ەلوردادا «تابىسقا بىرگە» اتتى ءى-شى قازاقستاندىق مەنتورلار (تالىمگەر) مەن مەنتيلاردىڭ (شاكىرت) فورۋمى بولىپ ءوتتى. نەگىزگى تاقىرىپ — «تالىمگەر مەن جاتتىقتىرۋشى قۇرالىنىڭ قوعامداعى تۇرلەنۋى» دەپ اتالدى.
«KAZBRANDS» قوعامدىق قورى ۇيىمداستىرعان شاراعا پارلامەنت ءماجىلىسىنىڭ دەپۋتاتتارى، ىنتالاندىرۋشى سپيكەرلەر، جاس كوشباسشىلار، جوبانىڭ ايماقتىق مەنتورلارى مەن مەنتيلەرى، جۇرگىزۋشى ترەنەرلەر، تانىمال مەملەكەت جانە قوعام قايراتكەرلەرى، تەلەجۇرگىزۋشىلەر، جوبا سەرىكتەستەرى، جەرگىلىكتى اتقارۋشى ورگان وكىلدەرى، جاستار رەسۋرستىق ورتالىقتارى، جاس كاسىپكەرلەر، جاس كوشباسشىلار، ۇستازدار، ستۋدەنتتەر قاتىستى. فورۋم جاستار جىلى اياسىندا قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» قەاق قولداۋى ارقاسىندا جۇزەگە اسىرىلۋدا.
«KAZBRANDS» «وڭىرلەردە جاستاردى ىنتالاندىرۋ جۇمىسىن جۇرگىزۋ ءۇشىن مەنتورلاردىڭ 4 توبىن بارىپ وقىتۋدى ۇيىمداستىرۋ» اتتى اۋقىمدى جوبا باعدارلاماسىن جۇزەگە اسىردى. مەنتورلار مەن مەنتيلاردىڭ ۇلكەن ورتاسى قالىپتاسىپ، جوبانىڭ بىرەگەي دەرەكقورى جاساقتالدى.
جوبا اياسىندا رەسپۋبليكانىڭ بارلىق ايماقتارىندا 150-دەن اسا تالىمگەر-جاستاردىڭ شارالارىن ون مىڭنان اسا قاتىسۋشىلارعا وتكىزدى. ءارتۇرلى تالىمگەرلىك مەكتەپتەرى، جاستارمەن كەزدەسۋلەر، دوڭگەلەك ۇستەلدەر، سەمينار-ترەنينگتەر، سۇقبات الاڭدارى، جاستار كەمپى، كوشپەلى شارالار جانە ت.ب. ەلىمىزدىڭ ءتۇرلى ايماقتارىندا ۇيىمداستىرىلدى.
اتالمىش ينتەراكتيۆتى ىنتالاندىرۋ فورماسىنداعى جۇمىستار باستاۋشى جانە قازىرگى جاس كاسىپكەرلەر مەن ءوزىن-وزى جۇمىسپەن قامتىعاندار، ستۋدەنتتەر مەن وقۋشىلار تاراپىنان پايدالى ءارى ناتيجيەلى قابىلداندى.
ءى-شى قازاقستاندىق مەنتورلار مەن مەنتيلاردىڭ فورۋمى – بۇل ايماقتارداعى جاستارمەن جۇمىس جاساۋ ءۇشىن وقىتىلعان 80 تالىمگەرلەر-ترەنەرلەردى، تابىسقا جەتۋگە باعىتتالعان 560 مەنتيلاردى شوعىرلاندىرعان الەۋمەتتىك جوبانىڭ قورىتىندى شاراسى.
مەنتورلار جانە بەلسەندى مەنتيلار/قامقورلىقتاعىلار جاستارمەن تابىستى جۇمىستار تاريحىمەن ءبولىسىپ، فورۋم قاتىسۋشىلارىنا ىنتالاندىرۋ مەن قولداۋ جاساپ، ولاردىڭ ءارى قاراي ءوزىن ءوزى دامىتۋعا جول اشادى.
فورۋمنىڭ ماقساتى جاستاردىڭ تابىستى جۇمىستارى ارقىلى قوعامداعى مەنتورلىق/تالىمگەرلىك ينستيتۋتىن، الەۋمەتتىك بەلسەندى مەنتورلار مەن مەنتيلاردىڭ جاپپاي ءوسىمىن، ومىرلىك باسىمدىقتاردى ىزدەۋگە جاستارعا كومەك بەرۋ ءۇشىن قوعامدىق جانە مەملەكەتتىك قولداۋ قۇرالداردى كەڭەيتۋدى، كاسىبيلىكتى، قوعامداعى تابىستى ادامداردىڭ تاجىريبەسىن پايدالانۋ ارقىلى جەكە تۇلعالىق دامۋدى وزەكتى ەتۋ.
مەنتورلىق يدەياسى قازاقستاندا كەڭ قولداۋعا يە بولدى، كەيبىر قالالار، اۋداندار جانە اۋىلداردا مەنتورلار مەن تالىمگەرلەردىڭ مەكتەپتەرى اشىلۋدا، سونىمەن بىرگە جاستاردى ىنتالاندىرۋ جۇمىستارى ءۇشىن قازاقستاننىڭ مەنتورلارى مەن مەنتيلارىنىڭ اسسوسياسياسى قۇرىلۋدا.
مەنتورلىق فەنومەنىنىڭ ءوزى تاريحي بەكىتىلگەن جانە ادامزاتتىڭ، جەكە تۇلعانىڭ ۇنەمى دامۋىنا قاجەت، ويتكەنى مەنتور تابىسقا، كاسىبيلىك جانە بيزنەستە نەمەسە ومىردە الدىنا قويعان ماقساتىنا جەتكىسى كەلەتىندەرگە كەرەك.
مەنتوردىڭ ءرولى كەڭەس بەرۋ، تەوريالىق نەگىزدە وقىتۋ جانە ىنتالاندىرۋ، ءوزىنىڭ جەكە تاجىريبەسىنىڭ مىسالى رەتىندە پراكتيكالىق تۇردە كاسىبي ماشىقتىق پەن ءبىلىم بەرۋ، سونىمەن بىرگە مونيتورينگ جۇرگىزۋ ارقىلى قامقورلىقتاعى مەنتيدىڭ دامۋىن جاساۋ.
مەنتور ءبىلىم بەرىپ قويماي، ءوزىنىڭ يدەيالارىن جۇكتەۋ ارقىلى وقۋشىلاردى قىزمەت سالاسىنا، سەنىمگە، قولداۋ جانە ىنتالاندىرۋ يكەمدىلىگىنە تارتادى. مەنتور-ترەنەر ءوزىنىڭ مەنتي/قامقورشىسىن ءتارتىپ پەن جىگەرلىگىن، كۇش پەن سەنىمدىلىگىنىڭ ارتۋىنا كوڭىل بولەدى.
فورۋم اياسىندا مەنتورلاردىڭ جاستارمەن نىساندار مەن باعىتتار بويىنشا «Tool Fair» الاڭى جۇمىس جاسايدى، مەنتورلاردىڭ مەنتيلار ءۇشىن «ارماندى بىرگە جاسايمىز» اتتى شەبەرلىك جۇمىس قۇرالدارى ۇسىنىلادى.
