لوندوندا وتكەن «IV Golden Time Talent» اتتى فەستيۆالىندە قازاقستاندىق ونەرپازدار توپ جاردى، دەپ حابارلايدى Ulys.
اتالمىش فەستيۆالگە الەمنىڭ 71 ەلىنەن ونەرپازدار بولىپ، 29 مەملەكەتتەن قازىلار القاسى بولدى. «IV Golden Time Talent» بايقاۋىندا گۇلىماي تالاپ فورتەپيانودان جۇلدەلى 3-ورىن، ال دومبىرا تارتۋ ونەرىنەن قازاقستاندىق جاس ورەندەر نۇرباقىت تالاپ پەن دىنمۋھاممەد تالاپ جۇلدەلى 1-ورىندى ءوزارا ءبولىسىپ، ەلىمىزدىڭ كوك بايراعىن كوككە جەلبىرەتتى.
دىنمۋھاممەد پەن نۇرباقىت جانە گۇلىم ءبىر ءۇيدىڭ بالالارى. دارىندى بالالار استانادا دۇنيەگە كەلگەن. ولار كىشكەنتايىنان بىلىمگە زەرەك، ونەرلى، ءبىلىم وزاتى. وعان قوسا، بارلىق مەكتەپشىلىك شارالاردا بەلسەندىلىك تانىتىپ جۇرەدى. ماسەلەن، دىنمۋھاممەد 2020 جىلى ءبىلىمقۇمار بالالارعا ارنالعان رەسپۋبليكالىق «ۇركەر» زياتكەرلىك مارافونىنىڭ سەرتيفيكات يەگەرى. «بالداۋرەن» رەسپۋبليكالىق بالالار مەن جاسوسپىرىمدەر سايتى ۇيىمداستىرعان 1-11 سىنىپ وقۋشىلارى اراسىندا وتكەن وليمپيادادان ماتەماتيكا ءپانى بويىنشا ءى ورىن العان. ۇلى ابايدىڭ تۋعانىنا 175 جىل تولۋىنا ارنالعان «تۋعان ەلىمنىڭ كوكتەمى» اتتى رەسپۋبليكالىق قاشىقتىق كونكۋرسىنىڭ جەڭىمپازى رەتىندە ءى ورىندى قانجىعاسىنا بايلاعان.
نۇرباقىتتىڭ دا جەتىستىكتەرى جەتەرلىك. 2019 جىلى حالىقارالىق پوني (زنايكا) سايىسىنىڭ جەڭىمپازى. «قار كارناۆالى» رەسپۋبليكالىق ينتەرنەت بايقاۋىنىڭ ءىى دارەجەلى ديپلومىمەن ماراپاتتالعان. 2020 جىلى «چەلوۆەك ي پريرودا» حالىقارالىق ويىن بايقاۋىنىڭ جۇلدەلى ءىىى ورىنعا يە بولعانى ءۇشىن ديپلوممەن ماراپاتتالدى. 2022 جىلى عاجايىپ جۇلدىزدار رەسپۋبليكالىق بايقاۋىنىڭ دومبىرا اسپابى بويىنشا جۇلدەلى ءىى ورىنعا يە بولدى. «تەربەسىن بەيبىت ەل اسپانىن، ەلىمنىڭ ونەرلى جاستارى!» اتتى ءىى رەسپۋبليكالىق ونلاين ونەر جانە شىعارماشىلىق بايقاۋىنا دومبىرادان قاتىسىپ، جۇلدەلى ءىىى ورىنعا يە بولدى. «Orken Star-2022» حالىقارالىق بايقاۋنىڭ ءىىى ورىن يگەرى. جالپى ايتا بەرسە جاس دارىنداردىڭ جەتىستىكتەرى جەتەرلىك.
«IV Golden Time Talent» بايقاۋىندا تاعى دا توپ جارعان تالاپ گۇلىماي فورتەپيانودان جۇلدەلى 3-ورىن العان.
گۇلىماي حالىقارالىق ونەر جانە ءبىلىم اكادەمياسى ۇيىمداستىرعان «جاڭا جىلدىق سۇلۋلىق» اتتى ءى حالىقارالىق مۋزىكالىق اسپاپتا ويناۋ بايقاۋىنا قاتىسىپ، ءى ورىنعا تابان تىرەدى. «تاۋەلسىزدىك – مەنىڭ ەلىمنىڭ ەرلىك جولى» اتتى رەسپۋبليكالىق شىعارماشىلىق بايقاۋىنىڭ «ادەبي شىعارماشىلىق» نوميناسياسى بويىنشا ءى ورىن جەڭىمپازى. ول رەسپۋبليكالىق ونلاين وليمپيادا مەن كونكۋرستار سايتىنىڭ اعىلشىن ءتىلى پانىنەن ۇيىمداستىرعان ونلاين وليمپياداعا قاتىسىپ، ءى دارەجەلى ديپلومىمەن ماراپاتتالدى. قازاق ءتىلى پانىنەن وقۋشىلار اراسىندا وتكىزگەن وليمپياداسىنا بەلسەندى قاتىسىپ، جوعارى ناتيجە كورسەتكەنى ءۇشىن ديپلوممەن ماراپاتالدى. «بالداۋرەن» رەسپۋبليكالىق بالالار مەن جاسوسپىرىمدەر سايتى ۇيىمداستىرعان 1-11 سىنىپ وقۋشىلارى اراسىندا وتكەن وليمپيادادان قازاق ءتىلى مەن ماتەماتيكا پاندەرى بويىنشا ءى ورىن يەگەرى اتاندى. 2021-2022 جىلدىڭ قورىتىندىسىمەن «ءحىح عاسىر كوشباسشىسى» مەدالىمەن ماراپاتالدى.
ايتا كەتسەك، Golden Time Talent - حالىقارالىق تالانتتار فەستيۆالى. فەستيۆالدىڭ باستى ماقساتى - ەرەكشە تالانتتاردى تابۋ جانە ولارعا وزدەرىن كورسەتۋگە مۇمكىندىك بەرۋ. لاتۆيا، ليتۆا، ۋكراينا، گرۋزيا، پولشا، بولگاريا، ارمەنيا، رەسەي، وزبەكستان، قازاقستان جانە باسقا دا كوپتەگەن ەلدەر قاتىساتىن اتالمىش فەستيۆال ۆوكاليستتەر مەن مۋزىكانت، بيشىلەر مەن اكتەرلار جانە سۋرەتشىلەر اراسىندا وتەدى.
