر-مينيستر جۇمىسشى ماماندىقتارى جىلى اياسىندا تەحنيكالىق ماماندارعا ارنالعان يپوتەكالىق جانە جالعا بەرىلەتىن جەڭىلدىكتى تۇرعىن ءۇي باعدارلاماسىن كەڭەيتۋ قاجەتتىگىن اتاپ ءوتتى. بانكتىڭ ترانسفورماسياسى ونىڭ «ءبىر تەرەزە» قاعيداتى بويىنشا مۇقتاج ازاماتتاردى باسپانامەن قامتاماسىز ەتۋ جۇمىسىن كۇشەيتۋگە جانە جالپى العاندا ەلىمىزدىڭ ەكونوميكاسىن دامىتۋعا باعىتتالعان.

ونەركاسىپ جانە قۇرىلىس مينيسترلىگىنىڭ دەرەكتەرى بويىنشا، 2024 جىلدىڭ قورىتىندىسىندا قازاقستاندا رەكوردتىق 18،9 ملن شارشى مەتر تۇرعىن ءۇي پايدالانۋعا بەرىلدى، بۇل وتكەن جىلمەن سالىستىرعاندا 6،4%-عا ارتىق. سالانىڭ ناقتى كولەم يندەكسى ءبىر جىلدا 113،1%-دى قۇرادى. 2029 جىلعا قاراي 111 ملن شارشى مەترگە جەتكىزۋ جونىندەگى پرەزيدەنت قويعان مىندەتتەردى ورىنداۋ بويىنشا جۇمىس جۇرگىزىلۋدە.

مەملەكەتتىك قولداۋ شارالارى شەڭبەرىندە ازاماتتارعا جالعا بەرىلەتىن، نەسيەلىك باسپانامەن قامتاماسىز ەتۋى، «2-10-20»، «5-10-20» جانە باسقا دا باعدارلامالار ىسكە اسىرىلۋدا. 2024 جىلى «وتباسى بانكى» 1،29 ترلن تەڭگە سوماسىندا 71 452 نەسيە بەردى، ونىڭ 39،8%-ى باستاپقى تۇرعىن ءۇي ساتىپ الۋعا ارنالعان. «وتاۋ» جانە «ناۋرىز» باعدارلامالارى بويىنشا جالپى 251،9 ملرد تەڭگەگە 10 003 قارىز بەرىلدى.

قازاقستاننىڭ عىلىم جانە جوعارى ءبىلىم مينيسترلىگى جاساندى ينتەللەكت بويىنشا ءبىلىم باعدارلامالارى مەن كۋرستار ازىرلەمەك. بۇل تۋرالى سيفرلىق ۇكىمەتتىڭ كوشپەلى وتىرىسىندا ايتىلدى.

اتالعان وتىرىستا پرەمەر-مينيستر ولجاس بەكتەنوۆ ەلىمىزدە جاساندى ينتەللەكتىنى دامىتۋ باعىتتارى تۋرالى ايتتى

«سيفرلىق دامۋ مينيسترلىگى ءوڭىر اكىمدەرىمەن بىرگە كەلەسى جىلى مەملەكەتتىك ورگانداردىڭ قىزمەتكەرلەرىن جاساندى ينتەللەكت قۇرالدارىنا وقىتۋ جونىندە شارالار قابىلداۋدى تاپسىرامىن. عىلىم جانە جوعارى ءبىلىم مينيسترلىگى جاساندى ينتەللەكت بويىنشا ءبىلىم بەرۋ باعدارلامالارى مەن كۋرستارىن دايىنداسىن»، - دەدى ۇكىمەت باسشىسى جيىندا.

بەكتەنوۆتىڭ ايتۋىنشا، ءقازىر ازاماتتاردىڭ كوپشىلىگى جاساندى ينتەللەكت تۋرالى بىلە بەرمەيدى.

«سيفرلىق قىزمەتتەردىڭ دەنى قاراپايىم حالىق ءۇشىن كۇردەلى. ولاردى بارىنشا وڭايلاتۋ كەرەك. سيفرلىق دامۋ مينيسترلىگىنە سالالىق مينيسترلىكتەرمەن بىرگە قولدانىستاعى سيفرلىق شەشىمدەردى ودان ءارى جەتىلدىرۋدى تاپسىرامىن. ولاردى قالاي پايدالانۋ كەرەك ەكەنىن حالىققا كەڭىنەن ءتۇسىندىرۋ قاجەت»، - دەدى بەكتەنوۆ.

پرەمەر-مينيستر ولجاس بەكتەنوۆ ق ر ۇكىمەتى جانىنداعى قۇقىق بۇزۋشىلىقتىڭ الدىن الۋ جونىندەگى ۆەدومستۆوارالىق كوميسسيا وتىرىسى شەڭبەرىندە كۇن تارتىبىنەن تىس پرەمەر-مينيستردىڭ ورىنباسارى قانات بوزىمبايەۆتىڭ اقتاۋ قالاسى ماڭىنداعى ۇشاق اپاتى ورنىنداعى ۇكىمەتتىك كوميسسيانىڭ جۇمىسى تۋرالى ەسەبى تىڭدالدى. بۇل تۋرالى ۇكىمەتتىڭ باسپا ءسوز قىزمەتى حابارلادى.

قۇتقارۋ قىزمەتى ىزدەۋ جۇمىستارىن اياقتادى. ۇشاق اپاتى سالدارىنان 29 ادام اۋرۋحاناعا جاتقىزىلدى، 38 ادام قازا تاپتى. 

پاسيەنتتەر ءتۇرلى جاراقاتتارمەن، نەگىزىنەن كوپتەگەن جاراقاتپەن تۇسكەن. جاعداي تۇراقتانعاننان كەيىن ولار پروفيلدەر بويىنشا اۋرۋحاناعا جاتقىزىلدى، تولىق كولەمدە ەم الىپ جاتىر. سونداي-اق سانيتارلىق اۆياسيا جەلىسى ارقىلى استانادان ۇلتتىق شۇعىل مەديسينا ورتالىعى مەن جەتەكشى رەسپۋبليكالىق ورتالىقتاردىڭ جوعارى بىلىكتى ماماندارى كەلدى.

قازاقستاندىق مامانداردان بولەك رف تجم ارنايى كەڭەسى مەن ازەربايجان رەسپۋبليكاسىنىڭ سانيتارلىق اۆياسيا بريگاداسى دا كەلدى. زارداپ شەككەندەر مەن قازا تاپقانداردىڭ تۋىستارى كەلەدى، ولارعا وبلىس اكىمدىگى ترانسفەرت، ورنالاستىرۋ جانە تاماقتانۋ بويىنشا قاجەتتى كومەك كورسەتەدى. پسيحولوگتار توبى جۇمىس ىستەپ جاتىر. 

كولىك مينيسترلىگى ازەربايجان رەسپۋبليكاسى ۇكىمەتىمەن بىرلەسىپ جۇمىس ىستەيدى. ەرتەڭ برازيليانىڭ اۆياسيالىق بيلىگى مەن Embraer كومپانياسى كەلەدى دەپ جوسپارلانعان. ءتۇپقاراعان اۋدانىندا جەرگىلىكتى تەحنوگەندىك سيپاتتاعى توتەنشە جاعداي رەجيمى جاريالاندى.

پرەزيدەنت قاسىم-جومارت توقايەۆتىڭ تاپسىرماسى بويىنشا زارداپ شەككەندەرگە تولىق كولەمدە مەديسينالىق كومەك كورسەتىلىپ قازا تاپقانداردىڭ تۋىستارى مەن جاقىندارىنا قاجەتتى قولداۋ شارالارى كورسەتىلىپ جاتىر. قازىرگى ۋاقىتتا جەدەل جەلى جۇمىس ىستەپ تۇر، وعان مىڭنان استام قوڭىراۋ ءتۇستى.

- ءبىرىنشى كەزەكتە قازا تاپقانداردىڭ تۋىستارى مەن جاقىندارىنا كوڭىل ايتامىن. قازاقستان ۇكىمەتى مەن ۋاكىلەتتى ورگاندار زارداپ شەككەندەرگە جانە قايتىس بولعانداردىڭ تۋىستارىنا بارلىق قاجەتتى كومەكتى كورسەتىپ جاتىر، - دەپ اتاپ ءوتتى ولجاس بەكتەنوۆ.

پرەمەر-مينيستر اۆياسيالىق قاۋىپسىزدىكتى كۇشەيتۋ جونىندە ءبىرقاتار تاپسىرما بەردى. 

قۇتقارۋ قىزمەتى ىزدەۋ جۇمىستارىن اياقتادى. ۇشاق اپاتى سالدارىنان 29 ادام اۋرۋحاناعا جاتقىزىلدى، 38 ادام قازا تاپتى.

پاسيەنتتەر ءتۇرلى جاراقاتتارمەن، نەگىزىنەن كوپتەگەن جاراقاتپەن تۇسكەن. جاعداي تۇراقتانعاننان كەيىن ولار پروفيلدەر بويىنشا اۋرۋحاناعا جاتقىزىلدى، تولىق كولەمدە ەم الۋدا. سونداي-اق سانيتارلىق اۆياسيا جەلىسى ارقىلى استانادان ۇلتتىق شۇعىل مەديسينا ورتالىعى مەن جەتەكشى رەسپۋبليكالىق ورتالىقتاردىڭ جوعارى بىلىكتى ماماندارى كەلدى.

قازاقستاندىق مامانداردان بولەك رف تجم ارنايى كەڭەسى مەن ازەربايجان رەسپۋبليكاسىنىڭ سانيتارلىق اۆياسيا بريگاداسى دا كەلدى.

زارداپ شەككەندەر مەن قازا تاپقانداردىڭ تۋىستارى كەلەدى، ولارعا وبلىس اكىمدىگى ترانسفەرت، ورنالاستىرۋ جانە تاماقتانۋ بويىنشا قاجەتتى كومەك كورسەتەدى. پسيحولوگتار توبى جۇمىس ىستەپ جاتىر.