قازاقستاندا 16- 20 تامىز ارالىعىندا الەمدەگى ەڭ ۇلكەن ستۋدەنتتىك جوبالاردىڭ ءبىرى - HPAIR Asia 2019 كونفەرەنسياسى (The Harvard College Project for Asian and International Relations) وتەدى. اۋقىمدى شاراعا قاتىسۋعا 65-تەن استام ەلدەن كەلگەن ءورشىل ستۋدەنتتەر مەن جاس كوشباسشىلار كەلىپ، ەلوردا حالىقارالىق مادەنيەتتەر مەن داستۇرلەردى بىرىكتىرەتىن ورتالىققا اينالادى. گارۆارد ۋنيۆەرسيتەتىنىڭ ونەر جانە عىلىم مەكتەبى مەن نازاربايەۆ ۋنيۆەرسيتەت بىرلەسىپ ۇيىمداستىراتىن كونفەرەنسيا كۇللى ازيا-تىنىق مۇحيتى ايماعى ءۇشىن ماڭىزدى سانالاتىن حالىقارالىق ماسەلەلەرگە ارنالعان بەلسەندى فورۋم ەكەنىن ايتا كەتۋ كەرەك. بۇل قازاقستاندىق جاستارعا الەمدىك ماسشتابتاعى ماسەلەلەردىڭ شەشىلۋىنە ءوز ۇلەسىن قوسۋعا تەڭدەسسىز مۇمكىندىك بەرەدى. كونفەرەنسياعا حالىقارالىق كومپانيالاردىڭ باسشىلارى، بەلگىلى ءھام ىقپالدى ادامدار، ءتۇرلى سالاداعى قوعام قايراتكەرلەرى، سونىڭ ىشىندە UNICEF كورەيا پرەزيدەنتى، دوكتور سونگ سان ءحون، ءۇندىستاننىڭ ەكس-سىرتقى ىستەر ءمينيسترى نيرۋپاما راو، تاياۋ شىعىستاعى جانە سولتۇستىك افريكاداعى عالامدىق نارىقتار بويىنشا Standard Chartered Bankء-تىڭ ەكسباسشىسى دەنيەل اسسي، نوبەل سىيلىعىنىڭ لاۋرەاتى راە كۆون چۋنگ، McKinsey & Company كومپانياسىنىڭ اعا سەرىكتەسى جانە McKinsey دۇنيەجۇزىلىك ينستيتۋتىنىڭ ديرەكتورى دجوناتان ۆوتسەل، World Bank Group-تىڭ باس تەحنيكالىق ديرەكتورى لەسلي گو، وڭتۇستىك-شىعىس ازياداعى سينگاپۋردان شىققان Bain & Company سەرىكتەسى تيلل ۆەسترينگ، حالىقارالىق ۆاليۋتا قورىنىڭ ازيا-تىنىق مۇحيتى ايماقتىق كەڭسەسىنىڭ ديرەكتورى چيكاحيسا سۋمي، يندونەزيا ينفراقۇرىلىم ينستيتۋتىنىڭ ءتوراعاسى جانە يندونەزيانىڭ ەكس-قارجى ءمينيسترى چاتيب باسري، ۆاشينگتونداعى CNN، نيۋ-يوركتەگى ABC News، ستامبۇلداعى News News Asia جانە بەرليندەگى Deutsche Welle TV جانە باسقا دا اقپارات سالاسىندا جۇمىس ىستەگەن تەلەجۇرگىزۋشى، كاسىبي مودەراتور جانە جۋرناليست، الي اسلان مەن وزگە دە ماڭىزدى ەسىمدەر شاقىرىلدى.
ال قازاقستان جاعىنان قازاقستاننىڭ ەكس-عىلىم جانە ءبىلىم ءمينيسترى ەرلان ساعادييەۆ، قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرجان اشىقبايەۆ، حالىقارالىق قاتىناستار جونىندەگى قازاقستاندىق كەڭەستىڭ ديرەكتورى ەسكەندىر اقىلبايەۆ، نۇر-سۇلتان قالاسىنىڭ اكىمى التاي كولگىنوۆ جانە تاعى دا باسقا تۇلعالار ءسوز سويلەيدى. ءىس-شارا اياسىندا نەگىزگى 6 ءتۇرلى باعىتتار بويىنشا سەمينارلار مەن پلەنارلىق سەسسيالار وتكىزىلەدى: الەمدىك نارىقتار جانە ەكونوميكا؛
ونەر، ب ا ق جانە مادەنيەت؛
الەۋمەتتىك ساياسات جانە الەۋمەتتىك ادىلەتتىلىك؛
ەنەرگەتيكالىق جانە ەكولوگيالىق تۇراقتىلىق؛
مەملەكەتتىك باسقارۋ جانە گەوساياسات؛
عىلىم مەن تەحنيكا.
بۇنىڭ سىرتىندا كونفەرەنسياعا قاتىسۋشىلاردى ارنايى دايىندالعان ويىن-ساۋىق كەشتەرى مەن اۋقىمدى كەيس-چەمپيونات كۇتەدى. وسىنداي كەشتەردىڭ ءبىرى - حالىقارالىق ءتۇن (I-Night) جانە مادەنيەتتەر مەن داستۇرلەردىڭ كارناۆالى (I-Carnival). I-Night - بۇل حالىقارالىق مادەنيەتتەردىڭ مەرەكەسى، وندا ءار ءتۇرلى ەلدەردەن كەلگەن دەلەگاتتاردىڭ ەرەكشە مۋزىكالىق، تەاترلىق جانە بي قويىلىمدارى كورسەتىلەدى. I-Carnival - بۇل حالىقارالىق جارمەڭكە فورماتىندا وتەتىن HPAIRء-دىڭ ءداستۇرلى شاراسى. مىندا كەلۋشىلەر ءداستۇرلى تاعامداردان ءدام تاتىپ، كونفەرەنسيا دەلەگاتتارى ۇسىنعان ۇلتتىق سۋۆەنيرلەردى ساتىپ الا الادى. I-Night جانە I-Carnival الەمنىڭ مادەني ارتۇرلىلىگىن بەينەلەيدى، بۇل الەمنىڭ ءارتۇرلى حالىقتارىنىڭ وكىلدەرى اراسىنداعى ىنتىماقتاستىقتى نىعايتۋعا كومەكتەسەدى. «قازاق مادەنيەتى - بۇل الەمدىك تاريحتىڭ اجىراماس بولىگى، سوندىقتان ءاربىر دەلەگاتتىڭ ونى سەزىنۋى ءۇشىن ءبىز جەكە ءىس-شارا - Kazakhstan Night (قازاقستان ءتۇنىن) دايىنداپ جاتىرمىز، وندا ءبىز قوناقتارىمىزعا عاسىرلار بويىنداعى قازاق مادەنيەتىنىڭ ەۆوليۋسياسىن دومبىرا مەن قوبىزدىڭ ەجەلگى اۋەندەرىنەن باستاپ قازىرگى Q-pop مادەنيەتىنە دەيىن كورسەتكىمىز كەلەدى. ءبىزدىڭ دەلەگاتتارىمىزدىڭ ءبىزدىڭ ەل تۋرالى ۇمىتىلماس تاجىريبە الۋىن قالايمىز»، - دەيدى نازاربايەۆ ۋنيۆەرسيتەتىنىڭ ستۋدەنتى ءارى HPAIR Asia Conference 2019 ۇيىمداستىرۋ كوميتەتىنىڭ ءتورايىمى لەيلا احمەتوۆا.
كونفەرەنسيانىڭ تاقىرىبى «Passion for change» («وزگەرىستەرگە قۇشتارلىق») بولماق. سونىمەن قاتار، قازاقستاندا 2019 جىلى جاستار جىلى بولىپ جاريالاندى، ال HPAIR Asia Conference 2019 بۇكىلالەمدىك ستۋدەنتتىك كونفەرەنسياسىنىڭ وتكىزىلۋى ءوزىنىڭ تاريحىندا العاش رەت وسىنداي بەدەلدى حالىقارالىق كونفەرەنسيانى ورتالىق ازياعا جانە پوستكەڭەستىك كەڭىستىككە جەتكىزگەن قازاقستاندىق جاستاردىڭ قانشالىقتى تالاپكەر جانە بىلىمگە قۇشتار ەكەنىن كورسەتۋگە مۇمكىندىك بولماق.
نۇر-سۇلتاندا وتەتىن HPAIR Asia 2019 كونفەرەنسياسى تۋرالى قوسىمشا اقپارات الۋ ءۇشىن مىنا سايتقا كىرىڭىز: www.hpair.org. سونىمەن قاتار، ءسىز رەسمي HPAIR Instagram پاراقشاسىنان سپيكەرلەر مەن كونفەرەنسيا باعدارلاماسى تۋرالى بارلىق جاڭارتىلعان اقپاراتتى تابا الاسىز.
