جەتىسۋ وبلىسىنىڭ قىتايمەن شەكارالاس ايماعىنداعى «قورعاس – شىعىس قاقپاسى» ارنايى ەكونوميكالىق ايماعىندا بۇگىنگە دەيىن 28 جوبا پايدالانۋعا بەرىلدى، تاعى 40-تان استامى ىسكە اسىرىلۋ ساتىسىندا. تارتىلعان ينۆەستيسيالاردىڭ جالپى كولەمى 113،3 ملرد تەڭگەدەن، ال بەلگىلەنگەنجوبالاردىڭ جيىنتىق قۇنى 682 ملرد تەڭگەدەن اسادى. ايماقتا ءقازىردىڭ وزىندە 1000-نان استام تۇراقتى جۇمىس ورىندارى قۇرىلدى. بۇل تۋرالى جۋىردا پانفيلوۆ اۋدانىندا ۇيىمداستىرىلعان پرەسس-تۋر بارىسىندا بەلگىلى بولدى.
جۋرناليستەر «قورعاس-شىعىس قاقپاسى» اەا ينۆەستيسيالىق جوبالارىمەن تانىستى. ونىڭ اۋماعىندا كۇن پانەلدەرىن، بولات بۇيىمدارىن، توقىما ونىمدەرىن، قۇراما جەم، پودگۋزنيك، كوفە جانە تاعى باسقالارىن شىعارۋ ءوندىرىسى جولعا قويىلعالى بىرنەشە جىل بولعان.
«قورعاس – شىعىس قاقپاسى» اەا-دا سينگاپۋر برەندىمەن تانىمال «MacCoffee» 3ح1 شاي جانە كوفە شىعاراتىن «Empire Manufacturing Kazakhstan»ج ش س كومپانياسى 6 ملرد تەڭگەدەن استام سوماعا ينۆەستيسيالىق جوبانى ىسكە اسىرۋدا. دايىن ءونىم قازاقستاننىڭ ىشكى نارىعىنا جەتكىزىلەدى، سودان كەيىن وزبەكستانعا، ءازىربايجانعا، قىرعىزرەسپۋبليكاسىنا، تۇرىكمەنستانعا، گرۋزياعا، ارمەنياعا، تاجىكستانعا ەكسپورتتالادى.
ال «مايامي Solar» ج ش س كومپانياسى امەريكاندىق تەحنولوگيا بويىنشا كءۇن باتارەيالارىن وندىرۋگە 1،1260 ملرد تەڭگە ينۆەستيسيا سالدى. زاۋىت قۇرىلىسى كەزىندە جانە ىسكە قوسىلعاننان كەيىن 67 ادام جۇمىسپەن قامتىلدى. جوبانىڭ قۋاتتىلىعى جىلىنا 100 مۆت كۇن پانەلءىن وندىرۋگە جەتەدى. بارلىق ءونىم اقش پەن ەۋرووداققا مۇشە ەلدەرگە ەكسپورتتالادى. العاشقى ءونىم لەگى ناۋرىز ايىندا اقش-قا جىبەرىلدى. كۇن پانەلدەرىن وندىرۋدە ەۋروپالىق ەڭ وزىق تەحنولوگيالار مەن جابدىقتار قولدانىلادى.
ەركىن ەكونوميكالىق ايماقتا ورنالاسقاننىساننىڭ ءبىرى – جىلدىق قۋاتى 60 مىڭ تونناداناساتىن «SSA Feed Mills» ج ش س قۇراما جەم زاۋىتى.ءبىر ايدا مۇندا جۇگەرىدەن، بيدايدان، بيداي كەبەگىنەن، ارپادان، سويادان جانە ت. ب. 20-دان استام شيكىزات ءتۇرىنەن 250 توننادان استام ساپالى ءونىم شىعارىلادى.
«Standard Steel KZ» ج ش س مەتالل پليتكالارىن، گوفرلەنگەن تاقتايشالار مەن مەتاللوسايدينگ شىعارادى. ماڭىزدى جوبانى ىسكە اسىرۋعا كومپانيا 0،27 ملرد تەڭگە جەكە ينۆەستيسياسىن قۇيدى. تولىق قۋاتىنا شىققاندا زاۋىت تاۋلىگىنە 10 توننا مەتالل بۇيىمدارىن وندىرەدى دەپ جوسپارلاپ وتىر.
باسپا ءسوز تۋرىنىڭ سوڭىندا تىلشىلەر قاۋىمىقازاقستان-قىتاي شەكاراسىنداعى التىنكول تەمىرجول ستانسياسىنا باردى. بۇل تەمىرجول ماگيسترالى – ەلىمىزدىڭ كولىك سالاسىنىڭ حالىقارالىق ماڭىزى بار وراسان زور جوباسى، ءارى قازاقستان مەن جۇڭگو اراسىنداعى ەكىنشى تەمىرجول وتكەلى. ستانسيا تاسىمالداۋ كولەمىن ۇلعايتا وتىرىپ، قىتايدان ەۋروپاعا، پارسى شىعاناعى مەن ورتالىق ازيا ەلدەرىنە مىڭداعان كونتەينەرلەر جىبەرەدى.
اتاپ وتسەك، ءبۇگىنگى تاڭدا ارنايى ەكونوميكالىق ايماقتا 70 قاتىسۋشى تىركەلگەن. ونىڭ ىشىندە 28 جوبا پايدالانۋعا بەرىلدى، تاعى 40-تان استامى ىسكە اسىرىلۋ ساتىسىندا. تارتىلعان ينۆەستيسيالاردىڭ جالپى كولەمى 113،3 ملرد تەڭگەدەن، ال بەلگىلەنگەنجوبالاردىڭ جيىنتىق قۇنى 682 ملرد تەڭگەدەن اسادى. ايماقتا ءقازىردىڭ وزىندە 1000-نان استام تۇراقتى جۇمىس ورىندارى قۇرىلدى، جاڭا وندىرىستەر ىسكە قوسىلعاننان كەيىن ولاردىڭ سانى 5000-نان اسادى دەپ كۇتىلۋدە. وندىرىلگەن ءونىم كولەمى 81،6 ملرد تەڭگەنى، ال ءتۇرلى دەڭگەيدەگى بيۋدجەتتەرگە تۇسەتىن سالىق تۇسىمدەرى 9 ملرد تەڭگەدەن استى.
