وزبەكستان رەسپۋبليكاسى مينيسترلەر مەكەمەسىندە ەلدىڭ ەۋرازيالىق ەكونوميكالىق وداقپەن (Eاەو) ىنتىماقتاستىعىننىڭ جان-جاقتى باعالاۋ بويىنشا سوڭعى ناتيجەلەرىن تالقىلاۋعا جانە ءتيىستى ۇسىنىستاردى «وليي ماجليس» پالاتالارىنا ەنگىزۋ ماسەلەسىنە ارنالعان جيىن ءوتتى. بۇل تۋرالى uza.uz اگەنتتىگى حابارلايدى.
وسىعان دەيىن پرەزيدەنت شاۆكات ميرزيايەۆ پارلامەنتكە جاساعان كەزەكتى جولداۋىندا وسى وزەكتى ماسەلەنى جان-جاقتى تالقىلاپ، زەرتتەپ، تۇبەگەيلى قاراپ شىعۋىن ايتىپ باستىسى بۇل جونىندە تولىق توقتامعا كەلۋدە ەڭ اۋەلى حالىقتىڭ قالاۋىنا جۇگىنەرىن ايتقان بولاتىن.
وزبەكستاننىڭ Eاەو-پەن ىنتىماقتاستىعىن جان-جاقتى زەرتتەۋ جانە تەرەڭ تالداۋ جاساۋعا ارنالعان ارنايى جۇمىسشى توبى ەلدىڭ ەڭ ءىرى 16 ەكونوميكالىق سەكتورىندا ەكونوميكالىق ينتەرگراسيا جونىندە زەرتتەۋلەر جۇرگىزىپ، شەتەلدىك جانە جەرگىلىكتى ساراپشىلاردىڭ بەرگەن ۇسىنىس قورىتىندىلارى مەن ەاەو اياسىنداعى ونەركاسىپ، سىرتقى ساۋدا ساياساتى، كەدەندىك-تاريفتىك رەتتەۋ تەتىكتەرى، ەڭبەك كوشى-قونى ت.ب. ماسەلەلەر بويىنشا بارلىق جاعداي زەرتتەلىپ وزبەكستاننىڭ وداقپەن بايلانىسى ەلدىڭ ۇلتتىق ەكونوميكاسىنا اسەرىن كومپلەكستى ۇيرەنۋ ناتيجەسىندە ءتيىستى مينيسترلىكتەر مەن ۆەدومستۆالار ەۋرازيالىق ەكونوميكالىق وداقپەن باقىلاۋشى ەل مارتەبەسىندە ىنتىماقتاستىق جاساۋ تۋرالى ۇسىنىسى ماقۇلداندى.
جيىن قورىتىندىسى بويىنشا اناليتيكالىق جانە جان-جاقتى باعالاۋ نەگىزىندە جاسالعان قورىتىندىلار مەن ۇسىنىستاردى «وليي ماجليس» پالاتالارىنا بەرۋ تۋرالى شەشىم قابىلداندى.
ورتالىق ازيا مەملەكەتتەرى باسشىلارىنىڭ ەكىنشى كونسۋلتاتيۆتىك كەزدەسۋى 29-قاراشا كۇنى تاشكەنتتە وتەدى. بۇل تۋرالى وزبەكستاننىڭ سىرتقى ىستەر ءمينيسترى ابدۋلازيز كاميلوۆ ايتتى.
ەلىمىزدىڭ سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، تاشكەنتتە ورتالىق ازيا ەلدەرىنىڭ سىرتقى ىستەر مينيسترلەرىنىڭ كەزدەسۋى ءوتتى. وعان قازاقستان، قىرعىزستان، تاجىكستان، تۇرىكمەنستان جانە وزبەكستان سىرتقى ىستەر مينيسترلەرى قاتىسقان. ولار تاشكەنتتە وتەتىن ورتالىق ازيا مەملەكەتتەرى باسشىلارىنىڭ ەكىنشى كونسۋلتاتيۆتىك كەزدەسۋىنە دايىندىق بارىسىن تالقىلادى. مينيسترلەر ورتالىق ازيا مەملەكەتتەرىنىڭ باسشىلارى كونسۋلتاتيۆتىك كەزدەسۋىنىڭ كۇن ءتارتىبىن، بىرلەسكەن مالىمدەمەسى مەن رەگلامەنتىنىڭ جوبالارىن ناقتى قارادى. سونداي-اق وڭىرلىك ءوزارا ءىس-قيمىلدى ودان ءارى نىعايتۋدىڭ جاي-كۇيى مەن پەرسپەكتيۆالارى تالقىلاندى.
ورتالىق ازيا باعىتىنداعى ماڭىزدى ورتاق جەتىستىگى رەتىندە قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ باستاماسىمەن 2018 جىلعى 15 ناۋرىزدا نۇر-سۇلتان قالاسىندا وتكەن وا مەملەكەتتەرى باسشىلارىنىڭ جۇمىس (كونسۋلتاتيۆتىك) كەزدەسۋى بولدى. بۇل – كوپ جىلدار ىشىندەگى مۇنداي فورماتتاعى العاشقى كەزدەسۋ بولىپ، ونىڭ بارىسىندا ءوڭىر ەلدەرىنىڭ كوشباسشىلارى بەسجاقتى ىنتىماقتاستىقتىڭ نەگىزگى باسىمدىقتارىن انىقتاپ، بولاشاققا جوسپارلار بەلگىلەدى.
ق ر سىرتقى ىستەر ءمينيسترى مۇحتار تىلەۋبەردى ءوز سوزىندە ورتالىق ازيا ەلدەرىمەن جان-جاقتى كووپەراسيالىق بايلانىستاردى دامىتۋ جانە ءوڭىردىڭ ماڭىزدىلىعىن نىعايتۋ قازاقستاننىڭ سىرتقى ساياساتىنىڭ نەگىزگى باسىمدىقتارىنىڭ ءبىرى بولىپ تابىلاتىنىن اتاپ ءوتتى.
كەزدەسۋ قاتىسۋشىلارى وزبەك تاراپىنا ءىس-شارانى ساپالى ۇيىمداستىرعانى جانە وزبەكستاننىڭ ايماقتىق ينتەگراسيانى ودان ءارى دامىتۋعا باعىتتالعان كۇش-جىگەرى ءۇشىن العىس ءبىلدىردى.
سۋرەتتەر mfa.gov.kz سايتىنان الىندى.
مۇنداي ماسەلە وزبەكستاننىڭ «بەلسەندى ينۆەستيسيا جانە الەۋمەتتىك دامۋ جىلى» مەمەلەكەتتىك باعدارلاماسىندا كورىنىس تاپقان.
kun.kz سايتىنىڭ مالىمەتىنشە، بۇنىڭ سىرتىندا باعدارلاماعا سايكەس، 20-شىلدەگە دەيىن ورتالىق ازيا ەلدەرىمەن بايلانىستى كۇشەيتەتىن قۇقىقتىق-نورماتيۆتىك قۇجات ازىرلەنبەك. سونىمەن قاتار، وزبەك ەلى بيىل العاش رەت اۋعانستان بويىنشا ەكونوميكالىق ىنتىماقتاستىق (RECCA، Regional Economic Cooperation Conference on Afghanistan) بويىنشا وڭىرلىك كونفەرەنسي وتكىزەدى. اتالعان جيىن (RECCA VII) سوڭعى رەت 2017 جىلدىڭ قاراشا ايىندا تۇرىكمەنستاننىڭ استاناسى اشعابادتا وتكەن بولاتىن.
سۋرەت: akorda.kz سايتىنان الىندى.
بۇگىن اقتاۋ قالاسىندا باۋىرلاس وزبەكستاننىڭ باس كونسۋلدىعى اشىلدى. سالتاناتتى شاراعا ماڭعىستاۋ وبلىسىنىڭ اكىمى سەرىكباي تۇرىموۆ پەن وزبەكستاننىڭ قازاقستانداعى ەلشىسى سايديكرام نيازحودجايەۆ قاتىسىپ، قۇتتىقتاۋ ءسوز سويلەدى. بۇل ماڭعىستاۋ جەرىندە اشىلىپ وتىرعان بەسىنشى كونسۋلدىق. بۇعان دەيىن تۇركيا، يران، ءازىربايجان جانە تۇرىكمەنستان ەلدەرىنىڭ كونسۋلدىعى اشىلعان ەدى.
