ۆاليۋتا باعامى
  • USD -

    539.7
  • EUR -

    630.5
  • RUB -

    6.71
استانادا جەڭىل كولىك بالانى قاعىپ كەتتى
16 مامىر 2025
استانادا جەڭىل كولىك بالانى قاعىپ كەتتى

استانانىڭ سول جاعالاۋىندا جەڭىل اۆتوكولىك بالانى قاعىپ كەتتى، دەپ حابارلايدى Ulys.

جول اپاتى تۋرالى اقپارات الەۋمەتتىك جەلىدە تارادى. ۇلى دالا مەن ءال-فارابي داڭعىلدارىنىڭ قيىلىسىندا اۆتوكولىك جاياۋ جۇرگىنشىنى قاعىپ كەتكەن.

ازىرگە ەلوردالىق پوليسيا دەپارتامەنتى بۇل فاكتىگە قاتىستى رەسمي تۇسىنىكتەمە بەرگەن جوق. ال قالالىق دەنساۋلىق ساقتاۋ باسقارماسى جول اپاتىنان بالا زارداپ شەككەنىن مالىمدەدى.

«جەڭىل اۆتوكولىك بالانى قاعىپ كەتكەن. جابىق باس-مي جاراقاتىن العان. قازىرگى ۋاقىتتا №2 كوپبەيىندى قالالىق بالالار اۋرۋحاناسىندا جاتىر»، - دەلىنگەن حابارلامادا.

RELATED NEWS
كورەيادا جول اپاتىنان قازاقستاننىڭ 4 ازاماتى مەرت بولدى
27 ناۋرىز 2025
كورەيادا جول اپاتىنان قازاقستاننىڭ 4 ازاماتى مەرت بولدى

وڭتۇستىك كورەيانىڭ سوحەان اۆتوماگيسترالىندە قازاقستاننىڭ 4 ازاماتى مىنگەن كولىك جاردان قۇلاپ، سالوندا بولعان بارلىعى مەرت بولدى. بۇل جايىندا Korea JoongAng Daily باسىلىمى حابارلايدى.

وڭتۇستىككورەيلىك باسىلىمنىڭ جازۋىنشا، 4 ادام وتىرعان Mercedes-Benz كولىگى جەرگىلىكتى ۋاقىت بويىنشا شامامەن 00:30-دا كەنگيدو ولكەسىنىڭ حۆاسون قالاسىندا جولدىڭ وڭ جاق بەتىندەگى قورشاۋعا سوعىلعان. سودان كەيىن كولىك بىرنەشە مەتر تومەن قۇلاپ، ورتەنگەن.

جول-كولىك وقيعاسى تۋرالى حابار الىسىمەن ءورت سوندىرۋشىلەر سول جەرگە شۇعىل اتتانعان. ولار اپاتتان كەيىنگى 30 مينۋتتىڭ ىشىندە ءورتتى سوندىرگەن. قيراعان كولىكتەن 4 ادامنىڭ ءمايىتى تابىلعان.

مەرت بولعانداردىڭ ءاتى-جونى ازىرگە بەلگىسىز. پوليسيا اپاتتىڭ ناقتى نەدەن بولعانىن انىقتاپ جاتىر.

 

استانادا فەلدشەردى سوققىعا جىققان ەر ادام سوتتالىپ تىندى
28 مامىر 2025
استانادا فەلدشەردى سوققىعا جىققان ەر ادام سوتتالىپ تىندى
 
استانادا جەدەل جاردەم قىزمەتكەرىن سوققىعا جىققان ەر ادام سوتتالىپ كەتتى، دەپ حابارلايدى Ulys.

2025 جىلعى 29 قاڭتاردا استانادا جەدەل جاردەم فەلدشەرىنە شابۋىل جاسالىپ، ول جابىق باس-مي جاراقاتىن العان. وقيعا شاقىرتۋعا كەلگەن جەدەل جاردەم بريگاداسى مەن ناۋقاستىڭ تۋىستارىنىڭ ءبىرى اراسىندا بولعان.

فەلدشەر سوتقا ارىز جازىپ، دەنساۋلىعىنا كەلتىرىلگەن زالال ءۇشىن ماتەريالدىق وتەماقى تالاپ ەتتى. پروكۋرور شابۋىل جاساعان ەر ادامعا 1 جىلعا باس بوستاندىعىن شەكتەۋدى سۇرادى. ال جابىرلەنۋشى بۇل جازانى 3 جىلعا دەيىن ۇزارتۋدى ءوتىندى.

ايىپتالۋشى كىناسىن تولىق مويىندادى، ارەكەتىنە وكىنىش ءبىلدىردى، سونداي-اق ونىڭ كىشكەنتاي بالاسى بارەكەنى ەسكەرىلدى. اۋىرلاتاتىن جاعدايلار انىقتالعان جوق.

سوت قازاقستان رەسپۋبليكاسىنىڭ زاڭىنا سايكەس بۇل قىلمىستى ورتا دارەجەلى دەنساۋلىققا قاساقانا زيان كەلتىرۋ رەتىندە باعالاپ، مىناداي شەشىم شىعاردى:

  • 1 جىل 6 اي شارتتى تۇردە باس بوستاندىعىنان ايىرۋ (شارتتى جازا)،
  • ماتەريالدىق وتەماقىنى جابىرلەنۋشىگە وتەۋ مىندەتتەلدى.
تۇركىستاندا 50-دەن استام ادام سۋشي مەن پيسسادان ۋلاندى
13 ناۋرىز 2025
تۇركىستاندا 50-دەن استام ادام سۋشي مەن پيسسادان ۋلاندى

تۇركىستاندا 57 ادام تاماقتان ۋلانىپ، كومەككە جۇگىنگەن، دەپ حابارلايدى Ulys.

تۇركىستان قالاسىندا ءدامحانادان پيسسا، سۋشي، چيكەن تاعامىن ساتىپ الىپ، ۋلانعاندار سانى 57 ادامعا جەتتى. ولاردىڭ 28ء-ى - كامەلەت جاسقا تولماعان بالالار. بارلىعى 22 ادام اۋرۋحاناعا جاتقىزىلعان، قالعانى امبۋلاتورلىق ەم قابىلداپ جاتىر. بۇعان دەيىن جان ساقتاۋ بولىمىنە جاتقىزىلعان ءۇش ادام جالپى بولىمگە اۋىستىرىلعان. 

پوليسيا قاۋلىسىمەن اتالعان ءدامحانا جابىلىپ، قىلمىستىق ءىس قوزعالدى. 

رەسمي اقپاراتقا قاراعاندا، ۋلانعانداردىڭ ءبارى تۇركىستان قالاسىنداعى ءدامحانادان پيسسا، سۋشي، چيكەن تاعامىن ۇيىنە تاپسىرىسپەن الىپ، تاماقتانعان. كوپ وتپەي ولاردىڭ ءىشى ءوتىپ، قۇسىپ، باسى اينالىپ، كوزى كىرتيىپ، اياق-قولى مۇزداپ، ەرنى كوگەرگەن. بارلىعى جەدەل جاردەممەن اۋرۋحاناعا جەتكىزىلگەن.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.