فوتو: tengrinews
جوعارى سوت ق ر پارلامەنتى ءماجىلىسىنىڭ دەپۋتاتى داۋلەت تۇرلىحانوۆتىڭ ۇلى نۇراسىل بولاتتىڭ جازاسى وزگەرتىلدى. بۇل تۋرالى زاڭگەرلەر اننا مەن ولەگ چەرنوۆتار جەلىدە جازدى، دەپ حابارلايدى Ulys.
«جوعارى سوت ءماجىلىس دەپۋتاتى داۋلەت تۇرلىحانوۆتىڭ ۇلى بولات نۇراسىلعا ۇكىمىن وزگەرتىپ، ەكى جىلعا باس بوستاندىعىنان ايىرۋ تۋرالى شەشىم شىعارعان جوعارعى سوتقا العىس ايتامىز. دەمەك، ول شەتەلگە شىعا المايدى، كلۋبتار مەن بارلارعا بارا المايدى، ىشىمدىك ىشە المايدى جانە باسقا دا قىلمىستاردى جاساي المايدى، پروباسيا قىزمەتىنە حابارلاپ، كۇن سايىن ساعات 23:00–دە ۇيدە بولۋى كەرەك»، — دەپ جازدى ولەگ چەرنوۆ.
ونىڭ ايتۋىنشا داۋلەت تۇرلىحانوۆتىڭ ۇلى بۇل تالاپتاردى بۇزسا، سوت شارتتى جازانى ناقتى مەرزىمگە اۋىستىرىپ، ونى كولونيادا وتەيتىن بولادى.
ولەگ چەرنوۆ بۇل ۇكىممەن كەلىسەتىندىگىن جەتكىزدى.
ايتا كەتسەك، 2023 جىلدىڭ 9 قازانىندا زاڭگەر اننا دميترييەۆيچ پەن ونىڭ كۇيەۋى ولەگ چەرنوۆتى سوققىعا جىققان داۋلەت تۇرلىحانوۆتىڭ ۇلى نۇراسىل بولات سوتقا تارتىلعان. ول كەزدە نۇراسىل بولات 1 جىل 6 ايعا شارتتى تۇردە سوتتالعان.
