قازىرگى قازاق جاستارى وتە ءبىلىمدى ءارى بەلسەندى. ەلىمىزدە جاستاردىڭ كوپشىلىگى قوعامدىق جۇمىستارعا بىلەك سىبانا اتسالىسىپ، قازاقستاننىڭ دامۋىنا زور ۇلەس قوسىپ ءجۇر. وسى باعىتتا «اسسامبلەيا جاستارى» رەسپۋبليكالىق قوعامدىق ۇيىمى تۋرالى ەرەكشە ايتۋعا بولادى. Ulys تىلشىسىنە اتالعان قوعامدىق ۇيىمنىڭ ءتوراعاسى تيمۋر جۇمىربايەۆ ارنايى سۇحبات بەرىپ، «اسسامبلەيا جاستارىنىڭ» بۇگىنگى تىنىس-تىرشىلىگى تۋرالى كوپشىلىك بىلە بەرمەيتىن اقپاراتتارمەن ءبولىستى.
«اسسامبلەيا جاستارى» قوعامدىق ۇيىمنىڭ قازىرگى جۇمىستارى قالاي ءجۇرىپ جاتىر؟ نەگىزگى باعىتتارى قانداي؟
ءبىزدىڭ ماقساتىمىز – قازاقستاندىق جاستاردى دامىتۋ جانە قولداۋ. وسى سالاداعى باستامالاردى قولداۋدىڭ ءتيىمدى تەتىكتەرىن قۇرۋ. جوبالاردى ىسكە اسىرۋ كەزىندە ءبىز قوياتىن مىندەت – بارلىق باستامالاردىڭ قازاقستاندىق جاستار ءۇشىن بارىنشا پايدالى بولۋى. بءىزدىڭ قىزمەتىمىزدىڭ وتە ماڭىزدى باعىتى الەۋمەتتىك قولداۋ جانە جاس كوشباسشىلاردىڭ ءوزىن-وزى دۇرىس دامىتا الۋىنا جول اشۋ. ءقازىر اۋىل جاستارىمەن، اسىرەسە شاعىن ەتنوستار تۇراتىن جەرلەرىندە اۋقىمدى جۇمىستار اتقارىپ جاتىرمىز. اتاپ ايتقاندا ۇيعىر، پانفيلوۆ، قورداي، سايرام جانە ماقتاارال اۋداندارىندا ۇلكەن جۇمىستار جۇرگىزۋدەمىز. بۇل قازاقستاننىڭ وڭتۇستىگىندەگى وڭىرلەر. مۇندا ساپالى كاسىپتىك باعدار بەرۋ جۇمىستارى جۇرگىزىلىپ، جۇمىسقا ورنالاسۋ ماسەلەلەرى شەشىلۋى وتە ماڭىزدى. جالپى «جاستار اسسامبلەياسى» ۇيىمى قىزمەتىنىڭ وربيتاسىندا مۇمكىندىگىنشە كوپ جاستاردىڭ بولۋى ماڭىزدى. ءبىز وسى وڭىرلەردىڭ جاستارى ءۇشىن ينتەگراسيالىق الاڭ بولا وتىرىپ، ولاردىڭ زامانعا ساي باسەكەگە قابىلەتتى ءبىلىم الۋىنا، قۇزىرەتتىلىكتى جانە كاسىبي ورتادا سۇرانىستى ىلگەرىلەتەتىن جوبالارىن ىسكە اسىرۋىنا مۇمكىندىك اشامىز. ناۋرىز ايىندا اتىراۋ قالاسىندا وتكەن ۇلتتىق قۇرىلتاي وتىرىسىندا مەملەكەت باسشىسى ءبىزدىڭ قوعامنىڭ نەگىزى بولۋى ءتيىس قۇندىلىقتاردى ناقتى اتاپ ءوتتى. جيىندا پرەزيدەنت «ءار ازامات وتانعا دەگەن سۇيىسپەنشىلىگىن سوزبەن عانا ەمەس، ناقتى ىسپەن كورسەتۋى قاجەت. تاۋەلسىزدىكتىڭ قادىر-قاسيەتىن تەرەڭ سەزىنىپ، ونى باعالاي ءبىلۋى كەرەك. ءبىز ادىلەتتى مەملەكەت پەن وتانشىل، ادال ازاماتتاردىڭ كۇش-جىگەرىن ۇيلەستىرىپ جۇمىلدىرۋ جانە حالقىمىزدىڭ مادەني كودىن ۇنەمى زامان تالابىنا ساي بەيىمدەپ وتىرۋ ارقىلى عانا ەڭ ماڭىزدى مىندەتىمىزدى ورىنداي الامىز، ياعني قاستەرلى تاۋەلسىزدىگىمىزدى ساقتاپ، نىعايتا تۇسەمىز» دەگەن بولاتىن. بۇل سوزدەر بىزگە، جاستارعا ارنالعان. سەبەبى قازاقستاننىڭ بولاشاعى جاستار. جاستار ءبىلىمدى، وزىق ويلى بولسا قوعام العا جىلجىپ داميتىن بولادى.
ءبىز جاستارعا قازاقستاندا ءوز بىلىمدەرىن، تالانتتارى مەن مۇمكىندىكتەرىن اشۋعا تەڭ مۇمكىندىكتەر بار ەكەنىن كورسەتەتۋدەمىز دەپ ويلايمىن. ءبىز الماتى وبلىسىنداعى ۇيعىر اۋدانىنا، تۇركىستان وبلىسىنداعى ماقتاارال اۋدانىنا بارىپ، جاستارمەن كەزدەستىك. اقپاراتتىق توپتار مەن جوو وكىلدەرىمەن جانە جۇمىس بەرۋشىلەرمەن كونسۋلتاسيالار، موتيۆاسيالىق كەزدەسۋلەر ۇيىمداستىرۋ ارقىلى جاستاردى الەۋمەتتەنۋىن، جاس ازاماتتاردى قولداۋ شارالارىن، ءبىلىم بەرۋ باعدارلامالارى مەن جۇمىسقا ورنالاستىرۋ جوبالارىن ءتۇسىندىرۋ جۇمىستارى جۇرگىزىلۋدە. وتكەن جىلدىڭ وزىندە وسى باعىت بويىنشا 500-دەن استام ءىس-شارا وتكىزىلدى.
وسىنداي وڭىرلەرمەن جۇمىس ىستەۋدىڭ تاعى ءبىر قىزىقتى فورماتى – «جاس سارباز» اسكەري-پاتريوتتىق قوزعالىسىمەن كەلىسىمشارت جاساۋ. قازاقتىڭ كورنەكتى تاريحي قايراتكەرلەرى، باتىرلارىنىڭ مىسالدارى ءبىز وقۋشىلار اراسىندا پاتريوتيزم مەن باتىلدىق تۋرالى تۇسىنىك قالىپتاستىرامىز، اسكەري قىزمەتپەن تانىستىرامىز. ءبىز ارىپتەستەرىمىزبەن بىرگە وڭىرلەرگە شىعىپ، مەكتەپتەردە اسكەري-پاتريوتتىق ۇيىم قۇرۋ جۇمىستارىن جۇرگىزدىك. بۇل جاستاردى بىرىكتىرىپ، ەل ءۇشىن قىزمەت ەتۋگە تاربيەلەيدى. جۇمىس وسى يدەولوگيا بويىنشا قالىپتاسىپ جاتىر. وعان قوسا، الدىڭعى جىلدارى قوستاناي وبلىسىنداعى ءورت كەزىندە ءبىزدىڭ ۇيىم العاشقىلاردىڭ ءبىرى بولىپ وقيعا ورنىنا باردى. قحا 60 ملن تەڭگە كولەمىندە ورتتەن زارداپ شەككەندەرگە جيناپ بەردى.
بۇدان بولەك «اسسامبلەيا جاستارى» ۇيىمى جۇمىسىنىڭ تاعى ءبىر باعىتى - مەملەكەتتىك ءتىلءدىڭ قولدانىس اياسىن كەڭەيتۋ. بۇگىنگى تاڭدا ەتنوس-جاستارى اراسىندا قازاق ءتىلىن مەڭگەرۋءى مەن ونى كۇندەلىكتى قولدانىس قۇرالىنا اينالدىرۋ ەرەكشە مانگە يە. ەتنوس جاستارى اراسىندا قازاقشا سويلەپ، ونى كوپشىلىككە ناسيحاتتاپ جۇرگەن مىڭداعان ادام بار. وسى مەن ايتىپ وتىرعان باعىت اياسىندا «ۇيدە سويلە»، «قازاقشا tea-talks» جوبالارى ىسكە اسىرىلدى. دوستىق ۇيلەرىنىڭ بازاسىندا ءتىل ءۇيرەتۋ كلۋبى اشىلدى، سونداي-اق ءتىل ەرىكتىلەرىنىڭ باعىتى بەلسەندى دامىپ كەلەدى. وتكەن جىلى ءبىز العاش رەت «ەل بىرلىگى» رەسپۋبليكالىق پىكىرسايىس ءتۋرنيرىن وتكىزدىك. جوبانىڭ ەرەكشەلىگى بارلىق كوماندالار پوليەتنيكالىق بولدى، ال تۋرنير تولىعىمەن مەملەكەتتىك تىلدە ءوتتى. پىكىرتالاس بەلسەندى جاستارعا قازاقستاندىقتاردى تولعاندىراتىن ماڭىزدى تاقىرىپتاردى تالقىلاۋعا مۇمكىندىك بەردى.
ءبىز كرەاتيۆتى يندۋستريانى دامىتۋعا ۇلكەن كۇش-جىگەر جۇمساۋدامىز. مەملەكەت باسشىسى ءدال وسى سالا ەكونوميكانىڭ پەرسپەكتيءۆتى سەكتورى بولۋعا ءتيىس ەكەنىن اتاپ ءوتتى. بۇگىنگى تاڭدا وسى سالاداعى ۇلت بىرلىگىن نىعايتۋعا باعىتتالعان جوبالاردى قۇراتىن جانە بىرىكتىرەتىن شىعارماشىلىق حاب قۇرىلدى. بيىل شىعارماشىلىق جوبالاردىڭ اۆتورلارىمەن قىزىقتى كەزدەسۋلەر وتكىزىلىپ، ولاردى ىسكە اسىرۋ جوسپارلارى بەلگىلەندى. ۇلتتىق دەلفيي كوميتەتىمەن بىرلەسىپ ءتۇرلى ەتنوستاردىڭ جاس تالانتتارى ءۇشىن «جاستار جالىنى» FOLK&ART PERFORMANCE الاڭىن قۇردىق. وسى جوبا اياسىندا قازاقستان حالقى اسسامبلەياسى جاستارعا قارجىلاي قولداۋ كورسەتتى. بۇل جاس مۋزىكانتتار مەن ورىنداۋشىلارعا حالىقارالىق كونكۋرستارعا قاتىسۋ ءۇشىن جول شىعىندارىن وتەۋگە مۇمكىندىك بەرءدى.
بۇل جوبا جىل سايىن بولادى جانە ونىڭ مازمۇنىنى وزگەرگەنمەن نەگىزگى باعاتى وزگەرىسسىز قالا بەرەدى. «اسسامبلەيا جاستارى» حالىقارالىق ۇيىمدارمەن دە ءتيىمدى جۇمىستار جۇرگىزۋدە. ءبىز يۋنەسكو-مەن ىنتىماقتاستىق جونىندەگى جۇمىستاردى باستادىق، ونىڭ باستى ماقساتتارىنىڭ ءبىرى مادەنيەتارالىق ديالوگتى دامىتۋ بولىپ تابىلادى. كەلەشەكتە ءبىز «اسسامبلەيا جاستارى» حالىقارالىق ۇيىمنىڭ ءبىر بولىگى بولۋىنا، سونداي-اق قازاقستاندىق جاستاردىڭ حالىقارارالىق ۇيىمدار ارقىلى ءبىلىم الۋ، عىلىمي جانە الەۋمەتتىك جوبالارعا، وسى ءىرى جانە بەدەلدى ۇيىمدارعا مۇشە بولۋىنا جول اشۋعا كۇش جۇمسايتىن بولامىز. ءبىز حالىقتار اراسىنداعى تاريحي جانە مادەني جاقىندىقتى ەسكەرە وتىرىپ، ورتالىق ازيا ەلدەرىنىڭ جاستار ۇيىمدارىمەن تىعىز ءوزارا ءىس-قيمىل جاسايمىز. وسى جىلى ناۋرىز ايىندا ءۇندىستاننىڭ بىرنەشە قالاسىندا، اتاپ ايتقاندا دەلي، اگرا، احمەدابادتا وتكەن «ءۇندىستان – ورتالىق ازيا» جاستار فورۋمىنا قاتىسىپ قايتتىق. وسىنداي الاڭدار ارقىلى ءبىز جاستارىمىزدىڭ مۇمكىندىكتەرىن كەڭەيتۋگە، تاجىريبە الۋعا، ۇيىمدار اراسىندا ءۇزدىك الەۋمەتتىك-گۋمانيتارلىق، ءبىلىم بەرۋ تاجىريبەلەرىمەن الماسۋعا باعىتتالعان جاڭا جوبالاردى تالقىلايمىز جانە جاسايمىز. ايتا بەرسەڭ اتقارىپ جاتقان جۇمىستار وتە كوپ. جالپى نەگىزگىلەرى وسى دەپ ايتا الام.
قازىرگى كەزدە ۇيىمداعى جاستار سانى قانشا؟ جاستاردىڭ قۇقىقتىق جانە قارجىلىق ساۋاتتىلىعىن، الەۋەتىن ارتتىرۋ ءۇشىن ۇيىم قانداي اتاپ وتەتىن شارالار جاساۋدا؟
بۇگىنگى تاڭدا «جاستار اسسامبلەياسى» ۇيىمىنىڭ قاتارىندا 9 مىڭنان استام استام ادام بار. بۇل ناعىز پاتريوتتار دەپ ايتا الام. ولار وزدەرىنىڭ كۇندەلىكتى قوعامدىق جۇمىستارى ارقىلى ۇلت بىرلىگىن نىعايتۋعا ولشەۋسىز ۇلەس قوسىپ ءجۇر. ونىڭ ۇستىنە «اسسامبلەيا جاستارى» جاس كوشباسشىلاردىڭ وسۋىنە جانە لايىقتى كادرلار دايارلاۋعا جاقسى الاڭ بولا الادى. ماسەلەن، ءقازىر كوپتەگەن ەتنومادەني بىرلەستىكتەردى جاس ءتوراعالار باسقاردى. بۇل اكبارجون يسمايلوۆ، يۋريي شين، زاينۋددين ماحۋسەيەۆ، ەۆگەنيي بولگەرت، نارين ميكاەليان جانە باسقالار. ارينە بۇل مەريتوكراتيا ءپرينسيپىن قوعامدىق قۇرىلىمداردا دامىتۋعا مۇمكىندىك بەرەتىن وتە جاقسى ءۇردىس. بءىزدىڭ ۇيىمنىڭ بەلسەندى ازاماتتارى مەملەكەتتىك قىزمەت قۇرىلىمىندا جوعارى لاۋازىمدار اتقارىپ وتىر، كەيبىرى دەپۋتات بولىپ سايلاندى. بۇل قۋانتارلىق جايت دەپ بىلەم.
سونىمەن قاتار ءبىزدىڭ جاستار بيزنەستە، عىلىمدا، مادەنيەتتە، سپورتتا جانە باسقا دا سالالاردا تابىستى جەتىستىكتەر كورسەتۋدە. قۇقىقتىق جانە قارجىلىق ساۋاتتىلىقتى دامىتۋ جونىندەگى جۇمىسقا كەلەتىن بولساق، بۇل دا ءبىزدىڭ جۇمىسىمىزدىڭ ماڭىزدى قۇرامداس بولىگى بولىپ تابىلادى. ءبىز اۋىلدا، كوللەدج جانە جوعارى وقۋ ورىندارىندا، ءتىپتى مەكتەپتەردەگى وقۋشىلار اراسىندا ءتۇرلى اقپاراتتىق ءىس-شارالار وتكىزەمىز. شىندىعىن ايتۋ كەرەك، جاستار اراسىندا كرەديت العان ازاماتتار وتە كوپ. بۇل كوبىنەسە قارجىلىق ساۋاتتىلىقتىڭ تومەندىگىنە بايلانىستى. بۇل قۇبىلىس جاستارىمىزدىڭ دامۋىن تەجەيدى، سوندىقتان ءبىز جاستار ورتاسىندا مۇنداي قۇبىلىستاردىڭ الدىن الۋعا، جاستاردىڭ قارجىلىق ساۋاتتىلىعىن ارتتىرۋعا كوپ كۇش سالۋدامىز.
قازاقستان حالقى اسسامبلەياسى جۇمىسىندا جاستاردىڭ ءرولى قانداي؟
قازاقستان حالقى اسسامبلەياسى قۇرىلىمىنداعى جاستاردىڭ ءرولى، بۇكىل ەلدەگى سياقتى وتە ماڭىزدى بولىپ قالا بەرەدى. جاستار – ەلدىڭ بولاشاعى. بىزدەن كەيىن بولاتىن ۇرپاقتار ءۇشىن ەلدەگى بىرلىك پەن كەلىسىمدى ساقتاۋ ءبىزدىڭ مىندەتىمىز. بۇگىندە اسسامبلەيا اياسىندا جاستار جوبالارىن جۇزەگە اسىرۋعا كوپ كوڭىل بولىنەدى. قحا قۇرامىندا رەسپۋبليكالىق دەڭگەيدە دە، وڭىرلەردە دە جاستار كۆوتاسى ەنگىزىلدى. ماسەلەن، ءقازىر اسسامبلەيا جاستارى سۋ تاسقىنىنان زارداپ شەككەن وڭىرلەردە ەرىكتىلەر توپتارىن ۇيىمداستىرۋ بويىنشا اسا ماڭىزدى مىندەتتەردى اتقارۋدا. جالپى، قازاقستان حالقى اسسامبلەياسى سۋ تاسقىنى جاعدايىنا العاشقىلاردىڭ ءبىرى بولىپ جاعدايعا دەن قويىپ رەسپۋبليكالىق شتاب اشتى. بارلىق دوستىق ۇيلەرىندە گۋمانيتارلىق كومەك قابىلداۋ پۋنكتتەرى اشىلدى. «جۇرەكتەن جۇرەككە» ارنايى اكسياسى باستالدى. اتالعان اكسيا اياسىندا بۇگىنگى تاڭدا 110 ملن تەڭگەدەن استام قاراجات جينالدى. ءار وڭىردە گۋمانيتارلىق كومەك جۇكتەرى سۋ باسقان وبلىستارعا جىبەرىلەدى. مەن ءوزىم قاراعاندى وبلىسىنا باردىم، وندا ءبىز سول جەردە گۋمانيتارلىق كومەكتى بولۋمەن اينالىستىق. ودان باسقا دا وڭىرلەردە بولىپ، بارىنشا جان-جاقتى كومەك قولىن سوزدىق. قازاقستاندىقتار وسىنداي ساتتەردە ءوز بىرلىگىنىڭ كۇشىن كورسەءتتى. كەز كەلگەن قيىنشىلىقتى ەڭسەرۋگە مۇمكىندىك بەرەتىن ارەكەت - بىرلىك. بىرلىك بار جەردە تىرلىك بار. «اسسامبلەيا جاستارى» ەلىمىزدىڭ باتىس وڭىرلەرىنىڭ زارداپ شەككەن تۇرعىندارىنا دا كومەك كورسەتۋدە اسا بەلسەندى بولدى. ءبىزدىڭ جاستار ەۆاكۋاسيالاۋ پۋنكتتەرىندە كۇن-تۇن دەمەي جۇمىستار جاسادى. اقتوبە وبلىسىنىڭ قحا ەرىكتىلەرى العاشقىلاردىڭ ءبىرى بولىپ قىزمەتكە كىرىستى. وسىنداي جۇمىس اتىراۋ، باتىس قازاقستان، قوستاناي جانە باسقا دا وبلىستاردا اۋقىمدى جاعدايدا جۇرگىزىلدى. «اسسامبلەيا جاستارى» ۇيىمىنىڭ ەرەكتىلەرىن، وڭىرلىك وكىلدىكتەرى باسشىلارىنىڭ ەڭبەگىن جاي عانا باعالاۋ قيىن. ولاردىڭ تولارساقتان ساز كەشىپ، كۇن-تۇن دەمەي تابيعات اپاتى بولعان اۋماقتا ءجۇرۋى، حالىققا بارىنشا كومەك قولىن سوزعان ەڭبەكتەرىن ەشتەمەمەن ولشەي المايمىن. جالپى مەن ءبىزدىڭ كومانداعا ريزامىن.
قحا-نىڭ رەسپۋبليكالىق جاستار سەسسياسى جىل سايىن وتكىزىلەدى. وسىعان قاتىستى جاڭاشىل يدەيالار بار ما؟
جاستار سەسسياسىنىڭ فورماتىن مەملەكەت باسشىسى ۇسىندى. العاش رەت جاستار ماسەلەلەرىنە ارنالعان الاڭ قازاقستان حالقى اسسامبلەياسىنىڭ XXXI سەسسياسى اياسىندا ءوتتى. ءداستۇر بويىنشا جاستار سەسسياسىندا جاستار قوعامداستىعىن دامىتۋدىڭ وزەكتى ماسەلەلەرى تالقىلانادى. ءبىز قازاقستاندىق جاستارعا نە قاجەت ەكەنىن انىقتاۋعا تىرىسامىز. ارينە تالقىلاۋدىڭ ماڭىزدىسى جاس قازاقستاندىقتاردى پاتريوتيزم جانە ادامگەرشىلىك باعىتىندا تاربيەلەۋ ماسەلەلەرى بولىپ قالا بەرەدى. بۇل باعىتتاعى ءىس-شارالاردىڭ جاستارعا قىزىقتى ءارى قولجەتىمدى بولۋى ماڭىزدى، سوندىقتان سەسسيا الاڭىندا بءىز جاستار قاۋىمداستىعىمەن جۇمىس ىستەۋدىڭ جاڭا تاسىلدەرىن تالقىلايمىز. بيىل جاستار ترەگى وتەدى جانە جاستار باستامالارىن دامىتۋدىڭ ءوز تۇجىرىمدامالارىن ۇسىناتىن مىقتى سپيكەرلەر تارتىلماق. ءداستۇر بويىنشا قحا سەسسياسى ەتنوسارالىق قاتىناستار جۇيەسىندەگى ماڭىزدى وقيعا بولىپ تابىلادى. بۇل الاڭدا مەملەكەتتىك دامۋدىڭ ماڭىزدى ماسەلەلەرى كوتەرىلەدى. سوندىقتان ءبىز پانەلدىك سەسسيالاردا جانە ساراپتامالىق پىكىرتالاستاردا تالقىلاناتىن باستامالاردى ءارقاشان ەرەكشە كۇتەمىز.
ءسىز باسقارىپ وتىرعان ۇيىمعا كىمدەر مۇشە بولا الادى؟
«جاستاردىڭ العان ءبىلىمىن ىستە جۇزەگە اسىرۋعا مۇمكىندىك كوپ. «اسسامبلەيا جاستارىنا» كەز كەلگەن جاس تىركەلە الادى. وڭىرلەردەگى دوستىق ۇيلەرىنە بارىپ، ۇيىمنىڭ قۇرامىنا كىرە الادى. ءقازىر ءبىز وبلىستارمەن بەلسەندى جۇمىس ىستەپ جاتىرمىز. ءقازىر ءبىزدىڭ قاتارىمىزعا قوسىلىپ جاتقان جاستار سانى وتە كوپ. وڭىرلەرگە ساپارلاردى ءجيى ۇيىمداستىرىپ، قوعامدىق جۇمىستاردىڭ ماڭىزدىلىعى مەن تيىمدىلىگىن ناسيحاتتايمىز. سەبەبى بوس ۋاقىتىندا جاستار قوعامدىق ومىرگە بەلسەندى ارالاسسا، ولاردىڭ دۇرىس جولدا قوزعالۋى زاڭدى بولادى. قازىرگى جاستارعا وزدەرىنىڭ ماسەلەلەرىن وزدەرى كوتەرىپ، ونى شەشۋگە مۇمكىندىك بەرۋ كەرەك. ولارعا قوعامدىق-ساياسي مىنبەرلەردەن ءسوز بەرۋ كەرەك. ولارعا ستاتيستيكا ەمەس، قوعامنىڭ ءبىر بەلدى مۇشەسى رەتىندە قاراپ، ولاردىڭ پىكىرىن ەسكەرىپ، تۇلعا رەتىندە قاراۋ كەرەك. جاستارعا وسى قاجەت. وڭىرلىك دەڭگەيدە جاستارعا ساپالى، جوعارى ساپالى بىلىمگە قولجەتىمدىلىك قاجەت. بۇل پروبلەما ءقازىر شەشىلىپ جاتىر. شەتەلدىك ۋنيۆەرسيتەتتەردىڭ فيليالدارى اشىلىپ جاتىر. مىسالى، ءبىز جاقىندا سقو-دا بولدىق. وندا اريزونا ۋنيۆەرسيەتىنىڭ فيليالى جۇمىس ىستەپ جاتىر. ەگەر بۇرىن مۇنداي باستاما مۇمكىن ەمەس سياقتى بولسا، ءقازىر بۇل قولجەتىمدى. بۇل وڭىرلىك ۋنيۆەرسيتەت اياسىندا اشىلعان فيليال. وسى سياقيتى وزگە ۋنيۆەرسيتەتەردە اشىلادى دەپ ويلايمىن. مۇندا جاستار ەڭ ساپالى بىلىمگە يە بولا الادى.
سۇحباتىڭىزعا راحمەت!
