پاۆلودار وبلىسىندا پەشپەن جىلىتۋ جۇيەسىنىڭ دۇرىس ىستەمەۋىنەن ەرلى-زايىپتىلارعا ءيىس ءتيىپ، 34 جاستاعى ايەل ادام وقيعا ورنىندا كوز جۇمدى. بۇل تۋرالى پاۆلودار وبلىسى تجد باسپا ءسوز قىزمەتى حابارلادى.
وڭىرلىك تجد مالىمەتىنشە، پاۆلودار اۋدانى چەرنوياركا اۋىلىندا پەشپەن جىلىتىلاتىن جەر ۇيدە ءبىر وتباسى ۋلى گازدان ۋلانىپ قالدى. 34 جاستاعى ايەل سول جەردە كوز جۇمعان. ال كۇيەۋى، 1984 جىلعى ەر ادام اۋىر دارەجەدەگى كومىرتەگى توتىعىمەن ۋلانىپ، اۋرۋحاناعا جاتقىزىلدى.
«ەرلى-زايىپتىلار كومىر جاعىلاتىن پەشتىڭ دۇرىس ىستەيتىنىنە كوز جەتكىزبەگەن سىڭايلى. 1990 جىلعى تۋعان مارقۇم ايەل ەكىنشى توپ مۇگەدەگى بولعان. ولاردى ءيىس ءتيىپ جاتقان جەرىنەن تۋىستارى تاۋىپ العان»، - دەلىنگەن حابارلامادا.
