گەرمانيادا ەكس-سۋديا ايگۇل سايلىبايەۆانىڭ زورلىق بەلگىلەرى بار ءمايىتى تابىلدى. بۇل تۋرالى BILD باسىلىمى جازدى.
گەرمانيادا قازاقستاندىق بۇرىنعى سۋديا ءولتىرىلدى، ونىڭ رەسەيدەن كەلگەن ەنەسى ءىز-تۇزسىز جوعالىپ كەتتى، دەپ حابارلايدى BILD Telegram ارناسى.
«بۇعان دەيىن 40 جاستاعى ايگۇل سايلىبايەۆا استانانىڭ سارىارقا اۋدانىندا سۋديا بولىپ قىزمەت اتقارسا، جۋىردا گەرمانيانىڭ باتىسىنداعى بەنسحايم قالاسىندا كۇيەۋى، قىزى جانە ەنەسىمەن بىرگە تۇرعان. 4 ماۋسىم كۇنى تاڭەرتەڭ سايلىبايەۆا قىزىن بالاباقشاعا الىپ كەتكەن. سودان بەرى ونى ەشكىم كورمەگەن. جەكسەنبى كۇنى ونىڭ دەنەسى قالا شەتىندەگى ەرلاحە كارەرىنەن تابىلدى. BILD حابارلاۋىنشا، ءمايىت پوليەتيلەن پاكەتتە بولعان، ال ايەل ءولىم الدىندا زورلىق-زومبىلىققا ۇشىراعان. ءقازىر 35 تەرگەۋشى كىسى ءولتىرۋ وقيعاسىن اشۋمەن اينالىسىپ جاتىر. »، - دەلىنگەن حابارلامادا.
سايلىبايەۆامەن ءبىر ۋاقىتتا ونىڭ ەنەسى ناتاليا دونسوۆانىڭ جوعالىپ كەتكەن. ول 4 ماۋسىم كۇنى نەمەرەسىن بالاباقشادان الىپ، ۇيىنە اكەلگەنى بەلگىلى بولدى. سودان بەرى اجەسى كورىنبەگەن. BILD مالىمەتىنشە، بالانىڭ ءوزى امان، تۋىستارىنىڭ قامقورلىعىنا بەرىلگەن.
