سيريادا اساد اۋلەتىنىڭ 50 جىلعا سوزىلعان بيلىگى قۇلادى. بۇل تۋرالى رەسەيدىڭ ءسىم سىلتەمە جاساپ BBC حابارلادى.

24 جىل بيلەگەن باشار اساد ەلدەن كەتتى. سيريا 2011 جىلدان بەرى ازاماتتىق سوعىس جاعدايىندا ءومىر ءسۇرىپ جاتقان. «يسلام مەملەكەتى» تەررورلىق توبى ارتقا شەگىنگەن سوڭ سيريادا اساد بيلىگى كۇشەيگەندەي ەدى. 

ءقازىر سيريا اۋماعىن بىرنەشە توپ باقىلاپ وتىر. الداعى بىر-ەكى اي سيريا حالقى ءۇشىن شەشۋشى بولماق. ءارتۇرلى توپتار ەلدى بىرنەشە بولىككە ءبولىپ بيلىككە تالاسۋى مۇمكىن. كۇردتەر دە بولىنۋگە تىرىسارى انىق. 

پاريج پروكۋراتۋراسى پاۆەل دۋروۆقا تاعىلۋى مۇمكىن 12 ەپيزودتى جاريالادى. ونىڭ ىشىندە قۇزىرلى ورگاندارعا اقپارات بەرۋدەن باس تارتۋ، الاياقتىق پەن ەسىرتكى ساتۋعا قاتىسىنىڭ بولۋى، بالالاردىڭ پورنوگرافيالىق ۆيدەولارىن ساقتاۋعا، كيبەرقىلمىستارعا، اقشا جىلىستاتۋعا قاتىسۋى جانە ت. ب. بار. 

پروكۋراتۋرا 8 شىلدەدە اشىلعان ءىستى كيبەرقىلمىسپەن كۇرەس ورتالىعى مەن ۇلتتىق الاياقتىقپەن كۇرەس باسقارماسى (ONAF) تەرگەپ جاتقانىن ايتتى.

1 قازان كەشكىسىن يران ءيزرايلدى راكەتامەن اتقىلادى. بۇل تۋرالى BBC جازدى.

شابۋىل كەزىندە بۇكىل يزرايل اۋماعىندا دابىل قاعىلىپ، تۇرعىندارعا ءقاۋىپسىز جەرگە تىعىلۋعا بۇيرىق بەرىلدى.  يزرايل اسكەرى يران 180 راكەتا جىبەردى دەيدى. ال يران يسلام ريەۆوليۋسياسى ساقشىلار كورپۋسىنىڭ ارنايى جاساعى بۇل شابۋىلدى حاماس ليدەرى يسمايل حانيانىڭ، "حەزبوللا" ليدەرى حاسان ناسراللانىڭ جانە يران جاساعىنىڭ كومانديرى ابباس نيلفرۋشانىڭ ولىمىنە جاۋاپ دەپ مالىمدەدى.

يزرايل پرەمەر-مينيسترى بينيامين نەتانياحۋ ەل اۋماعىن بالليستيكالىق راكەتالارمەن اتقىلاعان يران "ۇلكەن قاتەلىك جاسادى، بۇعان جاۋاپ بەرەدى" دەپ مالىمدەدى.