"كوك تۋ" قازاق مادەنيەتi قوعامىنىڭ مۇشەسi، جاس تالانت سۋرەتشi كارiم بايعۇتوۆتىڭ "ونەرتاپقىش قولدار" اتالاتىن سۋرەت كورمەسiنiڭ اشىلۋ سالتاناتى ءوتتi. قازاقستاندا جاستار جىلىنىڭ جاريالانۋىنا وراي ۇيىمداستىرىلعان كورمەنiڭ اشىلۋىنا قازاقستان رەسپۋبليكاسىنىڭ تۇركياداعى ەلشiسi ابزال ساپاربەك ۇلى مەن ونەر جاناشىرلارى جانە انكارادا ءبىلىم الىپ جاتقان قازاقستاندىق ستۋدەنتتەر قاتىستى. اشىلۋ سالتاناتىنىڭ العاشقى قۇتتىقتاۋ ءسوزiن سويلەگەن ەلشi ابزال ساپاربەك ۇلى، ەلشiلiك رەتiندە قازاقستاننىڭ تۇركيادا كەڭ تانىستىرىلۋىنا ەرەكشە ءمان بەرەتiندiكتەرiن اتاپ ءوتiپ، ايرىقشا تۇردە مادەني جۇمىستاردىڭ بەل ورتاسىندا بەلسەندiلiك تانىتىپ جۇرگەن "كوك تۋ" قازاق مادەنيەتi قوعامىنا العىسىن ءبىلدىردى. تالانتتى سۋرەتشi كارiم بايعۇتوۆتىڭ جاستار جىلى اياسىندا ۇيىمداستىرىلعان كورمەسi بۇل تۇرعىدا ماڭىزدى ەكەندiگiن سالماقتاي سويلەگەن ەلشi مىرزا، قوناقتاردى ناۋرىز مەرەكەسiمەن قۇتتىقتادى. بۇدان سوڭ ءسوز العان قۇرمەتتi قوناقتاردىڭ بiرi، پروفەسسور ءحۇليا كاساپوعلۋ چەنگەل حانىم بولسا، قازاقستاننىڭ تۇڭعىش پرەزيدەنتi نۇرسۇلتان نازاربايەۆتىڭ سارابدال ساياساتىنا جوعارى باعا بەرىپ ەلباسىمىزدىڭ ۇلى اقىن ماعجان جۇمابايدىڭ "مەن جاستارعا سەنەمiن!" مۇراتىمەن ۇندەس قادام جاساعانىن اتاپ ءوتتi. "ەلباسى نازاربايەۆتىڭ سارابدال ساياساتى ارقاسىندا قازاق جاستارىمەن ناۋرىزدى انكارا تورىندە قارسى الىپ وتىرمىز. ءبىر عاسىر بۇرىن قازاقتىڭ اتاقتى ءبىرتۋار اقىنى ماعجان جۇماباي:
"مەن سەنەمiن جاستارعا.
الاش اتىن اسپانعا
شىعارار ولار بiر تاڭدا،
مەن جاستارعا سەنەمiن! " دەگەن ەدى. ماعجاننىڭ جاستار تۋرالى يدەياسى نازاربايەۆتىڭ جاستار جىلىمەن جالعاسىن تاپتى. مەن دە جاستارعا سەنەمىن! جاستار جىلى قۇتتى بولسىن!"،-دەپ ءسوزىن تۇيىندەدى.
كورمەدەن كەيىن ناۋرىز مەرەكەسىنە وراي ۇيىمداستىرىلعان مەرەكەلىك ءىس-شارا كونسەرتكە ۇلاستى. ونەرپازدار ۇلتتىق اۋەندەردى اسقاقتاتىپ، اسەم ءان مەن اۋەزدى جىردان شاشىلعان شاشۋ كوپشىلىكتىڭ كوڭىلىنەن شىقتى.