"استانا-زەلەنستروي" ءجشس-نىڭ بۇرىنعى باس ديرەكتورى جەمقورلىق قىلمىستار جاسادى دەگەن كۇدىككە ءىلىندى، دەپ حابارلايدى Ulys انتيكورعا سىلتەمە جاساپ.
استانا بويىنشا سىبايلاس جەمقورلىققا قارسى قىزمەت "استانا-زەلەنستروي" ج ش س بۇرىنعى باس ديرەكتورىنا قاتىستى سوتالدى تەرگەۋ جۇرگىزىپ جاتىر.
"ول قىلمىستىق ءىستى توقتاتۋ ءۇشىن قۇقىق قورعاۋ ورگاندارىنىڭ لاۋازىمدى ادامدارىنا الاياقتىق جاساۋعا جانە 15 ملن تەڭگە سوماسىندا پارا بەرۋگە يتەرمەلەۋگە وقتالعانى ءۇشىن كۇدىكتى.
بۇدان باسقا، تاپسىرىس بەرۋشىلەرى استانا جەرگىلىكتى اتقارۋشى ورگاندارى بولىپ تابىلاتىن كوپجىلدىق بۇتالاردى وتىرعىزۋ بويىنشا ورىندالعان جۇمىستاردىڭ قۇنىن ارتتىرۋ جولىمەن ءوزىنىڭ لاۋازىمدىق وكىلەتىن تەرىس پايدالانعانى ءۇشىن كۇدىكتى"، - دەلىنگەن حابارلامادا.