سالتاناتتى شاراعا قازاقستاننىڭ ءازىربايجانداعى ەلشىسى راشاد ماممادوۆتىڭ مارتەبەلى مەميماندارى قاتارىندا ق ر سيفرلىق دامۋ، قورعانىس جانە اەروعارىش ونەركاسىبى ءمينيسترى اسقار جۇماعالييەۆ، تۇركيانىڭ قازاقستانداعى ەلشىسى نيەۆزات ۋيانىك، قىرعىزستاننىڭ قازاقستانداعى ەلشىسى جيەنبەك قۇلىبايەۆ پەن وزگە دە ەلدەردىڭ ديپلوماتيالىق ميسسيا وكىلدەرى مەن زيالى قاۋىم جانە ب ا ق وكىلدەرى بولدى. اسقار جۇماعالييەۆ ءوز سوزىندە ءازىربايجاننىڭ ەكونوميكاسىن دامىتۋ ارقىلى حالقىنىڭ ءال-اۋقاتىن ارتتىرۋ جولىندا جوعارى جەتىستىكتەرگە جەتكەنىنە توقتالدى. سوسىن «ءازىربايجاندى ستراتەگيالىق ارىپتەسىمىز سانايمىز. ەلدەرىمىزدىڭ اراسىنداعى وڭ بايلانىس بارلىق سالاداعى ىنتىماقتاستىقتىڭ ارتۋىنا جول اشتى»، - دەدى. سونىمەن قاتار، ول باۋىرلاس ەلدەر اراسىنداعى مۇنداي جاقسى بايلانىستىڭ باستاۋىندا قازاقستاننىڭ تۇڭعىش پرەزيدەنتى ن.نازاربايەۆ پەن ءازىربايجاننىڭ پرەزيدەنتى ي.الييەۆ تۇرعانىنا توقتالدى.
قازاقستاننىڭ ءازىربايجانداعى ەلشىسى راشاد ماممادوۆ بولسا، تاۋەلسىزدىك تاڭى اتقاننان باستاپ ۇلت ليدەرى گەيدار الييەۆتىڭ جاساعان سىندارلى ساياساتىنىڭ ۇلتتىق سانانىڭ قالىپتاسۋىنا ىقپال ەتكەنىن اتاپ ءوتىپ. ءازىربايجان جەرىنىڭ 20 پايىزىن ارمەنيا باسىپ العانىنا توقتالعان ول ادىلدىك ورناپ، توپىراقتىڭ قايتارىلۋى حالىقارالىق دەڭگەيدە رەتتەلۋى كەرەكتىگىنە توقتالدى. سونىمەن قاتار، ءازىربايجاننىڭ ەۋروپانىڭ ەنەرگەتيكالىق قاۋىپسىزدىگى ماسەلەسىندە ايرىقشا رولگە يە ەكەنىنە توقتالا كەلە سوڭعى 15 جىلدا مەملەكەتتىڭ ەكونوميكاسىنىڭ 15 ەسە ءوسىپ، ەكونوميكاعا قۇيىلعان ينۆەستيسيا مولشەرىنىڭ 260 ميلليارد دوللارعا جەتكەنىنە توقتالدى.