بۇگىن «اۋىل» پارتياسى استانا قالاسى بويىنشا وڭىرلىك فيليالىنىڭ ەسەپتىك كونفەرەنسياسى ءوتتى، دەپ حابارلايدى Ulys.       

شاراعا «اۋىل» پارتياسىنىڭ ءتوراعاسى، ق ر پارلامەنتى ءماجىلىسىنىڭ دەپۋتاتى سەرىك ەگىزبايەۆ، «اۋىل» پارتياسى فراكسياسىنىڭ دەپۋتاتتارى، ورتالىق اپپارات قىزمەتكەرلەرى، استانا فيليالىنىڭ اكتيۆى قاتىستى.

جيىندا ءسوز العان سەرىك ەگىزبايەۆ ساياسي كەڭەس پرەزيديۋمىنىڭ قاۋلىسىنا سايكەس، پارتيانىڭ XXIV سەزىن اعىمداعى جىلى 21 ماۋسىمدا وتكىزۋ تۋرالى شەشىم قابىلدانعانى ايتا كەلە،

«پارتيا سەزىن شاقىرۋ جونىندەگى شەشىم، ەڭ الدىمەن، ەلىمىزدە جۇرگىزىلىپ جاتقان رەفورمالارعا بايلانىستى قابىلداندى. بىزگە پارلامەنتتىك پارتيا رەتىندە ترانسفورماسيادان ءوتۋ كەرەك. سەزد وتكىزۋدەگى ماقسات تەك جارعىعا وزگەرىس ەنگىزۋ ەمەس، پارتيانىڭ ساياسي بەدەلىن ودان ءارى دامىتۋعا جانە نىعايتۋعا باعىتتالعان جاڭا ساياسي باعدارلامانى قابىلداۋ. پارتيانى جاڭعىرتۋ بارلىق پارتيا ورگاندارىنىڭ قىزمەتىن جەتىلدىرۋدى، پارتيا ۇيىمدارى باسشىلارىنىڭ، ءاربىر مۇشەسىنىڭ جوعارى جاۋاپكەرشىلىگى مەن مىندەتتەرىن ناقتى ورىنداۋىن تالاپ ەتەدى»،- دەدى.

كونفەرەنسيا بارىسىندا فيليال اتقارعان جۇمىسىنىڭ جىلدىق قورىتىندىسى شىعارىلىپ، «اۋىل» پارتياسىنىڭ XXIV سەزىنە دەلەگاتتار سايلاندى.

جيىن سوڭىندا سۋ تاسقىنى زاردابىن جويۋعا بەلسەنە قاتىسقان پارتيا مۇشەلەرى گراموتامەن ماراپاتتالدى.

ەلىمىزدەگى كونستيتۋسيالىق رەفورمالاردان كەيىن ساياسي الاڭدا پارتيالار بەلسەندىلىگىنىڭ ارتقانىن بايقاۋعا بولادى. اسىرەسە، «اۋىل» پارتياسىنىڭ باسشىلىعىنداعى اۋىز-تۇيىستەردەن سوڭ پارتيا قىزمەتىندە وڭ وزگەرىستەر ورىن الۋدا. بۇل تۋرالى پىكىردى ساياساتتانۋشى ەرجان يبرايەۆ ءبىلدىردى، دەپ حابارلايدى Ulys.

«پارتيا اتىنا ساي بولۋى ءۇشىن وڭىرلەردەگى جۇمىسقا كوبىرەك كوڭىل ءبولىپ، بۇگىنگى اۋىلداردىڭ شىنايى پروبلەمالارىن كوتەرۋدە. از عانا ۋاقىت ىشىندە ايماقتىق فيليالدارىن قۇرىپ، ولاردىڭ قىزمەتىن جانداندىرۋى پارتيانىڭ وسى باعىتتاعى جاسالىپ جاتقان بەلسەندى جۇمىسىنىڭ ايقىن كورىنىسى دەۋگە بولادى»، - دەيدى ەرجان يبرايەۆ.

ونىڭ ايتۋىنشا پارتيا اۋىلدىق اۋماقتاردى دامىتۋعا، ولاردىڭ ينفراقۇرىلىمىن جاقسارتۋعا جانە جەرگىلىكتى كاسىپكەرلەردى قولداۋعا ەرەكشە كوڭىل بولۋدە.

«ماسەلەن، ءوزىم تۋىپ-وسكەن اقمولا وبلىسىنىڭ ەگىندىكول اۋدانىندا اۋىزسۋ ماسەلەسى ۇزاق جىلداردان بەرى شەشىمىن تاپپاي كەلەدى. تاياۋدا پارتيا باسشىسى سەرىك ەگىزبايەۆ مىرزا ءبىزدىڭ اۋدانعا كەلدى. ول اۋدان اكىمى مەن سۋ تارتۋعا انىقتالعان مەردىگەر، جەرگىلىكتى ازاماتتارمەن كەزدەسە وتىرىپ، اۋىزسۋ ماسەلەسىن جەكە باقىلاۋدا ۇستايتىنىن جەتكىزدى. وسى ءتارىزدى وڭىرلەردەگى جۇمىستار پارتياعا دەگەن سەنىمدى نىعايتىپ، ونىڭ حالىق اراسىندا بەدەلىن ارتتىرۋعا سەپتىگىن تيگىزەتىنى ءسوزسىز»، - دەپ تولىقتىردى ساياساتتانۋشى.

تالعاردا اتىشۋلى وقيعادان كەيىن جاڭا اكىم سايلانادى. ورتالىق سايلاۋ كوميسسياسى سايلاۋ كۇنىن بەلگىلەدى. بۇل تۋرالى Ulys ۆەدومستۆوعا سىلتەمە جاساپ حابارلايدى.

وسك مالىمەتىنشە، الماتى وبلىسى تالعار اۋدانى اۋماقتىق سايلاۋ كوميسسياسىنىڭ شەشىمىمەن تالعار قالاسى اكىمىنىڭ سايلاۋى 2024 جىلعى 15 جەلتوقسانعا تاعايىندالدى.

ءدال وسى كۇنى قالا، اۋىل جانە اۋىلدىق وكرۋگ اكىمدەرىنىڭ سايلاۋى بىرنەشە وڭىردە وتەدى: ۇلىتاۋ وبلىسىندا ۇلىتاۋ اۋدانىنىڭ العاباس، ەگىندى، ميبۇلاق جانە شەڭبەر اۋىلدىق وكرۋگتەرىنىڭ اكىمدەرى سايلانادى.

سول سياقتى قوستاناي وبلىسىندا اۋليەكول اۋدانىنىڭ نوۆونەجين اۋىلدىق وكرۋگىنە، ءجىتىقارا اۋدانىنىڭ پريگورودنوە اۋىلىنا، قوستاناي اۋدانىنىڭ بەلوزەر اۋىلدىق وكرۋگىنە، سارىكول اۋدانىنىڭ سيەۆاستوپول اۋىلدىق وكرۋگىنە جانە ماياك اۋىلىنا اكىمدەر سايلانادى.

ەستەرىڭىزگە سالا كەتەيىك، قازان ايىنىڭ باسىندا تالعاردا 16 جاستاعى شەرزات بولاتتى ءبىر توپ جىگىت ءولتىرىپ كەتتى، ارتىنشا ونىڭ وتباسىنىڭ ءۇيى ورتەندى. وسى وقيعادان كەيىن تالعار قالاسىنىڭ اكىمى باقىت كۇرىشبەكوۆ پەن ونىڭ ورىنباسارى ماتان ساعىندىق ءوز مىندەتتەرىن تيىسىنشە ورىنداماعانى ءۇشىن قىزمەتىنەن بوساتىلدى.