مەملەكەت باسشىسى جەتىنشى سايلانعان ق ر پارلامەنتىنىڭ ءماجىلىسىن تاراتۋ جانە ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى. وندا ءماجىلىس دەپۋتاتتارىن كەزەكتەن تىس سايلاۋ مەرزىمى بەكىتىلگەن.
«1. جەتىنشى سايلانعان قازاقستان رەسپۋبليكاسى پارلامەنتىنىڭ ءماجىلىسى تاراتىلسىن.
2. قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2023 جىلعى 19 ناۋرىزعا تاعايىندالسىن» دەلىنگەن جارلىقتا.
سونداي-اق ق ر پرەزيدەنتى قاسىم-جومارت توقايەۆتىڭ پارلامەنت ءماجىلىسى جانە ءماسليحات دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى مالىمدەمەسىندە بارلىق دەڭگەيدەگى ءماسليحاتتاردىڭ سايلاۋىن ورتالىق سايلاۋ كوميسسياسى بەلگىلەيتىنىن اتاپ ءوتتى.
سونىمەن قاتار ق ر پارلامەنتىنىڭ ءماجىلىسى تاراتىلدى.