اقتاۋ تۇرعىندارى 2 شىلدە كۇنى كولىك جۇرگىزۋشىسى جىلدامدىقپەن بالالاردىڭ ويىن الاڭىنا كىرىپ كەتكەنىن حابارلادى. وقيعانىڭ سالدارى ۆيدەوعا ءتۇسىپ قالعان. بۇل كادرعا ماڭعىستاۋ وبلىستىق پوليسيا دەپارتامەنتىنىڭ باسپا ءسوز قىزمەتى تۇسىنىك بەردى، دەپ حابارلايدى Ulys Tengrinews.kz cىلتەمە جاساپ.
كۋاگەرلەردىڭ ايتۋىنشا، وقيعا ساعات 05:00 شاماسىندا 3-شاعىن اۋدانداعى N7 ءۇيدىڭ ماڭىندا بولعان.
ماڭعىستاۋ وبلىستىق پوليسيا دەپارتامەنتىنىڭ باسپا ءسوز قىزمەتى جول اپاتىنا كىنالى 2005 جىلى تۋعان جىگىت ەكەنىن حابارلادى.
«اقتاۋ قالالىق پوليسيا باسقارماسى پاترۋلدىك پوليسيا باتالونىنىڭ قىزمەتكەرلەرى قۇقىق بۇزۋشىنى انىقتاپ، ق ر اكىمشىلىك قۇقىق بۇزۋشلىق تۋرالى كودەكسىنىڭ 620-بابى "جول قوزعالىسىنا قاتىسۋشىلارعا قويىلاتىن وزگە دە تالاپتاردى بۇزۋ" بويىنشا اكىمشىلىك جاۋاپكەرشىلىككە تارتىلدى ول وقيعا كەزىندە ەس-تۇسسىز بولعان»، - دەپ حابارلادى ۆەدومستۆو.