قازىرگى كەزدە اسسامبلەيا ينستيتۋتى قازاقستاندىق قوعامنىڭ بارلىق سالالارىندا بەلسەندى جۇمىس اتقاراتىنىن بايقاۋعا بولادى. بۇل تۋرالى ق ر پرەزيدەنتى جانىنداعى قسزي ساياسي زەرتتەۋلەر ءبولىمىنىڭ باس ساراپشىسى دۋلات وتەعالي ايتتى، دەپ حابارلايدى Ulys.

«مەملەكەت باسشىسى قاسىم-جومارت توقايەۆ اتىراۋ قالاسىندا وتكەن ۇلتتىق قۇرىلتايدا ايتىلعان گۋمانيتارلىق-يدەولوگيالىق دوكتريناسىنىڭ تولىقتاي جۇزەگە اسۋى ازاماتتىق قوعامنىڭ نەگىزگى ينستيتۋتتارى تاراپىنان بولاتىن قولداۋعا تىكەلەي بايلانىستى ەكەنىن اتاپ ءوتتى. وسىعان وراي، اسسامبلەيانىڭ جۇمىسىن وسى باعىتتا ۇيلەستىرۋدىڭ ماڭىزدىلىعىنا دا ەرەكشە نازار اۋدارىلدى. قازىرگى كەزدە اسسامبلەيا ينستيتۋتى قازاقستاندىق قوعامنىڭ بارلىق سالالارىندا بەلسەندى جۇمىس اتقاراتىنىن بايقاۋعا بولادى.  ماسەلەن، وتباسى ينستيتۋتىن ساقتاۋعا جانە ۇرپاقارالىق، مادەنيەتارالىق بايلانىستى نىعايتۋ، رۋحاني-ادامگەرشىلىك قۇندىلىقتارعا تاربيەلەۋگە، جاستار اراسىندا قۇقىقبۇزۋشىلىقتاردىڭ الدىن الۋعا باعىتىندا اسسامبلەيا جانىندا «اقساقالدار كەڭەسى» مەن انالار كەڭەسىنىڭ ءرولىن ەرەكشە اتاپ وتۋگە بولادى»، - دەيدى دۋلات وتەعالي.

ونىڭ ايتۋىنشا بۇگىنگى كۇندە ەلىمىزدە قحا جانىنان 1119 اقساقالدار كەڭەسى قۇرىلىپ، ونىڭ قۇرامىنا بەلگىلى تۇلعالار، قوعامدىق پىكىر كوشباسشىلارى، ەتنومادەني، ارداگەرلەر بىرلەستىكتەرى جانە باسقا دا قوعامدىق ۇيىمدار قاتارىنان 7 مىڭنان استام ادام مۇشە بولعان.

«بىلتىرعى جىلعى دەرەكتەر بويىنشا انالار كەڭەسى 252،5 مىڭنان استام ادامنىڭ قاتىسۋىمەن 6 مىڭنان استام ءىس-شارا وتكىزگەن. سونىمەن بىرگە، قازاقستاننىڭ بارلىق وڭىرلەرىندە مىڭنان استام ەتنومادەني بىرلەستىكتەر جۇمىس ىستەيدى جانە قحا جۇمىسىن ۇيلەستىرەتىن جانە قامتاماسىز ەتەتىن 34 دوستىق ءۇيى بار. بۇل قازىرگى كەزدە اسسامبلەيا قۇرىلتاي بارىسىندا ايقىندالعان جالپىعا ورتاق قۇندىلىقتاردى، نەگىزگى يدەولوگەمالاردى قازاقستاندىق قوعامدا كەڭىنەن ناسيحاتتاۋ جانە تاراتۋ الەۋەتىنە يە ەكەنىن كورسەتەدى»، - دەدى ساراپشى.

اتىراۋدا وتكەن ۇلتتىق قۇرىلتايدا مەملەكەت باسشىسى قاسىم-جومارت توقايەۆ وسكەلەڭ ۇرپاقتىڭ دەنساۋلىعىنا، جالپى ومىرىنە ءقاۋىپ توندىرەتىن ۆەيپ، ناسىباي، ەسىرتكىگە قۇمارلىق، قۇمارپازدىق سەكىلدى كەسەلدەرمەن ىمىراسىز كۇرەس جۇرگىزۋ قاجەتتىگىن ايتقان بولاتىن. قازىرگى قوعامنىڭ وزەكتى پروبلەماسىنا اينالعان وسىناۋ جات ادەتتەردەن ۇرپاقتى قورعاۋ قاجەتتىگىن ەلىمىزدەگى ۇكىمەتتىك ەمەس ۇيىمدار دا كوتەرىپ كەلەدى. سولاردىڭ ءبىرى – قازاقستان حالقى اسسامبلەياسىنىڭ «انالار» كەڭەسى.

وسىدان 10 جىل بۇرىن، ناقتىراق ايتقاندا 2014 جىلى قۇرىلعان كەڭەستىڭ بۇگىندە وبلىستىق، اۋداندىق، جەرگىلىكتى دەڭگەيدەگى، سونىمەن قاتار ەتنومادەني بىرلەستىكتەر جانىنداعى 1 713 بولىمشەسى بار. بەلسەندى مۇشەلەرى 13 مىڭ ادامنان اسادى. كەڭەس وتكەنى جىلى 250 مىڭنان استام ادام قاتىسقان 6 مىڭ ءىس-شارا وتكىزدى.

«ماقساتىمىز – وتباسىلىق قۇندىلىقتاردى، قازاقستاندىق بىرەگەيلىك پەن جالپىۇلتتىق بىرلىكتى ساقتاپ، نىعايتۋ، ادال ازامات تاربيەلەۋ. وسى باعىتتا قازاقستاندىق بىرەگەيلىكتى نىعايتۋ ءۇشىن مەملەكەتتىك ورگاندارعا، ازاماتتىق قوعام ينستيتۋتتارىنا جاردەمدەسۋ، ازاماتتاردى قوعامدىق كەلىسىم مەن بىرلىك مۇندىلىقتارىنا توڭىرەگىنە توپتاستىرۋدى مىندەتىمىز رەتىندە بەلگىلەپ الدىق. رەسپۋبليكالىق جانە جەرگىلىكتى دەڭگەيدەگى ماسەلەلەردى تالقىلاۋ ءارى شەشىم قابىلداۋ بارىسىندا قوعامدىق پىكىردى ەسكەرۋ، ازاماتتىق قوعام مۇددەسىن ءبىلدىرۋ دە مىندەتتەرىمىزدىڭ ءبىرى سانالادى. مۇنان بولەك، قوعامدىق كەلىسىمدى ساقتاۋ، ازاماتتىق بىرەگەيلىكتى قالىپتاستىرۋ جولىنداعى قازاقستان حالقى اسسامبلەياسى مىندەتتەرىنىڭ تانىمالدىعىن ارتتىرۋ جانە ىلگەرىلەتۋ ءۇشىن دە ەڭبەك ەتىپ جاتىرمىز»، - دەدى ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياساتى جونىندەگى ۇلتتىق كوميسسيا مۇشەسى، قحا «انالار» كەڭەسىنىڭ ءتوراعاسى نازيپا شاناي.

بۇگىندە كەڭەس ءبىرقاتار جوبانى قولعا العان. ولاردىڭ قاتارىندا «تەمەكىسىز» قوعامدىق قورىمەن ۆەيپتەر مەن ەلەكتروندى تەمەكى اينالىمىنا تولىقتاي تىيىم سالۋعا باعىتتالعان جۇمىسىن اتاۋعا بولادى. كەڭەس ۇيىتقى بولعان «ۆەيپكە تىيىم سالۋ» پەتيسياسى الەۋمەتتىك جەلىگە سالىنعاننان كەيىن قولداۋشىلاردىڭ 20 مىڭنان استام قولىن جيناعان. قازىرگى ۋاقىتتا وسى باعىتتاعى زاڭ جوباسى سەنات قاراۋىندا.

«ەسىرتكىسىز بولاشاق» قوعامدىق قورىمەن جاسالعان مەموراندۋم اياسىندا «جاسىل سەرتيفيكات» جوباسى جۇزەگە اسىرىلىپ جاتىر. بۇل جوبا رەسپۋبليكالىق بارلىق ءدارىحانالارىندا ەسىرتكى زاتتارىن تومەندەتۋگە باعىتتالعان. مۇنان بولەك، ماڭعىستاۋ وبلىستىق سوتىمەن «وتباسىلىق سوت» جوباسى قولعا الىنعان. جوبا اياسىندا «انالار كەڭەسىمەن بىرگە قولايلى قۇقىقتىق ورتا قالىپتاستىرۋعا باعىتتالعان جۇمىستار جۇرگىزىلەدى. وسى جوبانىڭ ناتيجەسىندە اجىراسۋعا بەل بۋعا 20 وباسىنىڭ 11ء-ى باستاپقى نيەتتەرىن قايتتى جانە بالالارى تولىققاندى وتباسىندا تالىم-تاربيە الىپ جاتىر. استانا، الماتى، شىمكەنت وبلىستارىنىڭ ءبىلىم باسقارمالارىمەن «قاۋىپسىزدىك ساعاتى» جوباسىن دا جۇزەگە اسىرىپ جاتىرمىز. ونىڭ اياسىندا اتا-انالارمەن كەزدەسىپ، ءوسىپ كەلە جاتقان ۇرپاقتىڭ، دەنساۋلىعىنا، مىنەز-قۇلقىنا، تالىم-تاربيەسىنە كەرى اسەرىن تيگىزەتىن بۋللينگ، لۋدومانيا، ەسىرتكى مەن ۆەيپتەرگە تاۋەلدىلىك سياقتى قوعامدىق وزەكتى ماسەلەلەرىن تالقىلاپ، شەشۋ جولدارىن بىرگە قاراستىرامىز»، - دەدى نازيپا ىدىرىس قىزى.

فوتو: قحا

قازاقستان حالقى اسسامبلەيا مۇشەلەرى سۋدان زارداپ شەككەن وبلىستارعا «جۇرەكتەن جۇرەككە» اكسياسى اياسىندا 227 توننا گۋمانيتارلىق كومەك جىبەردى، 277 ميلليون تەڭگە جيناپ، قارجىلاي كومەك كورسەتۋدە. بۇل تۋرالى سەنات دەپۋتاتى گەنناديي شيپوۆسكيح  ءوزىنىڭ جەلىدەگى پاراقشاسىندا جازدى، دەپ حابارلايدى Ulys.

«سوڭعى كەزدە ءتۇرلى بەينە جانە جازبا ماتەريالداردى كورىپ اڭ-تاڭ بولىپ ءجۇرمىن! مىسالى قازاقستان حالقى اسسامبلەياسى سۋ تاسقىنى كەزىندە قايدا؟ اسسامبلەيا نە ىستەپ جاتىر؟ اسسامبلەيا كەرەك ەمەس، اسسامبلەيا قانداي كومەك بەرىپتى؟ دەگەن پىكىرلەر كوبەيىپتى! ول دۇرىس ەمەس اعايىن! قازاقتىڭ جاقسى ءسوزى بار “ جاقسىنىڭ جاقسىلىعىن ايت-نۇرى تاسىسىن” دەگەن! ەلىمىزدە قايعىلى جاعداي ورىن العان ساتتەن باستاپ قازاقستان حالقى اسسامبلەياسى سۋ تاسقىنىنان زارداپ شەككەن ازاماتتارعا كومەك بەرۋ ءۇشىن، ارنايى رەسپۋبليكالىق شتاب قۇرىپ، ودان ءارى قاراي وڭىرلەردە شتابتاردى قۇرىپ گۋمانيتارلىق كومەك بەرۋ بويىنشا جۇمىستى ۇيلەستىرە باستادى. ءقازىر ءبىزدىڭ اسسامبلەيا جانىنداعى “اسسامبلەيا جاستارى” ۇيىمىنىڭ ەرىكتىلەرى بارلىق سۋ باسقان وبلىستاردا كومەكتەرىن كورسەتىپ جاتىر! ەگەردە جالپىلاما ايتاتىن بولساق بۇگىنگى كۇنگە دەيىن اسسامبلەيا مۇشەلەرى سۋدان زارداپ شەككەن وبلىستارعا “جۇرەكتەن جۇرەككە” اكسياسى اياسىندا 227 توننا گۋمانيتارلىق كومەك جىبەردى، 277 ميلليون تەڭگە جيناپ، قارجىلاي كومەك كورسەتۋدە»، - دەدى سەناتور.

سونىمەن قاتار ول وڭىرلەردە 10 مىڭعا جۋىق ەرىكتىلەر زارداپ شەككەن ازاماتتارعا،قۇتقارۋشىلارعا، اسكەري قىزمەتكەرلەرگە،قۇرىلىسشىلارعا ءوز كومەكتەرىن بەرىپ جاتقانى تۋرالى ايتتى.

«ءقادىرلى اعايىن اسسامبلەيا ءۇنسىز وتىر، اسسامبلەيا ەشتەمە جاساپ جاتقان جوق دەپ ايتۋ دۇرىس ەمەس دەگەن ويدامىن. ايتپاقشى الەۋمەتتىك جەلىدە جالعان اقپارات وتە كوپ، مىسالى اسسامبلەياعا قىرىپ اقشا بولىنەدى، اسسامبلەيا بيۋدجەتكە قاراپ وتىر دەپ. دوستار بۇل تازا ميف! بارلىق كورسەتىلىپ جاتقان، جوعارىدا اتالىپ وتكەن اسسامبلەيا تاراپىنان بەرىلگەن كومەك جايىندا ايتاتىن بولساق، بۇل اسسامبلەيا جانىنداعى ءتۇرلى كاسىپكەرلەر، مەسەناتتار جانە ەتنومادەني بىرلەستىكتەردىڭ كومەگى! امان بولايىق دوستار! كۇشىمىز بىرلىكتە!»، - دەپ تولىقتىردى گەنناديي شيپوۆسكيح ءوز ءسوزىن.