جەتىسۋ وڭىرىندە مۇمكىندىگى شەكتەۋلى جاندار ينۆاتاكسي قىزمەتىن تۇراقتى پايدالانادى. جىل باسىنان بەرى مۇمكىندىگى شەكتەۋلى جاندارعا 60 مىڭنان استام رەت قىزمەت كورسەتىلگەن. بۇگىنگى تاڭدا وبلىستا ارنايى قىزمەت كورسەتەتىن 34 ينۆاتاكسي بار، – دەپ حابارلايدى جەتىسۋ وبلىسى اكىمىنىڭ باسپا ءسوز قىزمەتى.
– وتكەن جىلى وبلىس اكىمى بەيبىت يسابايەۆتىڭ تاپسىرماسىمەن جەرگىلىكتى بيۋدجەت ەسەبىنەن 14 جاڭا «ينۆاتاكسي» ساتىپ الىندى. سونىڭ ناتيجەسىندە وبلىستا 1 جىلدىڭ ىشىندە جەكەمەنشىك تاكسيلەر سانى ەكى ەسەگە ارتتى. 2024 جىلى 34 اۆتوكولىكپەن ينۆاتاكسي قىزمەتىن كورسەتۋ ءۇشىن 306،6 ميلليون تەڭگە ءبولىندى، – دەدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەرمەك ميزامبايەۆ.
وبلىس اۋماعىندا ينۆاتاكسي قىزمەتىن 8 ۇكىمەتتىك ەمەس ۇيىم جۇزەگە اسىرادى. ونىڭ ەكەۋى تالدىقورعان قالاسىندا. ءبىرى – «ەرلىك» مۇگەدەكتەر قوعامدىق ۇيىمى بولسا، ەكىنشىسى «تالدىقورعان» كورپوراتيۆتىك قورىنىڭ «قازاق زاعيپتار قوعامى» قوعامدىق بىرلەستىگى. جالپى، وبلىس ورتالىعىندا بارلىعى 13 مامانداندىرىلعان «ينۆاتاكسي» كولىگى مۇمكىندىگى شەكتەۋلى جاندارعا قىزمەت كورسەتەدى.
– العاشىندا مۇمكىندىگى شەكتەۋلى جاندارعا 3 اۆتوكولىك قىزمەت كورسەتەتىن. مەملەكەت قولداۋىنىڭ ناتيجەسىندە ءقازىر 8 اۆتوكولىككە يە بولدىق. ينۆاتاكسي قىزمەتىنىڭ جۇرگىزۋشىلەرى ەرەكشە قاجەتتىلىكتەرى بار ادامداردى جۇمىسقا، مەكتەپكە، سپورتتىق، ساۋىقتىرۋ شارالارىنا الىپ بارادى. مەملەكەت تەگىن كورسەتەتىن الەۋمەتتىك قىزمەتتىڭ پايدالانۋشىسى بولۋ ءۇشىن مۇگەدەكتەرگە ارنالعان «ەرلىك» قب جانىنداعى «ينۆاتاكسي» قىزمەتىنە مۇگەدەكتىكتى راستايتىن قۇجاتتاردى تاپسىرۋ قاجەت. وتىنىشتەر كولىكتى جەتكىزۋگە ءبىر كۇن قالعاندا تەلەفون ارقىلى قابىلدانادى. بەلگىلى ءبىر مەكەمەگە باراتىن كولىكتىڭ جەتكىزىلەتىن كۇنى، ۋاقىتى جانە ول جەردەن قايتاتىن ۋاقىتى كورسەتىلەدى، – دەيدى «ەرلىك» مۇگەدەكتەرگە ارنالعان قوعامدىق ۇيىمنىڭ وكىلى نۇربەك تۇرعانوۆ.
تالدىقورعان قالاسىنىڭ تۇرعىنى گۇلنار نۇرعالييەۆا بىرنەشە جىلدان بەرى ينۆاتاكسي قىزمەتىن پايدالانىپ كەلەدى. وسى الەۋمەتتىك قىزمەتتىڭ ارقاسىندا ارباعا تاڭىلعان جان كۇن سايىن جۇمىسپەن قامتۋدى ۇيلەستىرۋ جانە الەۋمەتتىك باعدارلامالار بولىمىندەگى جۇمىسقا وڭاي جەتىپ، كەشكىسىن ۇيىنە قايتادى.
«ءبىزدىڭ قالادا وسىنداي قىزمەتتىڭ بارىنا قۋانىشتىمىن. بۇل – وتە ىڭعايلى. بىزگە ۇلكەن قولداۋ دەپ بىلەمىن. اسىرەسە، ينۆاتاكسيدىڭ قىزمەت كورسەتۋ ساپاسى كوڭىلىمىزدەن شىعادى. ءوز باسىم بۇل كولىكتى كۇندەلىكتى جۇمىسقا بارىپ، قايتۋ ءۇشىن پايدالانامىن»، – دەيدى «اقجانەل» ساۋىقتىرۋ ورتالىعىندا مەدبيكە بولىپ جۇمىس ىستەيتىن جادىرا قاسىموۆا.
جالپى، جەتىسۋ وبلىسىندا جان-جاقتى قولجەتىمدىلىكتى قامتاماسىز ەتىپ، كەدەرگىسىز ورتا قالىپتاستىرۋعا باسا نازار اۋدارىلۋدا. ماسەلەن، جىل باسىنان بەرى 168 الەۋمەتتىك ينفراقۇرىلىم نىسانىنا كەدەرگىسىز ورتا قالىپتاستىرۋ بويىنشا جۇيەلى جۇمىس جۇرگىزىلدى. ءقازىردىڭ وزىندە وبلىستا ءبىلىم، دەنساۋلىق ساقتاۋ، مادەنيەت، سپورت نىساندارىن، سونداي-اق مەملەكەتتىك مەكەمەلەردى قوسا العاندا، بارلىعى 628 نىسان جوسپارعا سايكەس جاساقتالدى.
