ۇكىمەت قاۋلىسىمەن اقتاۋ قالاسى اۋەجايىنىڭ ماڭىندا بولعان Az Airlines اۋە كومپانياسىنىڭ ەمبرايەر 190 ۇشاعىنىڭ اپاتقا ۇشىراۋ سەبەپتەرىن تەكسەرۋ بويىنشا ۇكىمەتتىك كوميسسيا قۇرىلدى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى. بۇل تۋرالى ۇكىمەتتىڭ باسپا ءسوز قىزمەتى حابارلادى.
كوميسسيا قۇرامىنا پرەمەر-مينيستردىڭ ورىنباسارى، ماڭعىستاۋ وبلىسىنىڭ اكىمى، توتەنشە جاعدايلار، كولىك، سىرتقى ىستەر، ىشكى ىستەر، ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ مينيسترلىكتەرىنىڭ باسشىلىعى، باس كولىك پروكۋرورى كىردى.
كوميسسياعا وقيعا ورنىنا دەرەۋ ۇشىپ بارىپ، ۇشاقتىڭ اپاتقا ۇشىراۋ سەبەپتەرىن جان-جاقتى تەكسەرۋدى قامتاماسىز ەتۋ، قازا تاپقانداردىڭ وتباسىلارىنا جانە زارداپ شەككەندەرگە العاشقى كومەك كورسەتۋ شارالارىن قابىلداۋ تاپسىرىلدى.
قازاقستان ۇكىمەتى ازەربايجان ۇكىمەتىمەن بولعان وقيعانىڭ سەبەپتەرىن جان-جاقتى تەرگەۋ جانە العاشقى كومەك كورسەتۋ بويىنشا بىرلەسىپ جۇمىس ىستەۋدە.
