سوتتىڭ حابارلاۋىنشا، قۋاندىق بيشىمبايەۆ پەن باقىتجان بايجانوۆتىڭ ءىسى جوعارعى سوتقا جىبەرىلگەن. ال 5 تامىزدا ءىس سۋدياعا بەرىلگەن.
ەستەرىڭىزگە سالا كەتەيىك، 13 مامىردا استانادا سالتانات نۇكەنوۆانىڭ ولىمىنە قاتىستى سوت پروسەسى اياقتالدى. سوت بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتى ايەلىن ازاپتاپ، ولتىرگەنى ءۇشىن كىنالى دەپ تاپتى. قۋاندىق بيشىمبايەۆ ءالى سوت شەشىمىنە كەلىسپەي وتىر.
بىلتىر جازدا پاۆلودار وبلىسى شارباقتى اۋدانىنداعى اۋىلداردىڭ بىرىندە تۋىسقان اعاسى زورلاپ، ارتىنان جۇكتى بولعان قىز بوسانعان ەدى. بۇگىن پاۆلودار وبلىسىندا وسى ىسكە قاتىستى سوت ءوتتى، دەپ حابارلايدى Ulys.
كۇدىكتى بولعان 17 جاستاعى بالا كامەلەت جاسىنا تولماعاندىقتان، سوت ونى 10 جىلعا باس بوستاندىعىنان ايىردى. سوتتىڭ بۇگىنگى شەشىمى ازىرگە زاڭدى كۇشىنە ەنگەن جوق.
جازدا وقۋشى قىزدىڭ بوسانعانى بەلگىلى بولعان سوڭ پاۆلوداو وبلىسىنداعى بالا قۇقىقتارى جونىندەگى ۋاكىل ساۋلە شاكەنوۆا 12 جاسار قىزدىڭ اۋىلىنا بارعان. قىز بالا وتباسىمەن پاۆلودار وبلىسى شارباقتى اۋدانى گالكينو اۋىلىندا ءومىر ءسۇرىپ جاتىر. اتاجۇرتقا كوشىپ كەلگەن قانداستاردى قازاقستانعا ەرتە كوشىپ كەلگەن تۋىستارى وسى اۋىلعا قونىستاندىرعان كورىنەدى.
اقمولا وبلىسىنىڭ ششۋچينسك قالاسىندا اسىراپ الىنعان بالانىڭ ولىمىنە بايلانىستى سوت ۇكىمى شىقتى، دەپ حابارلايدى Ulys.
HALYQSTAN حابارلاۋىنشا، بەس جىلعا جۋىق ۋاقىت بويى جان تۇرشىگەرلىك قىلمىستىڭ ىزدەرى جاسىرۋلى بولىپ كەلگەن. بۇل اتىشۋلى ءىس بويىنشا بالا اسىراپ العان اناسى مەن اجەسى سوت الدىندا جاۋاپ بەردى.
بەس جاسار بالانىڭ دەنەسى ءۇيدىڭ باقشاسىنا جەرلەنگەن، ال بۇل سۇمدىق وقيعا تەك وتكەن كوكتەمدە عانا انىقتالدى. قىلمىستىڭ بەتى كۇتپەگەن قاتەلىكتىڭ ارقاسىندا اشىلعان.
اسىراپ العان اناسى باسقا بالاسىن دەنەسى كوگەرىپ جۇرگەندىكتەن اۋرۋحاناعا الىپ كەلگەن، الايدا قۇجاتتاردى شاتاستىرىپ العان. كەيىنىرەك ونىڭ ءتورت جىل بويى قايتىس بولعان بالاعا تيەسىلى تۋۋ تۋرالى كۋالىكتى قولدانىپ جۇرگەنى انىقتالدى.
باستى كۇدىكتى 65 جاستاعى اجەسى بىردەن قاماۋعا الىنسا، 29 جاستاعى اسىراپ العان اناسى دا ۋاقىتشا ۇستاۋ يزولياتورىنا جىبەرىلدى.
سوت جابىق ەسىك جاعدايىندا ءوتىپ، ۇكىم شىقتى. بالانىڭ اجەسى – 21 جىلعا، وگەي اناسى 4 جىلعا باس بوستاندىعىنان ايىرىلدى.
2024 جىلى قازاقستانداعى «دروپپەرلەردىڭ» 90 پايىزى رەزيدەنت ەمەس ادامدار. بۇل تۋرالى قارجى مونيتورينگ اگەنتتىگىنەن ءمالىم ەتتى، دەپ حابارلايدى Ulys قارجىلىق مونيتورينگ اگەنتتىگىنە سىلتەمە جاساپ.
قىلمىستىق كىرىستەردى زاڭداستىرۋ ءۇشىن بيىل وسىنداي 6،2 مىڭ ادامنىڭ كارتاسى قولدانىلعان ەكەن.
«بۇل كارتالار ارقىلى اينالىمنىڭ جالپى سوماسى 24 ميلليارد تەڭگەگە جەتتى. اقشانى زاڭسىز جىلىستاتقىسى كەلگەندەر ءۇشىنشى تۇلعالارعا تىركەلگەن بايلانىس وپەراتورلارىنىڭ SIM كارتالارىن پايدالانعان. كوبىنەسە «دروپ-كارتالار» ەسىرتكى ساۋداسى، كيبەرالاياقتىق، زاڭسىز قۇمار ويىندار جانە باسقا دا قىلمىستىق ارەكەتتەرگە بايلانىستى سحەمالاردا قولدانىلعان»، - دەپ حابارلايدى قما.
