بوكستان قازاقستان ەرلەر قۇراماسىنىڭ مۇشەسى نۇربەك ورالباي پاريج وليمپياداسىنىڭ جارتىلاي فينالىنا جولداما الدى. ونىڭ ەنشىسىندە كەم دەگەندە قولا مەدال بار، دەپ جازادى Olympic.kz.
80 كەلىگە دەيىنگى سالماقتا سىنعا تۇسكەن نۇربەك شيرەك فينالدا ازەربايجاندىق مۋراد اللاحبەردييەۆپەن كەزدەسكەن بولاتىن.
تارتىستى ماچتا تورەشىلەر جەڭىستى قازاقستاندىق بوكسشىعا بەردى. وسىلايشا، نۇربەك ورالباي قازاقستان قۇراماسىنان جارتىلاي فينالعا شىققان العاشقى بوكسشى اتاندى.
ايتا كەتەلىك، بۇعان دەيىن اسلانبەك شىمبەرگەنوۆ (71 كەلى)، قامشىبەك قوڭقابايەۆ (+92 كەلى)، ماحمۇد سابىرحان (57 كەلى)، ايبەك ورالباي (92 كەلى) جانە مۇحاممەدسابىر بازارباي ۇلى (63،5 كەلى) جارىستى اياقتاعان بولاتىن.
