قازاقتاردىڭ كىشى قۇرىلتايىنىڭ نەگىزگى تاقىرىبى ق ر تۇڭعىش پرەزيدەنتى – ەلباسىنىڭ «ۇلى دالانىڭ جەتى قىرى» ماقالاسىنىڭ جانە «رۋحاني جاڭعىرۋ» باعدارلاماسىنىڭ ەرەجەلەرى كونتەكستىندە ىنتىماقتاستىقتى دامىتۋ بولىپ وتىر.
قۇرىلتايدىڭ ءبىرىنشى كۇنىەۋروپا ەلدەرىندەگى (شۆەسيا، گەرمانيا، فرانسيا) قازاقتار قاۋىمداستىقتارىنىڭ باسشىلارىمەن وتكەن كەزدەسۋدە الداعى مىندەتتەر مەن جوسپارلار تالقىلاندى.
كىشى قۇرىلتايدىڭ رەسمي اشىلۋ شاراسى اياسىندا«وتانداستار قورىنىڭ» جۇزەگە اسىرىپ جاتقان «مادەني-ىسكەرلىك ءۇيى» قازاق ءۇيى» جوباسى كەڭىنەن تانىستىرىلىپ، دۇنيەجۇزى قازاقتارى قاۋىمداستىعى تاراپىنان دايىندالعان بەينەباياندار كورسەتىلدى.
قۇرىلتايدىڭ سپيكەرلەرى قاتارىندا دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ، «وتانداستار قورىنىڭ» ۆيسە-پرەزيدەنتى ماعاۋيا سارباسوۆ، ەۆروپاداعى قازاق قاۋىمداستىقتارىنىڭ جانە شۆەسيادا قازاق قاۋىمداستىعىنىڭ ءتوراعاسى مۇرات ەرميش بار.دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ ءوز سوزىندە: «بۇگىنگى ەۋروپا جەرىندە وتكىزىلىپ وتىرعان كىشى قۇرىلتاي ۇلتتىق «رۋحاني جاڭعىرۋ» باعدارلاماسىنا وزىندىك ۇلەس قوسادى دەپ سەنەمىن. بۇل الەمدىك قاۋىمداستىققا قازاق ۇلتىنىڭ بىرلىگىن جانە قازاقستان رەسپۋبليكاسىنىڭ شەت ەلدەردە تۇراتىن قازاق دياسپورالارىنا ەرەكشە قولداۋى مەن قامقورلىعىن كورسەتەدى»-دەدى.
ۇلتتىق بىرەگەيلىكتى ساقتاۋعا، قازاق دياسپوراسىنا قاتىستى مەملەكەتتىك ساياساتتى قالىپتاستىرۋعا جانە شەتەلدە تۇراتىن ەتنيكالىق قازاقتاردى شوعىرلاندىرۋعا جاردەمدەسۋ ماقساتىندا «وتانداستار قورى» مەن ەۋروپاداعى قازاق مادەني ورتالىقتارىمەن ءوزارا تۇسىنىستىك جانە ارىپتەستىك تۋرالى مەموراندۋمدارعا قول قويىلدى.
ولار:
- شۆەسيانىڭ قازاق اسسوسياسياسى مەن «وتانداستارقورى» كەاق اراسىنداعى ءوزارا ىنتىماقتاستىقتى دامىتۋ تۋرالى مەموراندۋم؛
- گەرمانياداعى قازاقتار قاۋىمداستىعى مەن «وتانداستارقورى» كەاق قورى اراسىنداعى ءوزارا ىنتىماقتاستىقتى دامىتۋ تۋرالى مەموراندۋم؛
- ليۋكسەمبۋرگ «KazakhstanLuxembourg Cooperation a.s.b.l» قازاق قوعامى مەن «وتانداستارقورى» كەاق اراسىنداعى ءوزارا ىنتىماقتاستىقتى دامىتۋ تۋرالى مەموراندۋم؛
- كەلن قازاق مادەني ورتالىعى مەن «وتانداستارقورى» كەاق اراسىنداعى ءوزارا ىنتىماقتاستىقتى دامىتۋ تۋرالى مەموراندۋم؛
- ۇلىبريتانياقازاق ۇلتتىق-مادەني بىرلەستىگى مەن «وتانداستارقورى» كەاق اراسىنداعى ءوزارا ىنتىماقتاستىقتى دامىتۋ تۋرالى مەموراندۋم؛
- ۆەناداعى قازاق قوعامى مەن «وتانداستارقورى» كەاق اراسىنداعى ءوزارا ىنتىماقتاستىقتى دامىتۋ تۋرالى مەموراندۋم؛
- فرانسيا قازاق مادەني ورتالىعى مەن «وتانداستارقورى» كەاق اراسىنداعى ءوزارا ىنتىماقتاستىقتى دامىتۋ تۋرالى مەموراندۋم.
سونىمەن قاتار، قۇرىلتاي اياسىندا ەۋروپاداعى قازاق مادەني ورتالىقتارىنىڭقىزمەتتەرىن ۇيىمداستىرۋدىڭ وزەكتى ماسەلەلەرى تالقىلانىپ، شەتەلدەگى قازاقتارعا ارنالعان ءبىلىم الۋ باعدارمالارى جانە «وتانداستار قورىنىڭ» مادەني-گۋمانيتارلىق جوبالارىنىڭ تانىستىرىلىمى بولىپ ءوتتى.قۇرىلتايدىڭ كەلەسى كۇندەرى قازاقستان رەسپۋبليكاسى جوعارعى وقۋ ورىندارىنىڭ تانىستىرىلىمى، جاستارمەن بەيرەسمي كەزدەسۋ، بيزنەس فورۋم جانە ءداستۇرلى فۋتبول ءتۋرنيرى وتكىزىلەدى.
جالپى، كىشى قۇرىلتايدىڭ جۇمىسىنا قازاق دياسپوراسىنىڭ 100-دەن استام وكىلى، سونداي-اق، قازاقستاننىڭ مادەنيەت قايراتكەرلەرى مەن كاسىپكەرلەرى قاتىسۋدا.
