تۇركىستان وبلىسى اكىمى دارحان ساتىبالدىنىڭ وكىمىمەن نۇرلان قويانبايەۆ تۇركىستان وبلىسى اكىمىنىڭ كرەاتيۆتى يندۋستريانى دامىتۋ باعىتى بويىنشا شتاتتان تىس كەڭەسشىسى بولىپ تاعايىندالدى. بۇل تۋرالى تۇركىستان وبلىسى اكىمدىنىڭ باسپا ءسوز قىزمەتى حابارلادى.
نۇرلان قويانبايەۆ 1979 جىلدىڭ 19 شىلدەسىندە قىزىلوردا وبلىسىندا دۇنيەگە كەلگەن. 1996-2000 جىلدار ارالىعىندا ءال-فارابي اتىنداعى قازۇۋ-دىڭ تاريح فاكۋلتەتىندە ءبىلىم العان. 2009-2011 جىلدارى ەكونوميكا جانە قۇقىق اكادەمياسىندا قارجى جانە نەسيە فاكۋلتەتىندە وقىدى. 2012-2015 جىلدارى ءال-فارابي اتىنداعى قازۇۋ-دا حالىقارالىق قاتىناستار ماماندىعى بويىنشا ماگيستراتۋرانى ءبىتىردى.
بۇعان دەيىن ول ق ر پرەزيدەنتى تەلەراديوكەشەنىنىڭ كرەاتيۆتى ديرەكتورى، «قازاقستان» ۇلتتىق تەلەارناسىنىڭ باس پروديۋسەرى قىزمەتىن اتقارعان. رەسپۋبليكالىق تەلەارنالاردا باسقا دا تانىمال جوبالاردى ۇيىمداستىرۋعا اتسالىستى.
2021 جىلى ق ر پرەزيدەنتىنىڭ جارلىعىمەن «شاپاعات» مەدالىمەن ماراپاتتالدى.