اسقار ءماميننىڭ كابينەتى تولىق جاساقتالىپ بولدى. بۇگىن ۇكىمەت ۇيىندە جاڭا پرەمەر-مينيستر اسقار مامين ۇكىمەتتىڭ جاڭا قۇرامداعى العاشقى ۇيىمداستىرۋ وتىرىسىن وتكىزىپ، «ءبىزدىڭ قۇرام ايقىن ناتيجەلەرگە باعدار العان ناقتى ىستەر ۇكىمەتىنە اينالۋى ءتيىس»، -دەدى. بۇل تۋرالى پرەمەر-مينيستردىڭ سايتىندا جازىلدى.

مامين ۇكىمەتتىڭ جاڭا قۇرامى مەملەكەت باسشىسىنىڭ جوعارى سەنىمىن اقتاۋى كەرەكتىگىن ايرىقشا ايتتى. پرەزيدەنت ۇكىمەت الدىنا حالىقتىڭ تابىسى مەن تۇرمىس دەڭگەيىن ارتتىرۋ، ەكونوميكانى ودان ءارى ءارتاراپتاندىرۋ، ءتيىمدى جاڭا جۇمىس ورىندارىن قۇرۋ، شاعىن جانە ورتا بيزنەستى دامىتۋ بويىنشا ءبىرىنشى كەزەكتەگى مىندەتتەردى قويىپ وتىرعانى بەلگىلى. «حالىقتىڭ تۇرمىس ساپاسىن جاقسارتۋعا ىقپال ەتەتىن ناقتى ناتيجەلەر الۋىمىز كەرەك»، — دەدى پرەمەر-مينيستر. ەرتەڭ «نۇر وتان» پارتياسىنىڭ سەزىندە ۇكىمەتكە ءبىراز مىندەت جۇكتەلەرى ءسوزسىز.   

وتىرىس سوڭىندا «قازاقستان رەسپۋبليكاسىنىڭ ۇكىمەتى تۋرالى» كونستيتۋسيالىق زاڭدى ورىنداۋ ءۇشىن ۇكىمەت قۇرامىنا العاش كىرگەندەردىڭ: ءبىلىم جانە عىلىم ءمينيسترى ك. ءشامشيدينوۆانىڭ، يندۋستريا جانە ينفراقۇرىلىمدىق دامۋ ءمينيسترى ر. سكلياردىڭ، ۇلتتىق ەكونوميكا ءمينيسترى ر. دالەنوۆتىڭ انت بەرۋ ءراسىمى ءوتتى.

مامين ۇكىمەتىنە جۇكتەلەر جاۋاپكەرشىلىك وتە زور. ەكونوميكالىق ءوسىمدى تۇراقتى ۇستاۋ، شاعىن جانە ورتا كاسىپكەرلىكتى دامىتۋ مەن كولەڭكەلى ەكونوميكامەن كۇرەس، سيفرلاندىرۋدى ارتتىرۋ مەن اۋىل شارۋاشىلىعى سالاسىن دامىتۋ بولسا، بولماسىن نەگىزگى مىندەتتەر. ەڭ باستىسى - سوڭعى جىلدارى قوعامدا قوردالانعان ماسەلەلەردى جەدەل شەشۋ كەرەك. اسىرەسە، الەۋمەتتىك سالادا ءدۇمپۋ تۋعىزعان جانە تۋعىزۋى مۇمكىن پروبلەمالاردى دەرەۋ رەتتەپ، الەۋمەتتىك ساياساتقا زامانعا ساي وزگەرىستەر ەنگىزۋى ءتيىس.   

سونىمەن، مەملەكەت باسشىسىنىڭ جارلىقتارىمەن بەكىتىلگەن كەزەكتى ۇكىمەت قۇرامىنىڭ ءتىزىمى مىناداي بولدى:

قازاقستان رەسپۋبليكاسىنىڭ پرەمەر-مينيسترى —  اسقار ۇزاقباي ۇلى مامين؛

پرەمەر-مينيستردىڭ ءبىرىنشى ورىنباسارى – قارجى ءمينيسترى — ءاليحان اسحان ۇلى سمايىلوۆ؛

پرەمەر-مينيستردىڭ ورىنباسارى — گۇلشارا ناۋشا قىزى ءابدىقالىقوۆا؛

پرەمەر-مينيستردىڭ ورىنباسارى — جەڭىس ماحمۇد ۇلى قاسىمبەك؛

ءبىلىم جانە عىلىم ءمينيسترى — كۇلاش نوعاتاي قىزى ءشامشيدينوۆا؛

ۇلتتىق ەكونوميكا ءمينيسترى — رۋسلان ەربولات ۇلى دالەنوۆ؛

يندۋستريا جانە ينفراقۇرىلىمدىق دامۋ ءمينيسترى — رومان ۆاسيليەۆيچ سكليار؛

اۋىل شارۋاشىلىعى ءمينيسترى — ساپارحان كەسىكباي ۇلى وماروۆ؛

سىرتقى ىستەر ءمينيسترى — بەيبىت باكىر ۇلى اتامقۇلوۆ؛

قورعانىس ءمينيسترى — نۇرلان بايۇزاق ۇلى ەرمەكبايەۆ؛

ىشكى ىستەر ءمينيسترى — ەرلان زامانبەك ۇلى تۇرعىمبايەۆ؛

اقپارات جانە قوعامدىق دامۋ ءمينيسترى —  داۋرەن اسكەربەك ۇلى ابايەۆتىڭ كانديداتۋراس

ادىلەت ءمينيسترى — مارات باكىتجان ۇلى بەكەتايەۆ؛

ەنەرگەتيكا ءمينيسترى — قانات الدابەرگەن ۇلى بوزىمبايەۆ؛

دەنساۋلىق ساقتاۋ ءمينيسترى — ەلجان امانتاي ۇلى ءبىرتانوۆ؛

مادەنيەت جانە سپورت ءمينيسترى — ارىستانبەك مۇحامەدي ۇلى؛

ەڭبەك جانە حالىقتى الەۋمەتتىك قورعاۋ ءمينيسترى — بەردىبەك ماشبەك ۇلى ساپاربايەۆ؛

سيفرلىق دامۋ، قورعانىس جانە اەروعارىش ونەركاسىبى مينيسترلىگى— اسقار قۋانىش ۇلى جۇماعالييەۆ؛

قازاقستان رەسپۋبليكاسى ۇلتتىق بانكىنىڭ ءتوراعاسى— ەربولات اسقاربەك ۇلى دوسايەۆ؛  

اقتوبە وبلىسىنىڭ اكىمى— وڭداسىن سەيىل ۇلى ورازالين.

فوتو: primeminister.kz