5 جاسار بالانىڭ ارەكەتىنەن كولىك وزدىگىمەن قوزعالىپ، ادامدى قاعىپ كەتتى، دەپ حابارلايدى Ulys ۇلىتاۋ وبلىسى پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
وقيعا جەزقازعان قالاسىندا بولعان. كولىكتە وتىرعان بالا قول تەجەگىشتى تۇسىرگەن.
سالدارىنان كولىك ارتقا ءجۇرىپ، بىرنەشە ادامدى قاعىپ كەتتى. زارداپ شەككەندەر اۋرۋحاناعا جەتكىزىلدى.
اتالمىش وقيعانىڭ ۆيدەوسى الەۋمەتتىك جەلىدە تارادى.
پوليسيا تەرگەۋ جۇمىستارىن باستادى.
«پوليسيا جول-كولىك وقيعاسىن تىركەدى، زارداپ شەككەندەر جوق. كولىكتە وتىرعان 5 جاسار بالانىڭ تەجەگىش تۇتقاسىن الىپ تاستاعانى انىقتالدى. سالدارىنان اۆتوموبيل وزدىگىنەن ءجۇرىپ، جاياۋ جۇرگىنشىلەرگە بارىپ سوقتىعىستى. ءتۇرلى دەنە جاراقاتتارىن العان 4 جاياۋ جۇرگىنشى اۋرۋحاناعا جاتقىزىلدى. ءتيىستى ساراپتامالار تاعايىندالدى»، – دەلىنگەن ۇلىتاۋ وبلىسى پوليسيا دەپارتامەنتىنىڭ باسپا ءسوز قىزمەتى تاراتقان مالىمەتتە.