بۇگىن ق ر پرەزيدەنتىءنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ وتىرىسىندا ءجاسوسپىرىم قىزدارعا مەديسينالىق قىزمەت كورسەتۋ جانە فەرتيلدى جاستاعى ايەلدەرمەن اكۋشەرلىك-گينەكولوگيالىق قىزمەتتىڭ جۇمىسى ماسەلەلەرى قارالدى. ەرەكشە نازاردا - اۋىلدىق ەلدى مەكەندەردىڭ تۇرعىندارى.
وتىرىسقا وبلىس اكىمدەرىنىڭ ورىنباسارلارى، ورتالىق مەملەكەتتىك ورگانداردىڭ وكىلدەرى قاتىستى.
وتىرىسقا قاتىسۋشىلار الدىندا سويلەگەن سوزىندە ۇلتتىق كوميسسيا ءتوراعاسى ايدا بالايەۆا حالىقتىڭ رەپرودۋكتيۆتى دەنساۋلىعىن قورعاۋ مەملەكەتتىك ساياساتتىڭ باسىم باعىتى بولىپ قالا بەرەتىنىن اتاپ ءوتتى.
«بۇل ماسەلە جالپىۇلتتىق ماڭىزعا يە، ويتكەنى ءبىز سالاۋاتتى ۇلت، ەلدىڭ بولاشاعى تۋرالى ايتىپ وتىرمىز. ءجاسوسپىرىم قىزدار مەن فەرتيلدى جاستاعى ايەلدەردىڭ رەپرودۋكتيۆتى دەنساۋلىعىن ساقتاۋ جانە نىعايتۋ، ولاردىڭ بالا تۋۋ تۋرالى اقپاراتتاندىرىلعان شەشىم قابىلداۋ مۇمكىندىگىن كەڭەيتۋ، جۇكتىلىك جانە بوسانۋ كەزىندەگى تاۋەكەلدەردى ازايتۋ ماقساتىندا الەۋمەتتىك-ەكونوميكالىق جانە ەمدەۋ-پروفيلاكتيكالىق شارالار كەشەنى ىسكە اسىرىلۋدا. ءبىزدىڭ ساراپشىلار مەديسينالىق ينفراقۇرىلىمنىڭ ۇزدىكسىز جۇمىسىن قامتاماسىز ەتۋ، انا ءولىمىن ازايتۋعا مۇمكىندىك بەرەتىن شارالار كەشەنىن قابىلداۋ قاجەتتىگىن اتاپ ءوتتى. جالپى، بارلىق ۋاكىلەتتى ورگانداردىڭ بەلسەندى دايەكتى جۇمىسى قاجەت دەپ سانايمىن»، - دەپ اتاپ ءوتتى مينيستر.
دەنساۋلىق ساقتاۋ ۆيسە-مينيسترى ايجان ەسماعامبەتوۆا وسى سالاداعى اعىمداعى جاعداي مەن جۇمىس جۇيەسىن جەتىلدىرۋ شارالارى تۋرالى حاباردار ەتتى.
سەناتور ءلاززات قالتايەۆا وتىرىسقا قاتىسۋشىلاردىڭ نازارىن مۇگەدەكتىگى بار ايەلدەرگە مەديسينالىق قىزمەت كورسەتۋدىڭ پروبلەمالىق ماسەلەلەرىنە اۋداردى.
ۇلتتىق كوميسسيانىڭ مۇشەسى، قوعام قايراتكەرى توعجان قوجالى شالعايداعى اۋىلدارداعى ايەلدەرگە كومەك كورسەتەتىن اكۋشەرلىك-گينەكولوگيالىق قىزمەت جۇمىسىنداعى ءبىرقاتار پروبلەمالاردى اتاپ ءوتتى.
ءوڭىرلەردەگى اۋىلدىق اۋرۋحانالارعا، فەلدشەرلىك پۋنكتتەرگە بارىپ وسى ماسەلەلەردى ەگجەي-تەگجەيلى زەردەلەگەن ۇلتتىق كوميسسيا ساراپشىلارى دەنساۋلىق ساقتاۋ مەنەدجەرلەرىمەن، دارىگەرلەرمەن جانە پاسيەنتتەرمەن كەزدەسۋلەر بارىسىندا ايەلدەردىڭ رەپرودۋكتيۆتى دەنساۋلىعىن قورعاۋ ءۇشىن ينفراقۇرىلىمنىڭ ۇزدىكسىز جۇمىس ىستەۋ ماسەلەسىنە نازار اۋداردى.
ايەلدەر كونسۋلتاسيالارىنا، پەرزەنتحانالارعا، وتباسىن جوسپارلاۋ كابينەتتەرىنە، اۋىلدىق اۋرۋحانالارعا، جاستار دەنساۋلىق ورتالىقتارىنا ادىستەمەلىك كومەك كورسەتۋ قاجەتتىلىگى بار.
وتباسىن جوسپارلاۋ كابينەتتەرىنىڭ جەتكىلىكتى سانىنا قاراماستان، جۇكتىلىكتىڭ 40%-ى جوسپارلانباعان، ال پرەگراۆيدارلىق دايىندىقتان وتكەن جۇپتاردىڭ ۇلەسى 30%-دان اسپايدى. وسى تۇرعىدا اتالعان جۇمىستى ۇيىمداستىرۋدىڭ تاسىلدەرىن قايتا قاراۋ ۇسىنىلدى.
ازاماتتاردىڭ ءوز دەنساۋلىعىن ساقتاۋ جانە نىعايتۋ ءۇشىن بىرلەسكەن جاۋاپكەرشىلىگى تومەن بولۋى وسى پروسەسكە بارلىق ۋاكىلەتتى ورگانداردى قوسۋدى تالاپ ەتەدى. قوعامدىق ۇيىمدار، ساراپتامالىق جانە عىلىمي قوعامداستىق حالىق اراسىندا، ماقساتتى اۋديتوريالار اراسىندا ءتۇسىندىرۋ جۇمىستارىن جۇرگىزۋى ءتيىس.
وتىرىستى قورىتىندىلاي كەلە، ۇلتتىق كوميسسيا ءتوراعاسى دەنساۋلىق ساقتاۋ مينيسترلىگىنىڭ جەرگىلىكتى اتقارۋشى ورگاندارمەن، وقۋ-اعارتۋ، عىلىم جانە جوعارى ءبىلىم مينيسترلىكتەرىمەن بىرلەسىپ فەرتيلدى جاستاعى قىزدار مەن ايەلدەردىڭ دەنساۋلىعىن ساقتاۋ، جاسوسپىرىمدەردىڭ رەپرودۋكتيۆتى دەنساۋلىعىن نىعايتۋ، سونداي-اق جاستاردى سانالى اتا-انا بولۋعا دايىنداۋ جونىندە شارالار كەشەنىن قابىلداۋ قاجەتتىگىن اتاپ ءوتتى.
ۇلتتىق كوميسسيا ءجاسوسپىرىم قىزدارعا مەديسينالىق قىزمەت كورسەتۋدىڭ جانە اكۋشەرلىك-گينەكولوگيالىق قىزمەتتىڭ وڭىرلىك دەڭگەيدە فەرتيلدى جاستاعى ايەلدەرمەن جۇمىسىنىڭ ەگجەي-تەگجەيلى مونيتورينگىن جالعاستىرادى.
