ماڭعىستاۋدا 2022-2023 جىلدارى كومپيۋتەرلىك زال اتىن جامىلىپ زاڭسىز قۇمار ويىن بيزنەسىن ۇيىمداستىرعان قىلمىستىق توپتىڭ ارەكەتى اشىلدى. بقل تۋرالى قما حابارلايدى.
قاتىسۋشىلاردان اقشالاي ستاۆكالار بانك اۋدارىمدارى ارقىلى قابىلدانىپ، كەيىن ولار ارنايى پلاتفورمادا تىركەلىپ، ويىندارعا قاتىسۋ ءۇشىن لوگين، پارول جانە سىلتەمە بەرۋ ارقىلى جۇزەگە اسقان. ناتيجەسىندە قىلمىستىق توپتىڭ جالپى تابىسى 77 ملن تەڭگەدەن استى.
قارجىلىق تەرگەۋ بارىسىندا كۇدىكتىلەر زاڭسىز جولمەن تابىلعان قاراجاتقا 36 ملن تەڭگەگە ەكى اۆتوكولىك – «Toyota Land Cruiser» جانە «Mersedes-Benz 320» ساتىپ العانى انىقتالدى.
سوت ۇكىمىمەن ولار ق ر قك 307-بابى 2-بولىگى 2-تارماعى (زاڭسىز قۇمار ويىن بيزنەسىن ۇيىمداستىرۋ) جانە 262-بابى 1-بولىگى، 2-بولىگى (ۇيىمداسقان قىلمىستىق توپ قۇرۋ، باسقارۋ جانە ولارعا قاتىسۋ) بويىنشا كىنالى دەپ تانىلىپ، 5-تەن 8 جىلعا دەيىن باس بوستاندىعىنان ايىرىلدى.
قىلمىستىق جولمەن الىنعان اۆتوكولىكتەر مەملەكەت پايداسىنا تاركىلەندى.
