قازاقستاندا سوڭعى ەكى جىلدا ۇيىمداسقان قىلمىستىق توپتاردى قۇرۋ، باسقارۋ جانە ولارعا قاتىسۋ فاكتىلەرى بويىنشا 120-دان استام قىلمىستىق ءىس تىركەلدى، سونىڭ ىشىندە 13ء-ى ترانسۇلتتىق قىلمىستىق توپتارعا قاتىستى، دەپ حابارلايدى Ulys ءىىم سىلتەمە جاساپ.

قىلمىستىق كودەكستىڭ ءارتۇرلى باپتارى بويىنشا 600-دەن استام قىلمىسكەر جاۋاپكەرشىلىككە تارتىلدى.

بۇدان بولەك، حالىقارالىق ىزدەستىرۋدە بولعان ۇيىمداسقان قىلمىستىق توپتاردىڭ 27 مۇشەسى، ياعني «قىلمىس الەمىنىڭ بەدەلدىلەرى» ۇستالدى. جاقىن شەت ەلدەردەن كەلگەن التى «زاڭداعى ۇرىنىڭ» قازاقستان اۋماعىندا بولۋىنىڭ الدىن الىندى. بوپسالاۋ جانە باسقا دا اۋىر قىلمىستاردى جاساعان 160 قىلمىستىق توپتىڭ زاڭسىز ارەكەتى توقتاتىلدى. بوپسالاۋ فاكتىلەرى بويىنشا بارلىعى 1300-دەن استام قىلمىستىق ءىس قوزعالدى. 400-دەن استام ادام ساۋداسىمەن بايلانىستى قىلمىستار انىقتالدى.

«مينيسترلىك ۇيىمداسقان قىلمىستىق توپتارمەن كۇرەستى جالعاستىرادى جانە بۇل باعىتتا ناقتى شارالار قابىلداناتىن بولادى»، – دەپ اتاپ ءوتتى ءىىم.

ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىلۋدە. بۇل تۋرالى قارجىلىق مونيتورينگ اگەنتتىگى حابارلادى.

«ول كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1،5 ملرد تەڭگەدەن استام قاراجاتتى جىمقىردى دەپ كۇدىكتەلۋدە. قايىرىمدىلىقتىڭ نەگىزگى بولىگى قىمبات ءسان بۇيىمدارى مەن جىلجىمايتىن مۇلىكتى ساتىپ الۋ ماقساتىنا پايدالانىلدى. بيىل كوكتەمدە ول ەلورداداعى اۆتوسالونداردا 88 ملن تەڭگەگە „Mercedes-Benz S450“، 80 ملن تەڭگەگە „Lexus LX-600“ جانە 39 ملن تەڭگەگە „Haval“ اۆتوكولىكتەرىن ساتىپ الدى. وسى كەزەڭدە ول جالپى سوماسى 600 ملن تەڭگەنى قۇرايتىن ەلوردانىڭ پرەميۋم ساناتتاعى „Akbulak Riviera“، „Highvill Ishim Gold“، „كوك جايلاۋ“ تك (تۇراق ورىندارىن قوسا العاندا)، سونداي-اق „Vela Village“ كوتتەدج قالاشىعىندا جىلجىمايتىن مۇلىك نىساندارىن ساتىپ الدى.سونىمەن قاتار، قازاقستاندىقتاردىڭ قايىرىمدىلىققا جىبەرگەن قاراجات ەسەبىنەن پەريزات ق. دۋباي، دوحا، لوندون جانە ستامبۋلداعى „St. Regis“، „Shangri-La“، „Palazzo Versace“ جانە „Kempinski“ سياقتى بەس جۇلدىزدى قوناق ۇيلەردە دەمالعان. بۇل ەلدەردە ول „Cartier“ جانە „Louis Vuitton“ سياقتى برەندتەردىڭ قىمبات اكسەسسۋارلارى مەن زەرگەرلىك بۇيىمداردى ساتىپ الىپ، فەشەنەبەلدى مەيرامحانالارعا بارىپ، ياحتالاردى جالداعان»، — دەلىنگەن اگەنتتىك حابارلاماسىندا.

قارجىلىق مونيتورينگ اگەنتتىگىنىڭ مالىمەتىنشە، كۇدىكتى قىلمىستىق سحەمانى جۇزەگە اسىرۋ ءۇشىن دوستارى مەن تۋىستارىنا 8% سىياقى بەرىپ، قوردىڭ قاراجاتىن قولما-قول اقشاعا اينالدىرىپ وتىرعان. پەريزات ق. ءوزىنىڭ زاڭسىز ارەكەتتەرىمەن ەرىكتىلەر قوزعالىسىنىڭ بەدەلىنە نۇقسان كەلتىرىپ، ونىڭ اشىقتىق پەن ادالدىق پرينسيپتەرىنە كۇمان كەلتىردى جانە حالىقتىڭ سەنىپ تاپسىرعان قاراجاتىن تالان-تاراجعا سالعان.

كۇدىكتى ۇستالدى.

كيكبوكسەر، الەم چەمپيونى ءالي سەرىك الماتىدا ادام قولىنان قازا تاپتى، دەپ حابارلايدى Ulys پوليسياعا سىلتەمە جاساپ.

بۇل اقپاراتتى الماتى قالاسىنىڭ پوليسيا دەپارتامەنتى راستادى. 

«ناۋرىزباي اۋداندىق پوليسيا باسقارماسى 20 جاستاعى جىگىتتى ءولتىرۋ دەرەگى بويىنشا قىلمىستىق ءىس قوزعادى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. الدىن الا مالىمەت بويىنشا، تانىستار اراسىندا جانجال تۋىنداپ، ناتيجەسىندە ولاردىڭ ءبىرى پىشاق قولدانعان. قىلمىستىق قارۋ تاركىلەندى. وقيعانىڭ باسقا دا ءمان-جايلارى انىقتالىپ جاتىر»، - دەلىنگەن پد حابارلاماسىندا.

ءالي سەرىك 58 كەلى سالماقتا ب ا ق سىناسقانى بەلگىلى. ول تاي بوكسىنان (مۋاي-تاي) الەم چەمپيونى.