قارجىلىق مونيتورينگ اگەنتتىگى ازاماتتاردى جەكە بانك كارتالارىن پايدالانۋ ارقىلى قىلمىستىق سحەمالارعا تارتۋ فاكتىلەرى جيىلەپ كەتكەنى تۋرالى ەسكەرتەدى، دەپ حابارلايدى Ulys.
ازاماتتار قارجىلىق وپەراسيالار جاساۋ ءۇشىن بانك كارتالارىن ءۇشىنشى تۇلعالارعا بەرىپ، «دروپ» بولۋ ءقاۋىپىن ەسكەرمەي، قىلمىستىق سحەمالارعا تارتىلۋى مۇمكىن.
اقشا كيبەر قۇقىقبۇزۋشىلىقتاردان نەمەسە ەسىرتكى جانە ادام ساتۋ سياقتى قىلمىستىق سحەمالاردان تارتىلۋى ىقتيمال.
«قما جۇرگىزگەن تالداۋىنا سايكەس، ەسىرتكى ساتۋمەن بايلانىستى سحەمالاردا جالپى اينالىمى 22 ملرد تەڭگە بولاتىن 30 مىڭ بانك كارتاسى پايدالانىلعان. مۇنداي زاڭسىز سحەمالارعا قاتىسۋ تۇلعالاردىڭ مۇلكىن تاركىلەۋ، اكىمشىلىك جانە قىلمىستىق جاۋاپكەرشىلىك سياقتى اۋىر سالدارعا اكەلەدى»، - دەلىنگەن حابارلامادا.
قما سوڭعى زەرتتەۋلەرىنە سايكەس، قارجىلىق قيىندىقتارعا تاپ بولعانداردىڭ، اتاپ ايتقاندا جۇمىسسىزدار، ستۋدەنتتەر جانە الەۋمەتتىك وسال توپ وكىلدەرىنىڭ الاياقتاردىڭ جەڭىل جولمەن وڭاي ولجاعا كەنەلۋ ۋادەلەرىنە سەنىپ، «دروپ» بولىپ قالۋ ءقاۋىپى جوعارى ەكەنى انىقتالدى.
استانا مەن قاراعاندى قالاسىنىڭ ستۋدەنتتەرى جانە تەمىرتاۋلىق 64 جاستاعى زەينەتكەر «دروپ» رەتىندە Telegram-دۇكەنىندە ەسىرتكى ساتۋدان الىنعان اقشانى جىلىستاتۋ سحەماسىنا قاتىسقان. ولاردىڭ شوتتارى ارقىلى 100 ملن تەڭگەدەن استام قارجى وتكەن. بۇل ناركوشوپتىڭ جالپى اينالىمى 2 ملرد تەڭگەدەن اسقان.
تاعى ءبىر جاعدايدا الماتىدا 20 جاستاعى ستۋدەنتتىڭ كارتاسى پايدالانىلىپ، ونىڭ شوتىنا 900-دەن استام ادامنان 22،5 ملن تەڭگە تۇسكەن. اۋدارىمدار 7.5 مىڭنان 15 مىڭ تەڭگەگە دەيىنگى ارالىقتا بولعان، بۇل سومالار ەسىرتكى زاتتارىنىڭ ءبىر رەتتىك دوزالارىنىڭ قۇنىنا سايكەس كەلەدى.
