ادامنىڭ پەشەنەسىنە جازىلعان باقتىڭ قاي كۇنى، قاي ساتتە، قاي جەردەن توگىلىپ تۇسەتىنىن كىم بىلگەن؟ بىرەۋ ءومىر بويى تىرىسادى دا، ەشتەڭە شىقپايدى. بىرەۋ شاي ءىشىپ وتىرىپ، شىنايى جەڭىمپاز اتانادى.

استانالىق ەرمەك بايمبەتوۆ — ءدال سوندايلاردىڭ ءبىرى. جاڭا كولىك ەمەس، جاڭا ءۇمىتكە يە بولعان ازامات. ونىڭ باعى — عالامتوردىڭ ار جاعىنان كەلگەن. ال باقىت — قويۋ، كۇرەڭ شاي ۇستىندە كۇتىپ تۇرعان.

ءبىر كۇنى ەرمەك "ءساتتى جۇلدىزدىڭ" جارناماسىن كورەدى. بىرەۋلەر مۇندايعا سەلت ەتپەيدى. "ءبارىبىر جولىم بولمايدى" دەيدى. ال ەرمەك... تاۋەكەل ەتتى. ەكى بيلەت ساتىپ الدى. بار بولعانى — ەكى بيلەت! ءبىرى — جاي قاعاز. ەكىنشىسى — 10 ميلليون تەڭگەلىك التىن قۇجات بولىپ شىقتى.

"كەشكى شاي ۇستىندە وتىر ەدىك. قوڭىراۋ شالىندى. «ءسىز كولىك ۇتىپ الدىڭىز»، دەيدى. ءا دەگەندە الاياقتار شىعار دەپ ويلادىم. ءبىراق بيلەت ءنومىرىن ايتتى، تەلەفون ءنومىرىن ايتتى. سايتتان قاراپ ەدىم — شىنىمەن دە مەن ەكەنمىن..." – دەيدى ءوزى.

كەيدە سەنە سالۋ قيىن. اسىرەسە قازاق سەنىم مەن كۇماننىڭ اراسىندا جۇرەدى. ال ەرمەكتىڭ قۋانىشى — كەيىنىرەك كەلدى. باستاپقىدا – توسىن، كەيىن – تۇششىمدى. ول كولىكتى ەمەس، ونىڭ ورنىنا بەرىلەتىن 10 ميلليون تەڭگەنى تاڭدادى. قايدا جۇمساماق؟ ءبىر بولىگى — اكەسىنىڭ ەمىنە، قالعانى — نەسيەگە.

كىم نە دەسە دە، بۇل — ءبىر ادامنىڭ عانا ەمەس، ءبىر اۋلەتتىڭ جەڭىسى.

ءساتتى جۇلدىز – ءساتتى كۇننىڭ حابارشىسى ما؟

«ءساتتى جۇلدىز» ۇلتتىق لوتەرەياسى — سوڭعى ون جىلدا مىڭداعان ادامنىڭ ۇمىتىنە ۇشقىن بەرگەن ۇيىم. ەلىمىزدىڭ تۇكپىر-تۇكپىرىندەگى 200-دەن استام ساۋدا نۇكتەسىندە ارماندار بيلەتپەن ساتىلىپ جاتىر دەسەك، اسىرا ايتقاندىق بولماس.

جەڭىمپاز كوپ. ەڭ ۇلكەن جۇلدە — 150 ميلليون تەڭگە. قىزىلوردادان شىققان قاتىسۋشى ۇتىپ العان. بۇل ەندى قاراپايىم بايلىق ەمەس، ءبىر ءوڭىردىڭ جاڭالىعى.

ال الدا نە كۇتىپ تۇر؟ تاعى دا پاتەر، تاعى دا كولىك!

قازاق "كوپ قورقىتادى، تەرەڭ باتىرادى" دەيدى. كوپتىڭ ىشىنەن دارا شىعۋ وڭاي ەمەس. ءبىراق كەلەسى مۇمكىندىكتەر دە دايىن تۇر:

20 ءساۋىر — پاتەر ويناتىلادى («TeleBingo» ويىنى)؛

30 ءساۋىر — اۆتوكولىك ويناتىلادى («6/49» ويىنى)؛

دجەكپوت ءقازىردىڭ وزىندە 572 ميلليون تەڭگە بولىپ تۇر! سانداردىڭ ءوزى سويلەپ تۇر.

مىنە، وسىنىڭ ءبىرى — «لوتونابور كۆارتيرا». 5 بيلەتتەن تۇراتىن بۇل جيناق — پاتەرگە اپارار بەس قادام. ءار بيلەت — ءوز الدىنا ءبىر مۇمكىندىك.

ۇتىس جەكسەنبى، 20 ساۋىردە، ساعات 10:00-دە، «31 ارنادا» تىكەلەي ەفيردە وتەدى. كوزبەن كورىپ، كوڭىلمەن ۇتۋدىڭ جولى وسى.

جەڭىس جەكە ەمەس، قوعامعا ورتاق

جەڭىسكە جەتكەن ءار تەڭگەنىڭ 10 پايىزى — قازاق سپورتىنا كەتەدى. تاعى 10 پايىزى — «قازاقستان حالقىنا» قوعامدىق قورىنا اۋدارىلادى. دەمەك، بىرەۋدىڭ باعى — ەلگە قايىرلى. ويىن ويناساڭ دا، ويمەن وينار كەزەڭ بۇل.

ەرمەكتىڭ جولى بولدى. كەلەسىدە كىم بىلەدى — باعىڭىز سىزگە بۇيىرىپ قالۋى دا عاجاپ ەمەس. قايراتتان تۋعان قايسارلىق پەن ءۇمىتتىڭ اراسى كەيدە بار بولعانى ەكى بيلەت قانا.

ماريالدىڭ اقىسى تولەنگەن.

تەلەفون شىرىلدادى. «ءسىز پاتەر ۇتىپ الدىڭىز» دەدى. «الاياقتىق ەمەس پە؟» دەپ ويلادى. ەكى كۇن بويى سەنبەدى. ءۇشىنشى كۇنى عانا الماتىداعى باس كەڭسەگە كىرگەندە بارىپ كوز جەتكىزدى. شىن ەكەن. قاعاز جۇزىندە ەمەس، ومىردە.

بۇل – ءۆاسيلييدىڭ حيكاياسى. ول – قاراپايىم ەڭبەك ادامى. ەلىمىزدىڭ ءوندىرىس ورىندارىندا جيىرما جىلدان بەرى ۆاحتالىق ادىسپەن جۇمىس ىستەپ كەلەدى. الماتىدا تۇرادى. الىس جول، اۋىر جۇمىس، ۇزاق اۋىسىم – ءبارى ۇيرەنشىكتى. ءبىراق مىنا جاڭالىق وعان مۇلدە ۇيرەنشىكتى ەمەس.

– لوتەرەياعا شامامەن ەكى جىلدان بەرى قاتىسىپ ءجۇرمىن، – دەيدى ول. – اپتاسىنا كەمى ەكى رەت بيلەت الامىن.

ءساتى تۇسكەن كۇن – ءدال وسى اپتا. قولىنا تيگەن – باسپانا. ءبىراق بۇل قۋانىش باستاپقىدا كۇمانمەن كەلگەن.

– باسىندا شىن ايتسام، سەنبەدىم. «سكام شىعار» دەپ ويلادىم. ءقازىر كىم كورىنگەن تەلەفون شالىپ، الداپ-اربايدى عوي. ءبىراق بىرنەشە مارتە حابارلاستى. كەيىن ءوزىم كەلىپ كوردىم. مىنە، سول كەزدە عانا راس ەكەنىن ءتۇسىندىم، – دەيدى ۆاسيليي.

جەڭىمپازبەن سويلەسىپ وتىرعاندا ونىڭ سوزدەرىندە ءبىر زاڭدىلىق بايقالدى: ءۇمىت ۇزىلمەگەن. ول سەنىپ كەلگەن. سەنىمىنىڭ سىرى – سابىر مەن تۇراقتىلىق.

– بۇعان دەيىن دە ءۇمىتىمدى ۇزبەي، بيلەت الىپ ءجۇردىم. ءقازىر سەنىمىم ءتىپتى كۇشەيدى. ودان ءارى دە قاتىسا بەرەم، – دەيدى.

ءبىر قىزىعى، ۆاسيليي جەڭىسى تۋرالى ەشكىمگە ايتپاعان. ءقازىر دە ايتقىسى جوق. «تىنىش ءومىر سۇرگىڭ كەلسە، كوپكە جاريا ەتپە» دەيدى. ونىڭ بۇل ءسوزى بۇگىنگى قوعامنىڭ ءبىر كورىنىسى ىسپەتتى.

– اشىق ايتىپ، جاريا ەتكەن دۇرىس ەمەس دەپ ويلامايمىن. كۇندە بىرەۋ حابارلاسىپ، مازانى الادى. سول ءۇشىن ەشكىمگە ايتپادىم، – دەيدى ول.

لوتەرەياعا كەلسەك، ۆاسيليي كوبىنە TeleBingo مەن 5/36 بيلەتتەرىن ساتىپ الادى. باستاپقىدا سانداردى ءوزى تاڭدايتىن. ءتىپتى نۋمەرولوگيانى زەرتتەپ كورگەن. ءبىراق سوڭعى ۋاقىتتا ءبارىن اۆتوماتقا تاپسىرعان. ۇتقان ءنومىر دە اۆتوماتتى تۇردە تاڭدالعان.

– بۇرىن ءىرى ساۋدا دۇكەندەرىنەن قاعاز بيلەت الاتىنمىن. سوڭعى التى ايدا ونلاينعا كوشتىم. ىڭعايلى ءارى جىلدام، – دەيدى.

ءسوز سوڭىندا ول بارلىق قاتىسۋشىلارعا قاراپايىم، ءبىراق سەنىمدى كەڭەس بەردى:

– ءۇمىت ۇزبەڭىزدەر. بالكىم، ءبىر كۇنى ءسىز دە ۇتىپ قالارسىز. ەشتەڭە دە بەكەر ەمەس.

تانىمال قوعام قايراتكەرى ايتقانداي، «باقىت – دايىن تۇرعان قاقپا. ءبىراق ونى اشۋ ءۇشىن سەنىمنىڭ كىلتى كەرەك». ۆاسيليي سول كىلتتى تاپتى. ەندى جاڭا ءومىردىڭ ەسىگىن اشتى.

كەلەسى كەزەك – كروسسوۆەر!

30 ءساۋىر كۇنى ساعات 22:00-دە وتەتىن كەزەكتى تيراجدا باستى جۇلدە – 282 819 500 تەڭگەدەن اسادى جانە كروسسوۆەر اۆتوكولىگى ويناتىلادى.

«LOTO 6/49» لوتەرەياسىنىڭ لوتوجيىن فورماتىندا ۇسىنىلعان ارنايى توپتاماسى ارقىلى ءار قاتىسۋشى ءبىر ەمەس، بىردەن 6 مۇمكىندىككە يە بولادى. ءاربىر لوتوجيىن 6 بيلەتتەن تۇرادى، ال ساندار جۇيەسى كەزدەيسوق تاڭدالادى. ۇتىسقا قاتىسۋ ونلاين رەجيمدە قولجەتىمدى.

تىكەلەي ەفير YouTube جەلىلەسىندەگى Satty Zhuldyz ارناسى ارقىلى جۇرگىزىلەدى.

الەۋمەتتىك جاۋاپكەرشىلىك:

ويىننان تۇسكەن تابىستىڭ 10%-ى وتاندىق سپورتتى قولداۋعا، ال تاعى 10%-ى «قازاقستان حالقىنا» قوعامدىق قورىنا اۋدارىلادى.

مۇمكىندىك قاشان كەلىپ قالاتىنىن ەشكىم بىلمەيدى. ۆاسيلييگە بۇيىرعان باقىت، بالكىم، ەرتەڭ ءسىزدىڭ ەسىگىڭىزدى قاعار!

ول كەلدى. ءبىراق بەتىن كورسەتپەي كەلدى.
سەبەبى – جەڭىسى جاي عانا ساتتىلىك ەمەس. قاۋىپ-قاتەرىمەن بىرگە كەلگەن قۇپيا.

قولىنداعى ۇتىس – ءۇش ءجۇز ميلليون تەڭگەگە جۋىق. دوللارعا شاقساڭىز – جارتى ميلليون.
مۇنداي سوما قازاقتىڭ تۇسىنە كىرسە، شوشىپ ويانادى.
ال مىنا ازامات – ويانىپ تۇرىپ ۇتىپ العان.

ۇلتتىق لوتەرەيانىڭ «LOTO 6/49» لوتەرەياسىندا رەكوردتىق ۇتىس يەسى اتانعان قايرات ەسىمدى كاسىپكەر – بۇگىنگى كۇننىڭ «جۇلدىزدى جەڭىمپازى». ءبىراق ول اتاققا ەمەس، قاۋىپسىزدىككە جاقىنىراق. جەڭگەن ساتتە دە، جار سالعان جوق. ۇندەمەدى.
ۇيىندەگى اكە-شەشەگە دە ايتپادى. سەبەبى ولاردى ۋايىمداتىپ قويعىسى كەلمەدى.

قايراتتىڭ تاڭداۋى تۇسكەن تيراجدى لوتەرەيا – «LOTO 6/49».
ەرەجەسى قاراپايىم: قىرىق توعىز ءنومىردىڭ ىشىنەن التىسىن تاباسىز. ءبىراق سول التى سان ءدال كەلسە – ارمانىڭىز ورىندالىپ، ءومىرىڭىز وزگەرۋى مۇمكىن.

بۇل – جۇيەلى دجەكپوت. ەگەر باستى ۇتىستى ەشكىم ۇتا الماسا، كەلەسى تيراجعا قوسىلادى. ءسويتىپ، ءسات سايىن سومما ءوسىپ وتىرادى. قايراتتىڭ جولى سونداي ءبىر ساتتە اشىلدى. جانە بۇل ءسات – ەلىمىز ءۇشىن رەكورد.

ءيا، بۇل – تاۋەلسىز قازاقستان تاريحىنداعى ەڭ ءىرى لوتەرەيالىق ۇتىس.
بۇعان دەيىن مۇنداي كولەمدەگى جۇلدە تىركەلمەگەن. دەمەك، قايرات تەك جەڭىمپاز ەمەس، جاڭا كەزەڭنىڭ ستاتيستيكاسىن دا باستاپ بەردى.

قارىزى كوپ پە؟ كوپ.
پاندەميادا العان قارىزى – 150 ميلليون تەڭگە.
«سونى جابامىن»، – دەيدى.
الىپ-ۇشپايدى. توسىن بايلىقتان تاسىنىپ كەتپەيدى.
قايتا، ارقالاعانى اۋىر، ايتقانى سابىر.

«مۇنداي ۇتىس ءتۇستى» دەگەن SMS كەلگەندە دە سەنبەپتى.
كوڭىلى ۇيرەنگەنى – بەس ءجۇز تەڭگە، بەس مىڭ تەڭگە.
ال مىناۋ – ساناعا سىيماس سان.

ەڭ باستىسى – ول قاتىسۋدى توقتاتپايدى. «TeleBingo، 5/36، LOTO 6/49 لوتەرەيالارىنا قاتىسىپ ءجۇرمىن. تاعى دا ب ا ق سىنايمىن»، – دەيدى.
بۇل – جەڭگەن جاننىڭ ەمەس، جەڭىلمەگەن مىنەزدىڭ ءسوزى.

جۇلدىز كيىپ العان جەڭىمپاز – بۇگىنگى قوعامنىڭ كورىنىسى.
قورقاق قوعام. ماقتانۋدان ەمەس، جاريا بولۋدان قورقاتىن زامان.
باقىتتى جاسىرىپ ۇستاۋ – جاڭا داستۇرگە اينالدى.

بالكىم، قايراتتىڭ شىنايى جەڭىسى – اقشادان بۇرىن وسى سابىر مەن ەستى قادام بولار.

**** ماقالانىڭ  اقىسى تولەنگەن