«C5+1» ديالوگى ورتالىق ازيا مەن اقش-تىڭ وڭىرلىك ىنتىماقتاستىعىنىڭ ماڭىزدى قۇرالى بولىپ قالا بەرەدى. بۇل تۋرالى اقپارات ەلىمىزدىڭ سىرتقى ىستەر مينيسترلىگىنىڭ رەسمي سايتىندا جاريالاندى.
بەرىلگەن مالىمەتكە سايكەس، سىرتقى ىستەر مينيسترلىگىندە قازاقستان سىرتقى ساياسي ۆەدومستۆوسىنىڭ باسشىسى بەيبىت اتامقۇلوۆ، تۇرىكمەنستاننىڭ مينيسترلەر كابينەتى ءتوراعاسىنىڭ ورىنباسارى – سىرتقى ىستەر ءمينيسترى راشيد مەرەدوۆ، قىرعىزستاننىڭ سىرتقى ساياسي ۆەدومستۆو باسشىسى چينگيز ايداربەكوۆ، تاجىكستاننىڭ - سيرودجيددين مۋحريددين، وزبەكستاننىڭ - ابدۋلازيز كاميلوۆ جانە اقش مەملەكەتتىك حاتشىسىنىڭ ورىنباسارى ديەۆيد حەيلدىڭ قاتىسۋىمەن جوعارى دەڭگەيدەگى «س5+1» كەزدەسۋى ءوتتى.
جوعارى دەڭگەيدەگى كەزدەسۋدە قازاقستان سىرتقى ساياسي ۆەدومستۆوسىنىڭ باسشىسى «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ قازاقستاننىڭ سىرتقى ساياساتىنداعى ورتالىق ازيا ۆەكتورىنىڭ ىرگەلى باسىمدىعىن قالاعانىن» اتاپ ءوتتى.
ءمينيستردىڭ ايتۋىنشا، «ەلباسى باعىتى ساباقتاستىعىنىڭ مىزعىماستىعى ق ر پرەزيدەنتى قاسىم-جومارت توقايەۆتىڭ ايماقتىق ستراتەگياسى نەگىزىندە جاتىر. ءبىزدى كورشىلەرىمىزبەن ايماقتىق ساياسي، ەكونوميكالىق جانە گۋمانيتارلىق ىنتىماقتاستىقتىڭ قارقىندى دامۋى شابىتتاندىرادى». سونداي-اق ءبىزدىڭ ءوڭىرىمىزدىڭ ەكىجاقتى جانە كوپجاقتى فورماتتارى بارىسىندا قول جەتكىزىلگەن بارلىق باستامالار مەن ۋاعدالاستىقتاردى ساپالى جۇزەگە اسىرۋعا قازاقستاننىڭ قىزىعۋشىلىعى اتاپ ءوتىلدى.
«س5+1» وتكەن كەزدەسۋدە ساۋدا بايلانىستارىن ودان ءارى كەڭەيتۋ، ينۆەستيسيالاردى تارتۋ جانە وڭىردەگى كوپجاقتى ەكونوميكالىق جوبالاردى ىسكە اسىرۋ مۇمكىندىكتەرى تالقىلاندى. تاراپتار ورتالىق ازيانىڭ ينفراقۇرىلىمىن جانە ترانزيتتىك-كولىكتىك الەۋەتىن بىرلەسىپ دامىتۋعا ۇلكەن قىزىعۋشىلىق ءبىلدىردى.
قاۋىپسىزدىك سالاسىندا كەزدەسۋگە قاتىسۋشىلار وڭىرلىك ءتاسىلدى تالاپ ەتەتىن سىن-قاتەرلەر مەن قاۋىپتەردىڭ كەڭ كەشەنىن قاراستىردى. ونىڭ ىشىندە اۋعانستاندى قالپىنا كەلتىرۋگە كومەك كورسەتۋ، سونداي-اق سيريا مەن يراكتاعى ۇرىس قيمىلدارى ايماعىنان ورالعان ازاماتتاردى قايتا ورالۋ جانە وڭالتۋ بويىنشا تاجىريبە الماسۋ ماسەلەلەرى بار.
نۇر-سۇلتان قالاسىنا ساپارى اياسىندا اقش مەملەكەتتىك حاتشىسىنىڭ ورىنباسارى د. حەيلدى ق ر پرەمەر-مينيسترى اسقار مامين، ق ر سىرتقى ىستەر ءمينيسترى ب. اتامقۇلوۆ جانە ق ر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى اسەت يسەكەشيەۆ ق ر مەن اقش-تىڭ ەكىجاقتى جانە حالىقارالىق ىنتىماقتاستىعىنىڭ وزەكتى ماسەلەلەرىن تالقىلاۋ ءۇشىن قابىلدادى.
«س5+1» فورماتى ورتالىق ازيانىڭ بەس ەلى مەن اقش اراسىنداعى ءوزارا ءىس-قيمىلدىڭ كوپجاقتى تەتىگى بولىپ تابىلادى. ديالوگتىڭ نەگىزگى تاقىرىپتارى ەكونوميكالىق دامۋ، وڭىرلىك ىنتىماقتاستىق جانە قاۋىپسىزدىك ماسەلەلەرى بولىپ تابىلادى. التى ەلدىڭ سىرتقى ساياسي ۆەدومستۆولارى باسشىلارىنىڭ قاتىسۋىمەن العاشقى وتىرىس 2015 جىلعى 1 قاراشادا سامارقاند قالاسىندا ءوتتى.
سۋرەتتەر http://mfa.gov.kz سايتىنان الىندى
