ۆاليۋتا باعامى
  • USD -

    479.5
  • EUR -

    525
  • RUB -

    5.45
نۇرلان نوعايەۆ تۇرىكمەنستانعا ەلشى بولىپ كەتتى
رەدا 20 ماۋسىم 2024
نۇرلان نوعايەۆ تۇرىكمەنستانعا ەلشى بولىپ كەتتى

نۇرلان نوعايەۆ قازاقستان رەسپۋبليكاسىنىڭ تۇرىكمەنستانداعى توتەنشە جانە وكىلەتتى ەلشىسى لاۋازىمىنا تاعايىندالدى، دەپ حابارلايدى اقوردا.

"مەملەكەت باسشىسىنىڭ جارلىعى بويىنشا، نۇرلان اسقار ۇلى نوعايەۆ قازاقستان رەسپۋبليكاسىنىڭ تۇرىكمەنستانداعى توتەنشە جانە وكىلەتتى ەلشىسى لاۋازىمىنا تاعايىندالدى"، - دەلىنگەن حابارلامادا.

 اسقار تاجىبايەۆ تۇرىكمەنستانداعى توتەنشە جانە وكىلەتتى ەلشى قىزمەتىنەن بوساتىلدى.

نوعايەۆ نۇرلان اسقار ۇلى 1967 جىلى 30 شىلدەدە اقتوبە وبلىسى، مۇعالجار اۋدانى، قاندىاعاش قالاسىندا دۇنيەگە كەلگەن. 1993 جىلى ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن تاۋ-كەن ينجەنەرى ماماندىعى بويىنشا ءبىتىردى. 1999 جىلى قازاق مەملەكەتتىك باسقارۋ اكادەمياسىن «حالىقارالىق ەكونوميكالىق قاتىناستار» ماماندىعى بويىنشا جانە 2006 جىلى رف ءسىم ماسكەۋ مەملەكەتتىك حالىقارالىق قاتىناستار ينستيتۋتىن (ۋنيۆەرسيتەت) ىسكەرلىك اكىمشىلىك ماگيسترىن ءبىتىردى.

ەڭبەك جولىن اقتوبە وبلىسى وكتيابرسك قالاسىنىڭ قاندىاعاش ستانساسىندا ەلەكترومونتەر بولىپ باستاعان.

ماسكەۋ قالاسىندا مۇناي ونىمدەرى جونىندەگى اعا ساراپشى، «گيلي-پاسكەر» جشس-نىڭ ءبولىم باستىعى (1993-1995). الماتى قالاسىندا «وتىرار لتد» شاعىن كاسىپورنى باس ديرەكتورىنىڭ ورىنباسارى (1995-1996). 

1996-2006 جىلدارى ارالىعىندا ماركەتينگ جونىندەگى ينجەنەر، «قازاقتۇرىكمۇناي» جشس-نىڭ ماركەتينگى، مۇناي جانە مۇناي ونىمدەرىن ساتۋ ءبولىمىنىڭ باستىعى، باس ديرەكتورى قىزمەتتەرىن اتقارعان.

2006 جىلعى اقپان-تامىز ارالىعىندا «قازمۇنايگاز «ۇلتتىق كومپانياسى» اق-نىڭ اتقارۋشى ديرەكتورى بولدى. 2006 جىلدىڭ تامىزىنان باستاپ قازاقستان رەسپۋبليكاسى ەنەرگەتيكا جانە مينەرالدىق رەسۋرستار مينيسترلىگىنىڭ مۇناي ونەركاسىبى دەپارتامەنتىنىڭ ديرەكتورى بولىپ جۇمىس ىستەدى.

2007 جىلدىڭ قىركۇيەگىنەن باستاپ باتىس قازاقستان وبلىسى اكىمىنىڭ ەكونوميكا، قارجى جانە مۇناي-گاز سەكتورى ماسەلەلەرىنە جەتەكشىلىك ەتەتىن ورىنباسارى بولدى.

2012 جىلدىڭ 20 قاڭتارىندا باتىس قازاقستان وبلىسىنىڭ اكىمى بولىپ تاعايىندالدى. 

2016-2019 جىلدارى ارالىعىندا اتىراۋ وبلىسىنىڭ اكىمى. 

2019 جىلعى 18 جەلتوقسان - 2021 جىلعى 7 قىركۇيەككە دەيىن ەنەرگەتيكا ءمينيسترى.

2021 جىلى 7 قىركۇيەكتە ماڭعىستاۋ وبلىسىنىڭ اكىمى بولىپ تاعايىندالدى.

2024 جىلى 16 مامىردا پرەزيدەنت جارلىعىمەن ماڭعىستاۋ وبلىسىنىڭ اكىمى قىزمەتىنەن بوساتىلدى.   

RELATED NEWS
مەملەكەت باسشىسى سىرتقى ساياساتتاعى ءبىرقاتار كادردى اۋىستىردى
16 مامىر 2024
مەملەكەت باسشىسى سىرتقى ساياساتتاعى ءبىرقاتار كادردى اۋىستىردى

ق ر پرەزيدەنتى ءبىرقار ءاۋىس-تۇيىس جاسادى، دەپ حابارلايدى Ulys اقورداعا سىلتەمە جاساپ.

مەملەكەت باسشىسىنىڭ جارلىعىمەن جانار سەيداقمەت قىزى ايتجان دۇنيەجۇزىلىك ساۋدا ۇيىمى مەن حالىقارالىق ەكونوميكالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى لاۋازىمىنان بوساتىلدى. ال ونىڭ ورنىنا قايرات وماروۆ تاعايىندالدى.

«مەملەكەت باسشىسىنىڭ جارلىعىمەن قايرات ەرمەك ۇلى وماروۆ قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەلىنگەن حابارلامادا.

سونىمەن قاتار مەملەكەت باسشىسىنىڭ وكىمىمەن اقان اقاس ۇلى راحمەتۋللين قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى لاۋازىمىنا تاعايىندالدى. پرەزيدەنتتىڭ تاعى ءبىر جارلىعىمەن تيمۋر قالدىباي ۇلى تىلەگەنوۆ حالىقارالىق ازاماتتىق اۆياسيا ۇيىمى جانىنداعى قازاقستان رەسپۋبليكاسىنىڭ تۇراقتى وكىلى لاۋازىمىنا تاعايىندالدى.

بۇدان بولەك اسەت ارمان ۇلى ەرعالييەۆ دۇنيەجۇزىلىك ساۋدا ۇيىمى مەن حالىقارالىق ەكونوميكالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

جاسلان مادييەۆ ءمۋسيننىڭ ورنىنا مينيستر بولىپ تاعايىندالدى
06 مامىر 2024
جاسلان مادييەۆ ءمۋسيننىڭ ورنىنا مينيستر بولىپ تاعايىندالدى

فوتو: primeminister.kz

جاسلان مادييەۆ سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى بولىپ تاعايىندالدى.

«مەملەكەت باسشىسىنىڭ جارلىعىمەن جاسلان حاسەن ۇلى مادييەۆ قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى لاۋازىمىنا تاعايىندالدى»، - دەلىنگەن اقوردانىڭ حابارلاماسىندا.

جاسلان مادييەۆ 1983 جىلى الماتى قالاسىندا دۇنيەگە كەلگەن.

ءال-فارابي اتىنداعى قازاق ۇلتتىق ۋنيۆەرسيتەتىن، كولۋمبيا ۋنيۆەرسيتەتىن، ماسساچۋسەتس تەحنولوگيالىق ينستيتۋتىن ءتامامداعان.

ەڭبەك جولىن 2004 جىلى «اليانس بانك» اق حالىقارالىق قاتىناستار دەپارتامەنتىنىڭ حالىقارالىق قارجى ينستيتۋتتارىمەن جۇمىس باسقارماسىنىڭ مامانى بولىپ باستاعان.

2007-2008 جىلدارى — «قازىنا» تۇراقتى دامۋ قورى» اق كورپوراتيۆتىك قارجىلاندىرۋ دەپارتامەنتىنىڭ باس مەنەدجەرى.

2008 جىلى قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق تالداۋ جانە زەرتتەۋلەر ورتالىعىندا، «سامۇرىق-قازىنا» ۇلتتىق ءال-اۋقات قورى» اق-دا جۇمىس ىستەدى.

2009-2010 جىلدارى — «KAZYNA CAPITAL MANAGEMENT» اق باسقارما ءتوراعاسىنىڭ ورىنباسارى.

2010-2014 جىلدارى — «قازاقستاننىڭ دامۋ بانكى» اق باسقارۋشى ديرەكتورى-مۇشەسى، باسقارما ءتوراعاسىنىڭ ورىنباسارى.

2014-2015 جىلدارى ق ر ۇلتتىق بانكىنىڭ قۇرىلىمىندا باسشىلىق لاۋازىمداردى اتقاردى.

2017-2018 جىلدارى — «قازاقستان تەمىر جولى» ۇلتتىق كومپانياسى» اق ۆيسە-پرەزيدەنتىنىڭ مىندەتىن اتقارۋشى، قارجى جونىندەگى ۆيسە-پرەزيدەنتى.

2018 جىلى «قازاقستان تەمىر جولى» ۇلتتىق كومپانياسى» اق قارجى جونىندەگى باسقارما ءتوراعاسى بولىپ تاعايىندالدى.

2019-2020 جىلدارى — قازاقستان رەسپۋبليكاسىنىڭ ۇلتتىق ەكونوميكا ۆيسە-مينيسترى.

2020 جىلعى قازاننان باستاپ 2022 جىلدىڭ قاڭتارىنا دەيىن قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار جونىندەگى اگەنتتىگى ءتوراعاسىنىڭ ورىنباسارى قىزمەتىن اتقاردى.

ماڭعىستاۋ اكىمىنىڭ 3 ورىنباسارى اۋىستى
03 ماۋسىم 2024
ماڭعىستاۋ اكىمىنىڭ 3 ورىنباسارى اۋىستى

ماڭعىستاۋ وبلىسىنىڭ اكىمى نۇرداۋلەت قيلىباي ءۇش ورىنباسارىن تاعايىندادى. ولار ەربول ىزبەرگەنوۆ، اببات ورىسبايەۆ جانە تىلەگەن ابىشيەۆ بولدى، دەپ حابارلايدى Ulys وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

وبلىس اكىمىنىڭ باسپا ءسوز قىزمەتى مالىمەتىنشە، 3 ماۋسىمدا ءوڭىر باسشىسى نۇرداۋلەت قيلىباي وبلىس اكتيۆىنە جاڭا ورىنباسارى اببات ورىسبايەۆتى تانىستىردى.

 اببات جاڭگىرحان ۇلى ورىسبايەۆ 1981 جىلى تۋعان، ءبىلىمى جوعارى، 2002 جىلى حالىقارالىق ەڭبەك اكادەمياسىن "قارجى جانە نەسيە" ماماندىعى بويىنشا بىتىرگەن. ول ءار جىلدارى "تۇران الەم بانكى" اق، "تەمiربانك" اق، "اليانس بانك" اق ءتۇرلى لاۋازىمداردا ەڭبەك ەتتى. 2015 جىلدىڭ شىلدە ايىنان باستاپ وسى كۇنگە دەيىن "ForteBank" اق اقتاۋ قالاسى فيليالىنىڭ ديرەكتورى قىزمەتىن اتقارىپ كەلدى.

VI، VII سايلانعان ماڭعىستاۋ وبلىستىق ءماسليحاتىنىن دەپۋتاتى، ەكونوميكا جانە بيۋدجەت ماسەلەلەرى جونىندەگى تۇراقتى كوميسسياسىنىڭ ءتوراعاسى بولدى.

سونداي-اق، ماڭعىستاۋ وبلىسى اكىمىنىڭ ءبىرىنشى ورىنباسارى قىزمەتىنە ەربول ىزبەرگەنوۆ تاعايىندالدى.

ەربول كۇرەنتاي ۇلى ىزبەرگەنوۆ 1973 جىلى تۋعان، ءبىلىمى جوعارى، ماماندىعى ينجەنەر-قۇرىلىسشى. "ىسكەرلىك باسقارۋ" ماگيسترى. ەڭبەك جولىن 1991 جىلى "ماڭعىستاۋمۇنايگازبارلاۋ" كەشەندى ەكسپەديسياسى قۇرىلىس-جيناقتاۋ ۋچاسكەسىنىڭ تاس قالاۋشىسى قىزمەتىنەن باستاعان. ءار جىلدارى وڭىرلىك دەڭگەيدەگى قۇرىلىس مەكەمەلەرىندە، اقتاۋ قالاسى اكىمدىگىندە ەڭبەك ەتىپ، مۇنايلى اۋدانى اكىمىنىڭ ورىنباسارى، وبلىستىق قۇرىلىس باسقارماسىنىڭ باسشىسى قىزمەتتەرىن اتقاردى.

سونداي-اق، ق ر يندۋستريا جانە جاڭا تەحنولوگيالار مينيسترلىگىندە جانە ق ر دەنساۋلىق ساقتاۋ مينيسترلىگىندە باسقارما باسشىسى بولىپ ەڭبەك ەتكەن. 2019-2020 جىلدارى "اقتاۋ تەڭىز پورتى" ارنايى ەكونوميكالىق ايماق" اق باسقارما ءتوراعاسىنىڭ ورىنباسارى، كەيىن "اتامەكەن" رەسپۋبليكالىق كاسىپكەرلىك پالاتاسىنىڭ ديرەكتورى بولدى. 2020-2023 جىلدارى ارالىعىندا اقتاۋ قالاسى اكىمىنىڭ ورىنباسارى جانە اقتاۋ قالاسى اكىمىنىڭ لاۋازىمدارىن اتقاردى.

وبلىس اكىمىنىڭ تاعى ءبىر ورىنباسارى تىلەگەن ابىشيەۆ بولدى.

تىلەگەن اقان ۇلى ابىشيەۆ 1977 جىلى دۇنيەگە كەلگەن. 1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن تەلەجۋرناليستيكا ماماندىعى بويىنشا، 2012 جىلى قازاق گۋمانيتارلىق-زاڭ ۋنيۆەرسيتەتىن زاڭگەر ماماندىعى بويىنشا ءتامامداعان. ىسكەرلىك باسقارۋ ماگيسترى.

 

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.