مەملەكەت باسشىسىنىڭ جارلىعىمەن داستان اداي ۇلى رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى، دەپ حابارلايدى اقوردا.

 ۇلىتاۋ وبلىسىن بەرىك ءابدىعالي ۇلى باسقارعان ەدى. ول بۇگىن پرەزيدەنت جارلىعىمەن قىزمەتىنەن بوساتىلدى. 

داستان رىسپەكوۆ 1984 جىلى 23 ماۋسىمدا جەزقازعان قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن جانە قازمزۋ الماتى زاڭ اكادەمياسىن بىتىرگەن.

ەڭبەك جولىن 2006 جىلى الماتىنىڭ ەكونوميكا جانە بيۋدجەتتى جوسپارلاۋ دەپارتامەنتىنىڭ بولجامداۋ جانە تۇسىمدەر ءبولىمىنىڭ باس مامانى بولىپ باستاعان.

2007-2016 جىلدارى الماتى قالاسىندا ەكونوميكا جانە بيۋدجەتتىك جوسپارلاۋ دەپارتامەنتىندە، الماتى قالاسى بويىنشا تەكسەرۋ كوميسسياسىندا، استانا قالاسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا جۇمىس ىستەدى.

پاۆلودار وبلىسى كاسىپكەرلىك، ساۋدا جانە تۋريزم باسقارماسىنىڭ باسشىسى، «استانا ەكسپو-2017» ۇك» اق ەكونوميكا جانە بيۋدجەتتى جوسپارلاۋ دەپارتامەنتىنىڭ ديرەكتورى قىزمەتىن اتقاردى. سودان كەيىن مسم تۋريزم يندۋسترياسى كوميتەتىن باسقاردى.

ال 2023 جىلعى تامىزدان كۇنى بۇگىنگە دەيىن ۇلىتاۋ وبلىسى اكىمىنىڭ ورىنباسارى بولدى.

مەملەكەت باسشىسى قاسىم-جومارت توقايەۆتىڭ جارلىعىمەن ءبىرقاتار ەلدەگى قازاقستاننىڭ ەلشىسى تاعايىندالدى. بۇل تۋرالى اقوردا حابارلايدى.

اسقار جەڭىس ۇلى جەڭىس قازاقستان رەسپۋبليكاسىنىڭ مىسىر اراب رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى؛

داۋلەت قاسەكەن ۇلى باتىراشيەۆ قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى، ول قازاقستان رەسپۋبليكاسىنىڭ پورتۋگاليا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى؛

جان سەرجان ۇلى عالييەۆ قازاقستان رەسپۋبليكاسىنىڭ پورتۋگاليا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى؛

قازاقستان رەسپۋبليكاسىنىڭ يوردان حاشيميت كورولدىگىندەگى توتەنشە جانە وكىلەتتى ەلشىسى تالعات راحىمقۇل ۇلى شالدانباي قازاقستان رەسپۋبليكاسىنىڭ يراك رەسپۋبليكاسىنداعى، پالەستينا مەملەكەتىندەگى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.

سونىمەن قاتار، مەملەكەت باسشىسىنىڭ جارلىقتارىمەن:

قايرات قايىربەك ۇلى لاما شاريف قازاقستان رەسپۋبليكاسىنىڭ مىسىر اراب رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ تۋنيس رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى؛

اقىلبەك ءابسات ۇلى كامالدينوۆ قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى.

مەملەكەت باسشىسى قاسىم-جومارت توقايەۆ دارحان ساتىبالدىنى تۇركىستان وبلىسىنىڭ اكىمى قىزمەتىنەن بوساتىپ، جاڭا قىزمەتكە تاعايىندادى، دەپ حابارلايدى اقوردا.

«مەملەكەت باسشىسىنىڭ جارلىعىمەن دارحان امانگەلدى ۇلى ساتىبالدى قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەلىنگەن اقوردا حابارلاماسىندا.

دارحان ساتىبالدى 1974 جىلى تۇركىستان وبلىسىندا تۋعان. س.سەيفۋللين اتىنداعى اقمولا اۋىل شارۋاشىلىعى ينستيتۋتىن، قازاق گۋمانيتارلىق زاڭ ۋنيۆەرسيتەتىن بىتىرگەن. 

ەڭبەك جولىن 1996 جىلى تۇركىستان وبلىسىنىڭ كەلەس اۋدانىنىڭ «كەلەس» كوممۋنالدىق كاسىپورنىندا باستاعان.

2000-2006 جىلدارى قارجى مينيسترلىگىندە، پرەزيدەنتتىڭ ءىس باسقارماسىندا ءارتۇرلى لاۋازىمداردا قىزمەت اتقارعان.

2013 جىلى شىمكەنت قالاسىنىڭ اكىمى بولىپ تاعايىندالعان.

2015-2017 جىلدارى وڭتۇستىك قازاقستان وبلىسى اكىمىنىڭ ءبىرىنشى ورىنباسارى لاۋازىمىن اتقارعان. پارلامەنت سەناتىنىڭ دەپۋتاتى بولىپ سايلانعان.

2019 جىلعى ناۋرىزدان باستاپ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى بولعان.

2022 جىلدان بەرى تۇركىستان وبلىسىنىڭ اكىمى بولدى.