لوندونداعى ICE Futures بيرجاسىندا Brent ماركالى مۇناي باعاسى 2020 جىلعى مامىر ايىنداعى جەتكىزىلىمدەر بويىنشا 33،4 پايىزعا قۇلدىراپ، باررەلىنە 33،94 دوللار بولدى.

سوڭعى رەت مۇناي باعاسى 2016 جىلعى اقپاندا باررەلى 34 دوللاردان تومەن بولعان ەدى.

ءساۋىر ايىندا فيۋچەرستەر بويىنشا WTI ماركىلى مۇناي باعاسى 27،1 پايىزعا كەمىپ، باررەلى 32،48 دوللار بولدى.

مۇناي وپەك+ ەلدەرىنىڭ ۆەناداعى كەلىسسوزدەر قورىتىندىسىندا كورواۆيرۋس سالدارىنان سۇرانىستىڭ تومەندەۋىنە بايلانىستى مۇناي ءوندىرۋ كولەمىن قىسقارتۋعا كەلىسە الماعاندىعى بەلگىلى بولعاننان كەيىن كۇرت تومەندەپ جاتىر.

"بايتەرەك" ۇلتتىق باسقارۋشى حولدينگى مەن "سبەربانك توبى" "سبەربانك قازاقستانداعى" ("سبەربانك" اق ەب) سبەر اكسيالارىنىڭ بارلىق پاكەتىن ساتىپ الۋ-ساتۋ مامىلەسىنە قول قويدى. بۇل تۋرالى ۇلتتىق حولدينگتىڭ باسپا ءسوز قىزمەتى رەسمي سايتىندا حابارلادى.

حولدينگتىڭ باسپا ءسوز قىزمەتى تاراتقان اقپاراتقا سايكەس، "سبەربانك" قازىرگى گەوساياسي جاعدايدى باسشىلىققا الا وتىرىپ جانە ەنشىلەس بانك كليەنتتەرىنىڭ مۇددەسى ءۇشىن ارەكەت ەتە وتىرىپ، قازاقستاندىق نارىقتان شىعۋ تۋرالى شەشىم قابىلداعان. 

"سبەربانك قازاقستان" - وتىمدىلىكتىڭ جەتكىلىكتى قورىنا، جوعارى ساپالى كرەديتتىك قورجىنىنا يە جانە كوپتەگەن جىل بويى قازاقستاننىڭ قارجى نارىعىنىڭ نەگىزگى قاتىسۋشىلارىنىڭ ءبىرى.

"سبەربانك قازاقستاندى" ساتىپ الۋ تۋرالى شەشىم قابىلداي وتىرىپ، "بايتەرەك" حولدينگى ونىڭ ەلدىڭ قارجى جۇيەسى ءۇشىن جوعارى ماڭىزدىلىعىن باعالادى. بانك يەلەنەتىن قازىرگى زامانعى ينفراقۇرىلىم مەن تەحنولوگيالار قىسقا مەرزىمدە بانكتى تولىققاندى جۇمىسقا قايتارۋعا جانە قازاقستان ەكونوميكاسىنىڭ ناقتى سەكتورىن قارجىلاندىرۋدى باستاۋعا مۇمكىندىك بەرەدى"، - دەلىنگەن حابارلامادا. 

سونىمەن قاتار حابارلامادا بانك ءوزىنىڭ كليەنتتەرى الدىنداعى بارلىق مىندەتىن ورىنداۋدى جالعاستىراتىنى ايتىلعان. وسىلايشا كليەنتتەرى ءۇشىن بانك ونىمدەرى بويىنشا بارلىق شارت وزگەرىسسىز قالاتىن بولدى.

"بايتەرەك" ۇلتتىق باسقارۋشى حولدينگى باسپا ءسوز قىزمەتىنىڭ حابارلاۋىنشا، مامىلە بانككە بەلسەندى وپەراسيالاردى تولىق كولەمدە جاڭارتۋعا، دەپوزيتتەر تارتۋعا جانە تولەمدەر جۇرگىزۋگە، سونداي-اق حالىق پەن بيزنەس ءۇشىن ونىمدەر مەن قىزمەتتەردى دامىتۋدى جالعاستىرۋعا مۇمكىندىك بەرەدى. 

"قازاقستان نارىعىندا كليەنتتەرمەن ءوزارا ءىس-قيمىلدىڭ 15 جىلدان استام تاجىريبەسى جيناقتالعان "سبەربانك قازاقستان" قىزمەتكەرلەرىنىڭ كاسىبي كومانداسى ءوز جۇمىسىن جالعاستىراتىن بولادى. تاراپتار مامىلەنى جاقىن ارادا جابۋدى جوسپارلاپ وتىر"، - دەپ حابارلادى حولدينگتەن. 

جاڭا جاعدايداعى مەملەكەتتىك ساياساتتىڭ باستى باعىتى ەكونوميكا بولادى. بۇل تۋرالى ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات.

«ەندى تىكەلەي پرەزيدەنت تاپسىرمالارىنا توقتالسام، جاڭا جاعدايداعى مەملەكەتتىك ساياساتتىڭ باستى باعىتى ەكونوميكا بولادى. 10 ملرد دوللار - بۇل حالىقتىڭ جان باسىنا شاققاندا وتە مول سوما. ءبىز ماسەلەن بۇكىل حالىققا بىررەتتىك تولەم تولەۋ سىندى پوپۋليستىك شارالاردان ادەيى باس تارتتىق. ءبىز مۇنداي يدەيانىڭ حالىق اراسىندا نەلىكتەن تانىمال ەكەندىگىن بىلەمىز. ءبىراق، ونىڭ تيىمدىلىگى قىسقا مەرزىمدى عانا. بۇل جۇيەلى شارا ەمەس. پرەزيدەنت العا قويىپ وتىرعان مىندەت - ىسكەرلىك بەلسەندىلىكتى دامىتۋ. بيزنەستى نىعايتۋ، جۇمىس ورىندارىن قۇرۋ. كەز كەلگەن داعدارىس - بۇل مۇمكىندىكتەر تەرەزەسى. ءبىزدىڭ ماقساتىمىز - دۇكەندەر مەن ساۋدا نۇكتەلەرىنىڭ سورەلەرىندە وتاندىق ونىمدەر ۇلەسىن ەسەلەپ ارتتىرۋ»، - دەدى داۋرەن ابايەۆ.

ونىڭ اتاپ وتۋىنشە، بۇل تەك قانا جۇمىس ورىندارىن قۇرۋ ەمەس، سونىمەن قاتار تاۋەلسىز باعا ساياساتى، مۇناي جانە وزگە دە پايدالى قازبالاردىڭ باعاسىنا تاۋەلدىكتىلىكتى تومەندەتۋ سانالادى. «ۇكىمەت ءقازىردىڭ وزىندە ناقتى سيفرلاردى جاريالادى. ماسەلەن، بيزنەستى نەسيەلەۋ 1 ترلن تەڭگەگە دەيىن ۇلعايتىلدى. سوڭعى مولشەرلەمە 6 پايىز بولادى.

 «قاراپايىم زاتتار ەكونوميكاسى» باعدارلاماسىندا باسىمدىققا يە تاۋارلار ءتىزىلىمى كەڭەيتىلەدى. ميكرو جانە شاعىن بيزنەس ءۇشىن كرەديت سوماسى 360 ملن تەڭگەگە دەيىن ارتتىرىلادى. سالىق جەڭىلدىكتەرى بەرىلىپ، تەكسەرۋ سانى تومەندەتىلەدى. يمپورت الماستىرۋ ماقساتىندا ءقازىردىڭ وزىندە 1 ترلن تەڭگە سوماعا 258 جوبا ىرىكتەپ الىندى. مۇنىڭ ءوزى 25 مىڭ جۇمىس ورنىن قۇرادى»، - دەدى ول.

مينيستر اۋىل شارۋاشىلىعى سالاسىندا 1 ملن 200 مىڭ ادام ەڭبەك ەتىپ جۇرگەنىن دە ايتتى.

«سالانىڭ ەڭ ءبىرىنشى كەزەكتەگى مىندەتى كوكتەمگى ەگىستىك جۇمىستارىن وڭتايلى مەرزىمدە جۇرگىزۋ بولىپ وتىر. ءقازىردىڭ وزىندە 94 ينۆەستيسيالىق جوبانى جۇزەگە اسىرۋ باستالدى. جالپى سوماسى - 559 ملرد تەڭگە.

پرەزيدەنت تاپسىرماسىنا سايكەس، ماڭىزدى ازىق-تۇلىك پوزيسيالارى بويىنا يمپورتقا تاۋەلدىلىك ماسەلەسىن شەشۋ ءۇشىن 390 ملرد تەڭگە قوسىمشا بولىنەتىن بولادى»، - دەدى داۋرەن ابايەۆ.