بۇگىن ۇكىمەت ۇيىندە ق ر پرەمەر-مينيسترى اسقار ءماميننىڭ قاتىسۋىمەن «قازاۆتوجول» ۇك» اق مەن Far Eastern Electronic Toll Collection Co.، LTD كومپانياسى جانە قازاقستاندىق «Computer Vision Technologies» ج ش س كونسورسيۋمى اراسىندا ينۆەستيسيالىق شارتقا قول قويىلدى.
پرەمەر-مينيستردىڭ باسپا ءسوز قىزمەتىنىڭ حابارلاۋىناش، كەلىسىم «نۇرلى جول» مەملەكەتتىك ينفراقۇرىلىمدى دامىتۋ باعدارلاماسىنا سايكەس اۆتوجول سالاسىنداعى ينتەللەكتۋالدى جۇيەلەردى دامىتۋدى جانە رەسپۋبليكالىق ماڭىزى بار اقىلى اۆتوموبيل جولدارىنىڭ ۇزىندىعىن ۇلعايتۋدى كوزدەيدى.
شارتقا سايكەس، كونسورسيۋم رەسپۋبليكالىق ماڭىزداعى ق ر 11 مىڭ شاقىرىم اۆتوكولىك جولدارىنا تولەماقى الۋ جۇيەسىن ەنگىزۋدى جۇزەگە اسىرادى. جوبانى ىسكە اسىرۋ 2 كەزەڭنەن تۇرادى: 2020 جىلى — 5،7 مىڭ شاقىرىم («باتىس ەۋروپا – باتىس جۇڭگو» ءدالىزى جانە ت. ب.)، 2021-2024 جىلدارى — 5،3 مىڭ شاقىرىم («قاراعاندى – بالقاش – الماتى»، «تالدىقورعان – قالباتاۋ – وسكەمەن» جانە ت. ب.).
كونسورسيۋم ينۆەستيسيالارىنىڭ كولەمى 25 ملرد تەڭگەدەن اسادى، قايتارۋ مەرزىمى – 11 جىل. جوبانىڭ ىسكە اسىرىلۋ جانە اقتالۋ ناتيجەلەرى بويىنشا تولەماقى الۋ جۇيەسى ينفراقۇرىلىمىمەن بىرگە مەملەكەت مەنشىگىنە – «قازاۆتوجول» ۇك» اق-عا وتەدى.
جوبا 500-دەن اسا جاڭا جۇمىس ورنىن قۇرۋعا، وتاندىق كومپانيالاردىڭ ينتەللەكتۋالدى كولىك جۇيەسى سالاسىنداعى قۇزىرەتتەرىن ارتتىرۋعا، اۆتوموبيل جولدارىنىڭ ساپالىق قامتىلۋى مەن ساقتالۋىن قارجىلاندىرۋدى قامتاماسىز ەتۋگە، سونداي-اق كولىك قۇرالدارىنىڭ جىلدامدىق رەجيمىن باقىلاۋ جۇيەسىمەن تولىق قامتۋ ارقىلى ولاردىڭ اپاتتىلىعىن تومەندەتۋگە مۇمكىندىك بەرەدى.
1 تەحنيكالىق ساناتتاعى جولدارمەن ءجۇرۋ اقىسىنىڭ مولشەرلەمەسى قر-دا پايدالانىلاتىن باسقا دا اقىلى جولدارداعى ءتارىزدى بولادى. 2 جانە 3 تەحنيكالىق ساناتتاعى جولداردا جەڭىل اۆتوكولىكتەر ءۇشىن جول ءجۇرۋ تەگىن.
تولەماقى الۋ جۇيەسى شلاگباۋمسىز – اشىق بولادى. باعدارلامالىق قامتۋ جالپى ۇزىندىعى 682 شاقىرىم بولاتىن «نۇر-سۇلتان – ششۋچينسك»، «نۇر-سۇلتان – تەمىرتاۋ»، «الماتى – قاپشاعاي» جانە «الماتى – قورعاس» ۋچاسكەلەرىندە جۇمىس ىستەپ تۇرعان «قازاۆتوجول» ۇك» اق تولەماقى الۋ جۇيەسىمەن» كىرىكتىرىلەدى.
سۋرەت primeminister.kz سايتىنان الىندى.
