ق ر پرەمەر-مينيسترىنىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ دۇنيەجۇزىلىك بانك توبىنىڭ باسقارۋشى ءارى قارجى ديرەكتورى انشۋلا كانتپەن كەزدەستى، دەپ حابارلايدى ۇكىمەتتىڭ باسپا ءسوز قىزمەتى.
تاراپتار قازاقستاننىڭ ەكونوميكالىق دامۋى جانە ينۆەستيسيالار تارتۋ جونىندەگى ستراتەگيالىق جوسپارىن تالقىلادى، ءوزارا ىنتىماقتاستىق تۋرالى پىكىر الماستى، بۇعان قوسا كولىك، ەنەرگەتيكا، سيفرلىق دامۋ سالاسىنداعى بىرلەسكەن جوبالار مەن الەۋمەتتىك جوبالاردى ىسكە اسىرۋ ماسەلەلەرىن پىسىقتادى.
نۇرلان بايبازاروۆ دۇنيەجۇزىلىك بانكپەن ءوزارا ءتيىمدى ىنتىماقتاستىقتىڭ وڭ ديناميكاسىن اتاپ ءوتىپ، قازاقستاندا نەعۇرلىم ينكليۋزيۆتى ءارى ورنىقتى دامۋعا قول جەتكىزۋ ءۇشىن جۇرگىزىلىپ جاتقان رەفورمالاردى قولداۋعا باعىتتالعان بانكتىڭ ەلىمىزبەن سەرىكتەسىگى ودان ءارى جالعاساتىنىنا سەنىم ءبىلدىردى.
ءوز تاراپىنان انشۋلا كانت قازاقستانعا، سونداي-اق ەكولوگيالىق كۇن تارتىبىنە سايكەس كەلەتىن جانە بۇكىل ءوڭىردىڭ تۇراقتى دامۋىنا باعىتتالعان مەملەكەتارالىق جوبالارعا قولدانىلۋى مۇمكىن جاڭا قارجى قۇرالدارى مەن كەپىلدىكتەردى ۇسىندى.
ول سونداي-اق دۇنيەجۇزىلىك بانكتىڭ قازاقستانعا قاتىسۋى نەگىزگى ستراتەگيالىق باسىمدىقتاردى ايقىندايتىن 2026-2030 جىلدارعا ارنالعان سەرىكتەستىك ستراتەگياسى اياسىندا كەڭەيەتىنىن اتاپ ءوتتى.