بۇگىن قازاقستان رەسپۋبليكاسىنىڭ تۇركياداعى ەلشىلىگى انكارا قالاسىندا ناۋرىز مەرەكەسىن جوعارى دەڭگەيدە اتاپ ءوتتى. بۇل تۋرالى اقپارات اتالعان ەلشىلىكتىڭ فەيسبۋك الەۋمەتتىك جەلىسىندە (https://www.facebook.com/kzembassy) جاريالاندى.
مەرەكەلىك شاراعا قازاقستاننىڭ تۇركياداعى ەلشىسى ابزال ساپاربەك ۇلى، تۇركيا رەسپۋبليكاسى پرەزيدەنتىنىڭ باس كەڭەسشىلەرى يالچىن توپچۋ جانە ي.شەنەر، تۇرىكسوي باس حاتشىسىنىڭ ورىنباسارى ف. پۋرتاش، تۇركيا ۇلى ۇلتتىق ءماجىلىسىنىڭ ەكس-سپيكەرى حيكمەت چەتين، تۇۇم دەپۋتاتى، بۇرىنعى پرەمەر-مينيستر ورىنباسارى يىلدىرىم تۇعرىل تۇركەش جانە تۇركيانىڭ مەملەكەتتىك جانە قوعام قايراتكەرلەرى، انكاراداعى ديپلوماتيالىق كورپۋس باسشىلارى، ىستامبۇل، مانيسا، نيعدە، ساكاريا قالالارىنىنا كەلگەن قازاق دياسپوراسى وكىلدەرى، تۇركيادا ءبىلىم الىپ جاتقان قازاق جاستارى مەن ب ا ق وكىلدەرى قاتىستى. جينالعان قاۋىمعا قازاقتىڭ سالت-داستۇرلەرى كورسەتىلدى. اتاپ ايتقاندا، قىدىر اتانىڭ باتا بەرۋى، بەتاشار جانە تۇساۋكەسەر داستۇرلەرىنىڭ ساحنالىق كورسەتىلىمى شەتەل قوناقتارىن ءتانتى ەتتى.
القالى جيىن امرە، «جىگىتتەر» توبى، قازاق ۇلتتىق ونەر ۋنيۆەرسيتەتى «استانا» فولكلورلىق مۋزىكا توبى، «وتاۋ» بي توبى جانە «تۇركسوي» ونەرپازدارىنىڭ كونسەرتتىك باعدارلاماسى جانە رەسمي قابىلداۋمەن جالعاسىن تاپتى.
ناۋرىز مەرەكەسىنە وراي ەلشىلىك باقشاسىندا كيىز ءۇي تىگىلىپ، قازاقتىڭ ۇلتتىق تاعامدارى مەن كيىمدەرى قوناقتارعا تانىستىرىلدى.
