كوپتەگەن سالالار بويىنشا جالپى جاھاندا بولىپ جاتقان سونى وزگەرىستەردى الەمنىڭ مايتالمان ماماندارى بەس كۇن بويى نۇر-سۇلتان قالاسىندا تالقىعا سالدى. ال 40-تان استام ەلدەن كەلگەن 500-دەن استام دەلەگات جيىن كوركىنە اينالدى. نازاربايەۆ ۋنيۆەرسيتەتىندە وتكەن The Harvard College Project for Asian and International Relations 2019 Asia Conference (HPAIR 2019 Asia Conference) حالىقارالىق كونفەرەنسياسى بۇگىن جۇمىسىن اياقتادى.
ۇيىمداستىرۋشىلاردىڭ ايتۋىنشا، HPAIR Asia Conference 2019 كونفەرەنسياسى – بەس كۇندىك حالىقارالىق جاستار كونفەرەنسياسى، 1991 جىلدان باستاپ ازيانىڭ ءىرى قالالارىندا (12 ءتۇرلى ەلدە 43 كونفەرەنسيا) وتكىزىلىپ كەلگەن. ال ماڭىزدى كونفەرەنسيا جالپى ورتالىق ازيادا تۇڭعىش رەت وتكىزىلدى. كونفەرەنسيانى گارۆارد ۋنيۆەرسيتەتىنىڭ ونەر جانە عىلىم فاكۋلتەتى جانىنداعى كوممەرسيالىق ەمەس HPAIR ۇيىمى نازاربايەۆ ۋنيۆەرسيتەتىمەن بىرلەسىپ ۇيىمداستىردى. القالى جيىننىڭ ماقساتى — ازيا الدىندا تۇرعان ەڭ ماڭىزدى ەكونوميكالىق، ساياسي جانە الەۋمەتتىك ماسەلەلەردى تالقىلاۋ جانە زەرتتەۋ ءۇشىن ستۋدەنتتەر مەن جاس ماماندار اراسىندا تاجىريبە الماسۋ ءۇشىن پىكىرتالاس پلاتفورماسىن قۇرۋ.
كونفەرەنسيانىڭ بيىلعى جىلعى تاقىرىبى – «Passion for change» («وزگەرىستەرگە قۇمارلىق»)، ونىڭ اياسىندا التى باعىت بويىنشا ءارتۇرلى پىكىرتالاستار مەن تالقىلاۋلار ءوتتى: جاھاندىق نارىق جانە ەكونوميكا؛ ونەر، ب ا ق جانە مادەنيەت؛ الەۋمەتتىك ساياسات جانە الەۋمەتتىك ادىلەتتىلىك؛ ەنەرگەتيكالىق جانە ەكولوگيالىق تۇراقتىلىق؛ مەملەكەتتىك باسقارۋ جانە گەوساياسات؛ عىلىم جانە تەحنولوگيالار.
كونفەرەنسيا سپيكەرلەرى اراسىندا – حالىقارالىق كومپانيالاردىڭ باسشىلارى، بەلگىلى ينفليۋەنسەرلەر، ءتۇرلى سالالارداعى قوعام قايراتكەرلەرى، سونىڭ ىشىندە UNICEF كورەيا پرەزيدەنتى، دوكتور سونگ سان حەن، ءۇندىستاننىڭ بۇرىنعى سىرتقى ىستەر ءمينيسترى نيرۋپاما راو، تاياۋ شىعىس جانە سولتۇستىك افريكا ءۇشىن جاھاندىق نارىقتار بويىنشا Standard Chartered Bank بۇرىنعى باسشىسى – دەنيەل اسسي، الەمدىك نوبەل سىيلىعىنىڭ يەگەرى – راە كۆون چۋنگ، McKinsey & Company اعا سەرىكتەسى جانە McKinsey دۇنيەجۇزىلىك ينستيتۋتىنىڭ ديرەكتورى – دجوناتان ۆوتسەل، World Bank Group باس تەحنيكالىق ديرەكتورى – لەسلي گو، سينگاپۋردە نەگىزدەلگەن وڭتۇستىك-شىعىس ازيانىڭ Bain & Company سەرىكتەسى – تيلل ۆەسترينگ، حالىقارالىق ۆاليۋتا قورىنىڭ ازيا-تىنىق مۇحيتى وڭىرىنە ارنالعان وڭىرلىك بولىمشەسىنىڭ ديرەكتورى – چيكاحيسا سۋمي، يندونەزيانىڭ بۇرىنعى قارجى ءمينيسترى جانە يندونەزيانىڭ ينفراقۇرىلىم ينستيتۋتىنىڭ ءتوراعاسى – چاتيب باسري، ۆاشينگتونداعى CN جانە نيۋ-يوركتەگى ABC News، ىستامبۇلداعى Channel News Asia جانە بەرليندەگى Deutsche Welle TV سياقتى جاڭالىقتار ۇيىمدارىندا جۇمىس ىستەگەن تەلەجۇرگىزۋشى، كاسىبي مودەراتور ءارى جۋرناليست الي اسلان جانە باسقالار بولدى.
كونفەرەنسياعا قاتىسۋشىلار ارنايى دايىندالعان ويىن-ساۋىق كەشتەرى مەن اۋقىمدى كەيس-چەمپيوناتتارعا دا قاتىستى. باعدارلاما اياسىندا حالىقارالىق ءتۇن (I-Night) جانە مادەنيەت پەن ءداستۇر كارناۆالى (I-Carnival) وتكىزىلدى. I-Night – بۇل حالىقارالىق مادەنيەت مەرەكەسى، وندا ءتۇرلى ەلدەردەن كەلگەن دەلەگاتتاردىڭ بىرەگەي مۋزىكالىق، تەاترلىق جانە بي كورىنىستەرى كورسەتىلەدى. I-Carnival – حالىقارالىق جارمەڭكە فورماتىندا وتەتىن ءداستۇرلى HPAIR ءىس-شاراسى، وندا كەلۋشىلەر ءداستۇرلى تاعامداردىڭ ءدامىن تاتىپ، كونفەرەنسيا دەلەگاتتارى ۇسىنعان ۇلتتىق كادەسىيلاردى ساتىپ الا الادى. I-Night جانە I-Carnival الەمنىڭ ءتۇرلى حالىقتارىنىڭ وكىلدەرى اراسىنداعى ىنتىماقتاستىقتى نىعايتۋعا ىقپال ەتە وتىرىپ، الەمنىڭ مادەني ارتۇرلىلىگىن بىلدىرەدى.
كونفەرەنسيا اياسىندا وتەتىن ءداستۇرلى مادەني مەرەكەلەردەن باسقا HPAIR Asia Conference 2019 ۇيىمداستىرۋ كوميتەتى Kazakhstan Night ءىس-شاراسىن وتكىزىپ، قوناقتارعا قازاق مادەنيەتىن ءداستۇرى مەن تاريحىن، مۋزىكاسىن تانىستىردى.
Impact Challenge فورماتىنداعى كەيس-چەمپيونات بايقاۋى كونفەرەنسيا قاتىسۋشىلارىنا ءتۇرلى وبلىستاردان، الەۋمەتتىك ساياسات پەن يندۋستريادان الىنعان تاجىريبەلىك كەيستەر، بيزنەس پەن حالىقارالىق قاتىناستارعا دەيىنگى ماسەلەلەردى شەشە وتىرىپ حالىقارالىق كومپانيالار مەن ۇيىمداردىڭ ەكوجۇيەسىنە ەنۋگە مۇمكىندىك بەردى. قاتىسۋشىلار وسى ءىس-شارا بارىسىندا باي جانە باعا جەتپەس ءوز يدەيالارى مەن تاجىريبەلەرىن بىرىكتىرە وتىرىپ ءوزارا بايلانىس جانە برەينشتورمينگ تاجىريبەسىمەن الماسۋعا بىرەگەي مۇمكىندىك بولىپ تابىلادى. «Impact Challenge» ەرەكشەلىگى – بۇل ۇسىنىلعان كەيستەر ورتا ازيا، تمد جانە الەم ەلدەرى وڭىرلەرى الدىندا تۇرعان ناقتى پروبلەمالار مەن سىن-قاتەرلەرگە بايلانىستى بولادى. وسىلايشا، “Impact Challenge” – بۇل جاستار كوزىمەن جاھاندىق دەڭگەيدە الەۋەتتى جانە ستاندارتتى ەمەس شەشىمدەردى تابۋدىڭ مۇمكىندىگى.
وسى بەدەلدى حالىقارالىق كونفەرەنسيانى قازاقستاندا وتكىزۋ جونىندەگى ستۋدەنتتەردىڭ باستاماسىن قولداعان HPAIR Asia Conference 2019 دەمەۋشىلەرى “قازمىرىش” ج ش س، Eurasian Resources Group (ERG)، Chevron جانە Microsoft سياقتى ۇيىمدار بولدى.
ال اقپارتتىق دەمەۋشىلەر اراسىندا ULYS اقپاراتتىق جۋرنالى مەن ulys.kz سايتى بولعانىن ماقتانىشپەن ايتا كەتۋىمىز كەرەك.
سۋرەتتەردىڭ ءبىرازى https://nu.edu.kz/kk/ سايتىنان الىندى.
