ۆاليۋتا باعامى
  • USD -

    520.9
  • EUR -

    611
  • RUB -

    6.61
بيىل 26،5 ملن توننا استىق باستىرىلدى
23 قازان 2024
بيىل 26،5 ملن توننا استىق باستىرىلدى

پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ەگىن وراعىنىڭ قورىتىندىسى قارالدى. اۋىل شارۋاشىلىعى، ساۋدا جانە ينتەگراسيا، كولىك مينيسترلەرى، سونداي-اق ءبىرقاتار وبلىس اكىمدەرى ديقانداردى ساپالى تۇقىممەن جانە مينەرالدى تىڭايتقىشتارمەن قامتاماسىز ەتۋ، سونىمەن قاتار اۋىل شارۋاشىلىعى ونىمدەرىن وتكىزۋ، ونىڭ ىشىندە ەكسپورتتىق نارىقتاردى كەڭەيتۋ تۋرالى باياندادى. بۇل تۋرالى ۇكىمەتتىڭ باسپا ءسوز قىزمەتى حابارلادى.

اۋىل شارۋاشىلىعى مينيسترلىگى كەلتىرگەن دەرەكتەرگە سايكەس، بيىل اۋىل شارۋاشىلىعى داقىلدارىنىڭ جالپى ەگىس القابى 23،3 ملن گەكتاردى قۇرادى، ونىڭ 16،7 ملن گەكتارىنا ءداندى داقىلدار ەگىلدى. دالا جۇمىستارى 99،7%-عا اياقتالدى. 26،5 ملن توننا استىق باستىرىلدى.

پرەمەر-مينيستر بيىل كوكتەمگى ەگىس جانە كۇزگى جيىن-تەرىم جۇمىستارىن ۋاقتىلى جانە ساپالى جۇرگىزۋ ءۇشىن قاجەتتى شارالاردىڭ بارلىعى قابىلدانعانىن اتاپ ءوتتى. ماسەلەن، سالانى جەڭىلدىكتى قارجىلاندىرۋ كولەمى العاش رەت رەكوردتىق 580 ملرد تەڭگەگە دەيىن جەتكىزىلدى. بۇل قاراجات ەگىنشىلەردى تىكەلەي نەسيەلەندىرۋگە، پايىزدىق مولشەرلەمەنى ارزانداتۋعا جانە فورۆاردتىق ساتىپ الۋعا باعىتتالدى. 2025 جىلى قارجىلاندىرۋ كولەمىن 700 ملرد تەڭگەگە دەيىن جەتكىزۋ جوسپارلانىپ وتىر. اۋىل شارۋاشىلىعى تەحنيكاسىن ليزينگپەن ساتىپ الۋعا 120 ملرد تەڭگە تارتىلدى. سونداي-اق، ديقاندار تۇقىممەن، تىڭايتقىشتارمەن قامتاماسىز ەتىلدى.

اتالعان شارالار اۋىل شارۋاشىلىعى داقىلدارىنىڭ بارلىق ءتۇرى بويىنشا جوعارى ناتيجەلەرگە قول جەتكىزۋگە مۇمكىندىك بەردى. اتاپ ايتقاندا، بيىل قانت قىزىلشاسى بويىنشا رەكوردتىق ءونىم جينايمىز دەپ وتىرمىز. جامبىل وبلىسىندا ول گەكتارىنان 700 سەنتنەردەن اسىپ ءتۇستى.

«مەملەكەت باسشىسىنىڭ تاپسىرماسى بويىنشا بيىل كوكتەمگى ەگىس جانە كۇزگى جيىن-تەرىم جۇمىستارىن ۋاقتىلى جانە ساپالى جۇرگىزۋ ءۇشىن قاجەتتى شارالاردىڭ بارلىعى قابىلداندى. ەندىگى باستى مىندەت – جينالعان ءونىمدى ساقتاۋ مەن وتكىزۋ. اۋىل شارۋاشىلىعى مينيسترلىگىنە وبلىس اكىمدىكتەرىمەن بىرلەسىپ، جينالعان استىقتى شاشپاي-توكپەي دەر كەزىندە تاسىمالداۋدى، ونى كەپتىرىپ، ەليەۆاتورلارعا جەتكىزۋ قامتاماسىز ەتۋى قاجەت. بارلىق استىق قابىلداۋ كاسىپورىندارى ۇزدىكسىز جۇمىس رەجيمىنە كوشۋى كەرەك. ءداندى-داقىلداردى ساقتاۋ ماسەلەسىن ەرەكشە نازارعا الۋ قاجەت. سونداي-اق فيتوسانيتاريالىق قىزمەت استىق ساپاسىنا قاتاڭ باقىلاۋ جاساۋى ءتيىس. سونىمەن قاتار بولاشاق ەگىنگە ارنالعان تۇقىم قورىن 100% قامتاماسىز ەتۋ قاجەت»، — دەپ اتاپ ءوتتى پرەمەر-مينيستر.

RELATED NEWS
ازىق-تۇلىك دۇكەندەرى قوسىلعان قۇن سالعىنان بوساتىلماق
09 ءساۋىر 2025
ازىق-تۇلىك دۇكەندەرى قوسىلعان قۇن سالعىنان بوساتىلماق

پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين قانداي قىزمەتتەر مەن تاۋارلار قوسىلعان قۇن سالىعىنان بوساتىلاتىنىن ءتۇسىندىردى، دەپ حابارلايدى Ulys.

ونىڭ ايتۋىنشا، الەۋمەتتىك ماڭىزى بار ازىق-تۇلىك، كىتاپ باسىپ شىعارۋ، ارحەولوگيا قوسىلعان قۇن سالىعىن تولەۋدەن بوساتىلادى.

«الەۋمەتتىك سالادا، دەنساۋلىق ساقتاۋ سالاسىندا ۇكىمەت قوسىلعان قۇن سالىعىنان بوساتىلعان دارى-دارمەكتىڭ الەۋمەتتىك ءتىزىمىن ايقىندايدى. قوسىلعان قۇن سالىعى تەك اقىلى مەديسينالىق قىزمەتتەرگە سالىنادى. قوسىلعان قۇن سالىعىنىڭ مولشەرلەمەسى 10% بولادى. الەۋمەتتىك سالاداعى كورپوراتيۆتىك تابىس سالىعى 2026 جىلدان باستاپ 5% جانە 2027 جىلدان باستاپ 10% بولادى. ال بانك وپەراسيالارىنا قوسىلعان قۇن سالىعى سالىنادى. ولاردىڭ قىمباتتاۋىنا جول بەرمەۋ ءۇشىن باسەكەلەستىكتى قورعاۋ اگەنتتىگى ۇكىمەتپەن بىرلەسىپ قازىرگى باعالاردىڭ دۇرىستىعىنا تالداۋ جۇرگىزەدى»، - دەدى جۇمانعارين ءماجىلىستىڭ جالپى وتىرىسىندا.

سونىمەن قاتار، ارناۋلى سالىق رەجيمى بويىنشا رۇقسات ەتىلگەن ءتىزىم ەمەس، تىيىم سالىنعان ءتىزىم ەنگىزىلەدى. تىيىم سالىنباعاننىڭ بارىنە رۇقسات ەتىلەدى.

جۇمانعارين اۋىل شارۋاشىلىعى تاۋارىن وندىرۋشىلەر ءۇشىن ءبارى وزگەرىسسىز قالاتىنىن اتاپ ءوتتى. ياعني، 70% جەڭىلدىك قالادى. ال وڭدەۋ ونەركاسىبىنە كورپوراتيۆتىك تابىس سالىعىنىڭ 20% مولشەرلەمەسى بويىنشا سالىق سالىنادى.

ققس كوتەرۋ: ۇكىمەت ماجىلىسكە 20 اقپانعا دەيىن ۇسىنىس ەنگىزەدى
06 اقپان 2025
ققس كوتەرۋ: ۇكىمەت ماجىلىسكە 20 اقپانعا دەيىن ۇسىنىس ەنگىزەدى

بۇگىن سەنات قابىرعاسىندا ۆيسە-پرەمەر، ۇلتتىق ەكونوميكا ءمينيسترى سەرىك جۇمانعارين قوسىمشا قۇن سالىعىن كوبەيتۋ تۋرالى ۇسىنىستى ماجىلىسكە 20 اقپانعا دەيىن ەنگىزەتىنىن ايتتى، دەپ حابارلايدى Ulys

جوبانى 20 اقپانعا دەيىن ماجىلىسكە ەنگىزۋىمىز كەرەك. ءقازىر ماجىلىستە سالىق كودەكسىنە تولىقتىرۋلار ەنگىزۋ تۋرالى زاڭ جوباسى جاتىر. سوعان قوسىمشا رەتىندە ءبىزدىڭ تۇزەتۋلەر ەنەدى، - دەپ ءمالىم ەتتى ول.

قازاقستاندا 2،3 مىڭنان استام عىلىمي جوبا قارجىلاندىرىلادى 
11 ناۋرىز 2025
قازاقستاندا 2،3 مىڭنان استام عىلىمي جوبا قارجىلاندىرىلادى 

ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك رەسپۋبليكانىڭ عىلىمي الەۋەتى تۋرالى باياندادى. بۇل تۋرالى ۇكىمەتتىڭ باسپا ءسوز قىزمەتى حابارلادى.

ول بۇگىنگى تاڭدا ەلىمىزدىڭ عىلىمي الەۋەتى – 25،5 مىڭ عالىمدى قۇرايتىنىن، ونىڭ 46%-ى 40 جاسقا دەيىنگى ماماندار ەكەنىن اتاپ ءوتتى. عىلىم سالاسىندا 425 ۇيىم جۇمىس ىستەيدى.

«ەندى گرانتتىق كونكۋرستار جىل سايىن وتكىزىلەدى، بۇرىن 3 جىلدا ءبىر وكىزىلەتىن. سونىمەن قاتار مەملەكەتتىك قولداۋ تەتىكتەرى كەڭەيتىلدى: پوستدوكتورانتتار مەن جاس عالىمدارعا گرانتتار، ازىرلەمەلەردى كوممەرسيالاندىرۋدى قارجىلاندىرۋ، ىرگەلى ينستيتۋتتاردى تىكەلەي قارجىلاندىرۋ، شەتەلدىك تاعىلىمدامالار جانە مەگا-گرانتتار ەنگىزىلدى. قازىرگى ۋاقىتتا 264 عىلىمي-تەحنيكالىق باعدارلاما، 2،3 مىڭنان اسا عىلىمي جوبا جانە 208 كوممەرسيالاندىرۋ جوباسى قارجىلاندىرىلۋدا. 1،4 مىڭنان استام عالىم شەتەلدە عىلىمي تاعىلىمدامادان ءوتتى»،

 — دەدى ساياسات نۇربەك.

مينيستر جاس عالىمدارعا ارنالعان گرانتتار كونكۋرستارىنىڭ ارقاسىندا 2 مىڭنان استام زەرتتەۋشى 835 جوبانى جۇزەگە اسىرۋعا مۇمكىندىك العانىن ايتتى. 

 

 

 

 

مينيستر دوباۆيل، چتو بلاگوداريا كونكۋرسام گرانتوۆ دليا مولودىح ۋچەنىح بولەە 2 تىس. يسسلەدوۆاتەلەي پولۋچيلي ۆوزموجنوست رەاليزوۆات 835 پروەكتوۆ.  

 

📱 @KZgovernment

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.